Connect with us

ព័ត៌មានអន្ដរជាតិ

លោក បៃដិន ថា សំណើរបស់បក្សសាធារណរដ្ឋ ស្ដីពីបំណុល គឺមិនអាច​ទទួលយកបានឡើយ

បានផុស

នៅ

ប្រធានាធិបតី​អាមេរិកលោក ចូ បៃដិន បាននិយាយថា សំណើរបស់គណបក្សសាធារណរដ្ឋចំពោះដំណោះស្រាយបញ្ហាបំណុល គឺមិនអាចទទួលយកបានឡើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបដិសេធសំណើនេះ គឺដោយសារតែរដ្ឋបាលប្រជាធិបតេយ្យរបស់លោក បៃដិន ចង់បង្កើនដែនកំណត់លើចំនួនមូលនិធិដែលរដ្ឋាភិបាលសហរដ្ឋអាមេរិកអាចខ្ចីបាន ។ ទន្ទឹមនោះ គណបក្ស​សាធារណរដ្ឋ​និយាយ​ថា ពួក​គេ​នឹង​ចុះ​ហត្ថលេខា​លើ​បញ្ហា​នេះ លុះត្រា​តែរដ្ឋាភិបាលលោក បៃដិន យល់ព្រម​កាត់​បន្ថយ​ការ​ចំណាយ​ជា​ទ្រង់ទ្រាយ​ធំ ។

ថ្លែងនៅឯកិច្ចប្រជុំកំពូល G7 ក្នុងទីក្រុងហ៊ីរ៉ូស៊ីម៉ា ប្រទេសជប៉ុនកាលពីថ្ងៃអាទិត្យ, លោក បៃដិន បានលើកឡើងថា គណបក្សប្រជាធិបតេយ្យរបស់លោក បានដាក់ចេញនូវសំណើកាត់បន្ថយការចំណាយលើសពី ១ ពាន់ពាន់លានដុល្លារ ពីលើការកាត់បន្ថយឱនភាពសារពើពន្ធដែលស្នើឡើងកាលពីមុនជិត ៣ ពាន់ពាន់លានដុល្លារ ។

លោក បៃដិន បញ្ជាក់ថា សំណើគណបក្សសាធារណរដ្ឋ គឺការពារការក្លែងបន្លំពន្ធរបស់អ្នកមានទ្រព្យសម្បត្តិ និងពាណិជ្ជករគ្រីបតូ ខណៈពេលដែលជំនួយស្បៀងអាហារប្រឈមនឹងហានិភ័យសម្រាប់ជនជាតិអាមេរិកជិត ១ លាននាក់ ហើយវា​ដល់​ពេល​ហើយ​សម្រាប់​គណបក្ស​សាធារណរដ្ឋដើម្បី​ផ្លាស់​ចេញ​ពីមុខ​តំណែង​ជ្រុល​និយម​របស់​ពួកគេ ហើយ​ភាគច្រើន​នៃ​អ្វី​ដែល​ពួកគេ​បាន​ស្នើ​រួច​ គឺ​មិនអាចទទួល​យកបានឡើយ ។

យោងតាមប្រព័ន្ធផ្សព្វផ្សាយសហរដ្ឋអាមេរិកបានរាយការណ៍ថា គណបក្សសាធារណរដ្ឋកំពុងស្នើលក្ខខណ្ឌកាន់តែតឹងរ៉ឹងបន្ថែម សម្រាប់ការធានារ៉ាប់រងផ្នែកវេជ្ជសាស្រ្ត និងជំនួយស្បៀងអាហារសម្រាប់អ្នកមានប្រាក់ចំណូលទាប ។

ចំពោះរដ្ឋមន្ត្រីរតនាគាររបស់អាមេរិកលោកស្រី Janet Yellen ក្នុងបទសម្ភាសន៍ជាមួយ NBC News កាលពីថ្ងៃអាទិត្យ បាននិយាយថា លោកស្រីមិនបានផ្លាស់ប្តូរការវាយតម្លៃពីមុនឡើយ គឺ​អាមរិក មិនអាចសងបំណុលទាំងអស់ភ្លាមៗ នៅថ្ងៃទី១ ខែមិថុនានេះនោះទេ ហើយបើសិនជាពន្យាពេលដល់ថ្ងៃ១៥ ខែមិថុនា ដើម្បី​ចាំចំណូលពីការប្រមូលពន្ធបន្ថែម គឺមានឱកាសទាបណាស់ ៕

ប្រែសម្រួល ៖ នាង រតនៈ

ប្រភព ៖ NHK

ចុចអាន៖ លោកស្រី Clinton ព្រមានថា បើ Trump ជាប់ឆ្នោត អ៊ុយក្រែន នឹងចប់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៤ ម៉ោង មុន

បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព

ព័ត៌មានជាតិ១៣ ម៉ោង មុន

រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO  ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ

ព័ត៌មានជាតិ២១ ម៉ោង មុន

គម្រោងអភិវឌ្ឍន៍ប្រព័ន្ធធារាសាស្ត្រដ៏ធំនៅខេត្តបន្ទាយមានជ័យ នឹងជួយបង្កបង្កើនផលដល់កសិករ និងកាត់បន្ថយទឹកជំនន់

ព័ត៌មានជាតិ១៦ ម៉ោង មុន

តំណាងអយ្យការសម្រេចចោទប្រកាន់លោក ស្រី ស៊ីណា លើសំណុំរឿង២ និងដោះលែងមនុស្ស២នាក់វិញ

សន្តិសុខសង្គម២១ ម៉ោង មុន

ក្រុមទម្លាក់យោងម្នាក់ ក្នុងចំណោមបក្ខពួក​៣នាក់ ត្រូវនគរបាលខេត្តកំពង់ស្ពឺឃាត់ខ្លួន

Sokha Hotels

ព័ត៌មានពេញនិយម