ជប៉ុន រកឃើញបំណែកឧទ្ធម្ភាគចក្រ និងមនុស្ស ៥នាក់នៅក្រោមសមុទ្រ ដែលបាត់ខ្លួនតាំងពី ១០ថ្ងៃមុន

ឧទ្ធម្ភាគចក្រ GSDF ដែលបាត់ខ្លួនកាលពីថ្ងៃទី៦ ខែមេសា ឆ្នាំ២០២៣ ពោលគឺតាំងពី ១០ថ្ងៃមុនមកម្ល៉េះ ត្រូវបានកងកម្លាំងជប៉ុនរកឃើញបំណែករបស់វានៅក្រោមមហាសមុទ្រ នាថ្ងៃអាទិត្យនេះ។

កងកម្លាំងស្វ័យការពារដីគោករបស់ប្រទេសជប៉ុន និយាយថា ក្រុមអ្នកមុជទឹកបានបញ្ជាក់ថា វត្ថុដែលបានរកឃើញនៅក្រោមទឹកនៅខេត្តអូគីណាវ៉ាភាគនិរតីរបស់ប្រទេស គឺជាផ្នែកនៃឧទ្ធម្ភាគចក្រ GSDF ដែលបាត់ខ្លួនកាលពី ១០ថ្ងៃមុន។ បន្ថែមពីលើនេះ អ្នកមុជទឹកក៏រកឃើញមនុស្ស ៥នាក់ផងដែរ នៅក្រោមជម្រៅទឹក ដែលពួកគេទំនងមកពីក្រុមនាវិករបស់ឧទ្ធម្ភាគចក្រ ខណៈពេលនេះកងជំនួយកំពុងប្រញាប់ប្រញាល់ជួយទាញពួកគេឡើងមក។

គួរបញ្ជាក់ថា ឧទ្ធម្ភាគចក្រ​ GSDF បាន​បាត់​ពី​រ៉ាដា​ភ្លាមៗ ​បន្ទាប់​ពី​ហោះ​ចេញ​ពី​កោះ Miyakojima របស់ខេត្ត​អូគីណាវ៉ា​ កាល​ថ្ងៃ​ទី៦ ខែ​មេសា ដែលកាលពីពេលបាត់ខ្លួនមានមនុស្ស ១០នាក់ នៅលើឧទ្ធម្ភាគចក្រ៕

ប្រែសម្រួល៖ សន្យា

ប្រភព៖ NHK

ចុចអាន៖ រឹបអូសវត្ថុតាងមួយចំនួនពីផ្ទះជនសង្ស័យបំផ្ទុះគ្រាប់បែក នៅកន្លែងសុន្ទរកថានាយករដ្ឋមន្ត្រីជប៉ុន

ចុចអាន៖ កូរ៉េខាងត្បូង បាញ់ព្រមាន ក្រោយទូកកូរ៉េខាងជើង ឆ្លងកាត់ព្រំដែនសមុទ្ររបស់ខ្លួន