ព័ត៌មានអន្ដរជាតិ

សត្វខ្លាឈីតានៅ ឥណ្ឌា ដែលនាំចូលពីអាហ្វ្រិក ងាប់ដោយគ្មានមូលហេតុ

បានផុស

៣ years មុន

នៅ

ថ្ងៃព្រហស្បតិ៍ ២៧ មេសា ២០២៣

ដោយ

សត្វខ្លាឈីតាមួយក្បាលងាប់នៅឧទ្យានជាតិ Kuno រដ្ឋ Madhya Pradesh ប្រទេសឥណ្ឌា ដោយគ្មានមូលហេតុគឺជាសត្វខ្លាមួយក្នុងចំណោមខ្លា ១២ ក្បាលដែលត្រូវបានគេនាំមកប្រទេសឥណ្ឌាពីអាហ្វ្រិកខាងត្បូងក្នុងខែកុម្ភៈ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមពិតទៅករណីសត្វខ្លាឈីតាងាប់ខាងលើជាលើកទីពីរទេ ព្រោះក្នុងថ្ងៃទី ២៧ ខែមីនា មានសត្វខ្លាឈីតាញីមួយក្បាលបានងាប់ដូចគ្នាដោយសារជំងឺតម្រងនោម ទន្ទឹមនេះប្រទេសឥណ្ឌាក៏បានស្វាគមន៍កូនខ្លាឈីតា ៤ ក្បាល កាលពីថ្ងៃទី ២៩ ខែ មីនា ផងដែរ ។

គួរបន្ថែមថា សត្វខ្លាឈីតាគឺជានិមិត្តសញ្ញាដ៏អស្ចារ្យនៅក្នុងប្រទេសឥណ្ឌាព្រោះវាជាផ្នែកមួយនៃរឿងនិទានប្រជាប្រិយជាច្រើន និងជាថនិកសត្វតែមួយគត់ដែលបានផុតពូជតាំងពីឆ្នាំ ១៩៤៧ មកម្ល៉េះ ។

ពាក់ព័ន្ធនឹងបញ្ហាដាច់ពូជរបស់ខ្លាឈីតានៃប្រទេសឥណ្ឌា អ្នកជំនាញខាងសត្វព្រៃបានឲ្យដឹងថាបណ្ដាលមកពីការបរបាញ់ បាត់បង់ទីជម្រក និងគ្មានសត្វព្រៃជាចំណីគ្រប់គ្រាន់ ដូច្នេះប្រជាជនឥណ្ឌាត្រូវរួមគ្នាការពារទើបមិនដាច់ពូជម្ដងទៀត ៕

ប្រែសម្រួល ៖ BBC

ចុចអាន ៖ រឿងពិសេសៗ ៧ យ៉ាងពីសត្វខ្លាឈីតា រត់លឿនជាងគេបំផុតនៅលើពិភពលោក