ព័ត៌មានអន្ដរជាតិ
ក្មេងប្រុសអាយុ ១២ ឆ្នាំនៅ អាមេរិក បំបែកឯតទគ្គកម្មបញ្ចប់ការសិក្សាមហាវិទ្យាល័យ
ក្មេងប្រុសអាយុ ១២ ឆ្នាំម្នាក់មកពីរដ្ឋកាលីហ្វ័រញ៉ា បានធ្វើឲ្យមានការចាប់អារម្មណ៍ជាខ្លាំងក្នុងប្រទេស និងទូទាំងពិភពលោក បន្ទាប់ពីបានបញ្ចប់ការសិក្សានៅមហាវិទ្យាល័យក្នុងខែ ឧសភា។
ក្មេងប្រុសរូបនេះមានឈ្មោះថា Clovis Hung ដែលបានចាប់ផ្ដើមមហាវិទ្យាល័យនៅអាយុ ៩ ឆ្នាំ ឥឡូវនេះគឺជាមនុស្សក្មេងជាងគេនៅក្នុងប្រវត្តិសាស្ត្ររបស់សាលា Fullerton College ដែលមានអាយុ ១០៨ ឆ្នាំ ដោយទទួល បានសញ្ញាប័ត្ររងចំនួនប្រាំ។
តាមពិតទៅ Clovis បានដើរតាមគន្លងសិក្សាធម្មតារហូតដល់អាយុ ៧ ឆ្នាំនៅពេលដែលរូបគេធុញទ្រាន់នឹងថ្នាក់ទី២ ។ ម្តាយរបស់គាត់ឈ្មោះ Song Choi ដែលបានធ្វើការជាគ្រូបង្រៀនជាង ២០ ឆ្នាំបានសម្រេចចិត្តនៅផ្ទះបង្រៀនកូនប្រុសខ្លួនផ្ទាល់តែម្ដង។
បន្ទាប់ពីមួយឆ្នាំនៃការសិក្សានៅផ្ទះ Clovis បានចូលមហាវិទ្យាល័យ Fullerton ។ ការសម្រេចចិត្តរបស់គេក្នុងការចុះឈ្មោះគឺត្រូវបានបំផុសគំនិតដោយអ្នកតំណាងម្នាក់ទៀតរបស់ Fullerton គឺ Jack Rico ដែលពីមុនបានបង្កើតកំណត់ត្រាបញ្ចប់ការសិក្សានិងទទួលបានសញ្ញាប័ត្រ៤ នៅអាយុ ១៣ ឆ្នាំក្នុងឆ្នាំ ២០២០ ។
នៅថ្ងៃទី ២០ ខែឧសភា Clovis បានបំបែកឯតទគ្គកម្មរបស់ Jack នៅពេលដែលគាត់បានដើរឆ្លងកាត់ឆាក ហើយទទួលបានសញ្ញាបត្របរិញ្ញាបត្ររងផ្នែកសិល្បៈចំនួន ៥ ប្រវត្តិសាស្ត្រ, វិទ្យាសាស្ត្រសង្គម, អាកប្បកិរិយាសង្គម និងការអភិវឌ្ឍន៍ខ្លួនឯង, សិល្បៈ និងការបញ្ចេញមតិរបស់មនុស្ស, វិទ្យាសាស្ត្រ និងគណិតវិទ្យា ដោយ GPA របស់គាត់គឺ ៣.៩២ ។
ទោះយ៉ាងណាក៏ដោយ ក្មេងប្រុស Clovis គ្រោងនឹងរៀនបន្តនៅ Fullerton មួយឆ្នាំបន្ថែមទៀតដើម្បីទទួលបានសញ្ញាប័ត្ររងក្នុងការអភិវឌ្ឍន៍ប្រព័ន្ធស្វយ័ត។ បន្ទាប់មករូបគនឹងចូលរៀននៅ Stanford ឬ MIT ដើម្បីធ្វើការថ្នាក់បរិញ្ញាបត្រ។ ចំពោះចំណាប់អារម្មណ៍ក្នុងអាជីពរបស់គាត់រួមមាន លំហអាកាស អាកាសយានិកពាណិជ្ជកម្ម និងវេជ្ជសាស្ត្រ ខណៈរូបគេទើបតែបានចូលរួមជាមួយ Civic Air Patrol ហើយសង្ឃឹមថា នឹងទទួលបានប័ណ្ណបើកបរនៅអាយុ ១៦ ឆ្នាំ៕
ប្រែសម្រួល៖ សាង ស្រីល័ក្ខ
ចុចអាន៖គ្រូកុងហ្វូបំបែកឥដ្ឋ១២២ ដុំដោយដៃទទេ ធ្វើឲ្យអ្នកលេងអ៊ីនធឺណិតអស់សំណើចនិងហួសចិត្ត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ