ព័ត៌មានអន្ដរជាតិ
ណាតូ បង្ហើបថា ចង់បើកការិយាល័យទំនាក់ទំនងនៅ ជប៉ុន
អគ្គលេខាធិការអង្គការណាតូ លោក Jens Stoltenberg បានបង្ហើបឲ្យដឹងថា អង្គការណាតូកំពុងពិភាក្សាជាមួយរដ្ឋាភិបាលជប៉ុន ដើម្បីបើកការិយាល័យទំនាក់ទំនងនៅទីក្រុងតូក្យូ ។
លោក Stoltenberg បាននិយាយនៅក្នុងបទសម្ភាសន៍ជាមួយទូរទស្សន៍ CNN កាលពីថ្ងៃពុធថា ប្រទេសជប៉ុនគឺជាដៃគូដ៏ជិតស្និទ្ធ និងសំខាន់សម្រាប់អង្គការណាតូ ហើយសម្ព័ន្ធភាពយោធាមួយនេះ ចាំបាច់ត្រូវបង្កើនភាពជាដៃគូរបស់ខ្លួនជាមួយដៃគូនៅតំបន់ឥណ្ឌូប៉ាស៊ីហ្វិក ដើម្បីទប់ទល់ជាមួយរុស្ស៊ី និងចិន ។
ទោះយ៉ាងណា លោក Stoltenberg មិនបានផ្តល់ព័ត៌មានលម្អិតអំពីពេលវេលាជាក់លាក់ណាមួយដែលការិយាល័យនេះ អាចត្រូវបានបង្កើតឡើងនោះទេ ប៉ុន្តែប្រព័ន្ធផ្សព្វផ្សាយរបស់សហរដ្ឋអាមេរិកបានចុះផ្សាយថា ប្រសិនបើផែនការនេះសម្រេចបាន វានឹងក្លាយជាការិយាល័យដំបូងបង្អស់របស់អង្គការណាតូនៅតំបន់អាស៊ី ។
បើយោងតាមសារព័ត៌មានជប៉ុន Nikkei បានរាយការណ៍កាលពីថ្ងៃទី៣ ខែឧសភាថា “អង្គការណាតូគ្រោងនឹងបើកការិយាល័យទំនាក់ទំនងរបស់ខ្លួននៅក្នុងប្រទេសជប៉ុននាឆ្នាំក្រោយ ហើយការិយាល័យនេះនឹងអនុញ្ញាតឲ្យសម្ព័ន្ធភាពយោធាធ្វើការពិគ្រោះយោបល់តាមកាលកំណត់ជាមួយប្រទេសជប៉ុន និងដៃគូសំខាន់ៗនៅក្នុងតំបន់ដូចជា កូរ៉េខាងត្បូង អូស្ត្រាលី និងនូវែលសេឡង់” ។
សារព័ត៌មានជប៉ុនមួយនេះបានលើកឡើងទៀតថា ការសម្រេចចិត្តជាផ្លូវការសម្រាប់ការបើកការិយាល័យនេះ គួរតែត្រូវបានធ្វើឡើងមុនកិច្ចប្រជុំកំពូលណាតូនៅទីក្រុង វីលនីញូស នៃប្រទេសលីទុយអានី នាថ្ងៃទី១១ ដល់ថ្ងៃទី១២ ខែកក្កដាខាងមុខនេះ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ កូរ៉េខាងជើង ព្រមាន ជប៉ុន កុំឲ្យចូលរួមក្នុងក្រុមប្រឹក្សានុយក្លេអ៊ែរ កូរ៉េខាងត្បូង-អាមេរិក
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង