ជនជាតិកេនយ៉ា ជាង១០០នាក់ ជឿងប់លើសាសនា សុខចិត្តបង្អត់អាហារដល់ស្លាប់

ប៉ូលិសនៅប្រទេសកេនយ៉ា បានចាប់ខ្លួនគ្រូគង្វាលដ៏មានប្រជាប្រិយម្នាក់ទៀត ខណៈចំនួនមនុស្សស្លាប់ដែលជាប់ទាក់ទងនឹងការគោរពបូជានៅក្នុងតំបន់​ បានកើនឡើងដល់១០៣នាក់ហើយ គិតត្រឹមថ្ងៃសុក្រទី២៨ខែមេសា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រូគង្វាល Ezekiel Odero ត្រូវប្រឈមការចោទប្រកាន់ព្រហ្មទណ្ឌ ទាក់ទងនឹងការសម្លាប់រង្គាលលើអ្នកមានជំនឿលើគាត់។ នេះបើយោងតាមសេចក្តីថ្លែងការណ៍របស់រដ្ឋមន្ត្រីក្រសួងមហាផ្ទៃលោក Kithure Kindiki។

អ្នកសម្របសម្រួលប្រចាំតំបន់លោក Rhoda Onyancha បាននិយាយថា ព្រះវិហាររបស់គាត់ត្រូវបិទទ្វារ ហើយអ្នកដែលគេរកឃើញនៅខាងក្នុងនោះ ត្រូវបានបញ្ជាឲ្យចាកចេញ។

គួរបញ្ជាក់ថា ព្រះវិហារ New Life Prayer Center របស់លោក Odero គឺស្ថិតក្នុងតំបន់ Malindi ជាកន្លែងដែលគ្រូគង្វាលម្នាក់ទៀតឈ្មោះ Paul Makenzi កំពុងត្រូវបានស៊ើបអង្កេត ពាក់ព័ន្ធការនាំអ្នកមានជំនឿលើគាត់ ឲ្យបង្អត់អាហាររហូតដល់ស្លាប់៕

ប្រែសម្រួល៖ Vann Vann

ប្រភព៖ Fox

ចុចអាន៖ ប៉ូលិសរកឃើញសាកសពមនុស្សជាច្រើន ស្លាប់ដោយសារងប់ងុលនឹងសាសនានៅ កេនយ៉ា