អ្នកលេងសៀកចិន ភ្នាត់ស្នៀត ធ្លាក់បត់.ក ស្លាប់ មុខទស្សនិកជន

ស្រ្តីលេងសៀកជនជាតិចិនម្នាក់ បានបាត់បង់ជីវិត បន្ទាប់ពីភ្លាត់ស្នៀត ធ្លាក់បត់.ក ពេលសម្ដែងក្នុងទីក្រុង ស៊ូចូវ កាលពីចុងសប្តាហ៍មុន។

ក្នុងវីដេអូឃ្លីបមួយ គេបានឃើញនាង Sun Moumou អាយុ៣៧ឆ្នាំកំពុងសម្តែងជាមួយប្តី ប៉ុន្តែនាងត្រូវធ្លាក់ពីកម្ពស់១០ម៉ែត្រនៅលើឆាក បន្ទាប់ពីចាប់ជើងប្តីមិនជាប់។

ថ្វីបើ នាង​ត្រូវ​បាន​គេ​បញ្ជូន​ទៅ​កាន់​មន្ទីរពេទ្យក៏ដោយ ប៉ុន្តែវេជ្ជបណ្ឌិត​មិន​អាច​ជួយ​សង្គ្រោះ​ជីវិត​នាង​បានឡើយ។

ទោះបីជាយ៉ាងណាក៏ដោយ ភ្លាមៗ ប្តីរបស់នាង មិនអាចនិយាយបញ្ជាក់អំពីព័ត៌មានលម្អិតណាមួយបាននោះទេ។

នៅ​ក្នុង​វីដេអូ​ដើម អ្នក​ទស្សនា​ត្រូវ​បាន​គេ​ឮ​ស្រែកដោយក្តីរន្ធត់ ខណៈ Sun ធ្លាក់ចុះ។

ក្រោយមក ការសម្តែងត្រូវលុបចោលភ្លាមៗ រួមជាមួយនឹងកម្មវិធីដែលគ្រោងទុកនៅចុងសប្តាហ៍នេះផងដែរ។

ទន្ទឹមនោះ កាសែត Global Times បានរាយការណ៍ថា ភ្នាក់ងាររៀបចំកម្មវិធីគឺ Anhui Yaxi Performing Art Media ត្រូវពិន័យជាប្រាក់ជាង ៧០០០ដុល្លារ សម្រាប់ការរៀបចំសម្តែងពាណិជ្ជកម្ម ដោយគ្មានការអនុញ្ញាត៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ គ្រូសៀករុស្ស៊ីល្បីឈ្មោះ ត្រូវសត្វតោ​ដែលខ្លួនបង្ហាត់ ហក់ខាំ ពេលកំពុងសម្តែង