លោក ចូ បៃដិន ដួលលើឆាក ក្នុងពិធី​ប្រគល់​សញ្ញាប័ត្រនៅ​រដ្ឋ Colorado

លោកប្រធានាធិបតី​ ចូ បៃដិន បានចំពប់ជើងដួលលើឆាក ​ក្នុងពិធី​ប្រគល់​សញ្ញាប័ត្រ ​ដល់​បណ្ឌិតសភា​ទ័ព​អាកាស​អាមេរិកចំនួន៩២១នាក់ នៅ​រដ្ឋ Colorado កាលពីថ្ងៃព្រហស្បតិ៍ទី១ខែមិថុនា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាក៏ដោយ លោក បៃដិន ត្រូវបានគេជួយលើកឡើង ហើយហាក់ដូចជាគ្មានរបួសអ្វីនោះទេ ខណៈស្របពេលជាមួយគ្នានោះ នាយកទំនាក់ទំនងសេតវិមាន បាននិយាយថា “លោក បៃដិន មិនបានកើតអ្វីឡើយ”។ 

ក្រោយក្រោកពីដួល លោក បៃដិន បានដើរត្រលប់ទៅកន្លែងអង្គុយរបស់គាត់​ ដោយមិនចាំបាច់មាននរណាជួយ ហើយបន្ទាប់មក ក៏ដើរទៅក្បួនរថយន្តរបស់គាត់វិញ នៅពេលពិធីត្រូវបញ្ចប់។

ក្រោយឧបទ្ទវហេតុថ្មីនេះ ក្រុមអ្នករិះគន់បាននិយាយថា លោក បៃដិន ពិតជាចាស់ពេកហើយ ក្នុងការឈរឈ្មោះជាប្រធានាធិបតីអាណត្តិទីពីរ។

តាមការស្ទង់មតិនាពេលថ្មីៗនេះបង្ហាញថា អ្នកបោះឆ្នោតអាមេរិកភាគច្រើន ព្រួយបារម្ភអំពីអាយុដ៏ច្រើនខ្ពស់របស់គាត់ ស្របពេលដែលលោកនឹងមានអាយុ ៨២ ឆ្នាំនៅដើមអាណត្តិទីពីរ ប្រសិនបើឈ្នះឆ្នោត ។

គួរបញ្ជាក់ថា នេះមិនមែនជាលើកដំបូងទេ ដែលលោក​ បៃដិន ធ្វើឲ្យគេព្រួយបារម្ភអំពីបញ្ហាអាយុ។ លោកក៏ធ្លាប់ដួលកង់ និងជំពប់ជើងដួលពេលឡើងជណ្តើរយន្តហោះ Air Force One ផងដែរ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC, Daily Mail

ចុចអាន៖ អតីតវេជ្ជបណ្ឌិតសេតវិមាន ព្រមានថា សុខភាពផ្លូវចិត្តរបស់លោក បៃដិន នឹងបណ្តាលឲ្យប្រជាជនអាមេរិក ស្លាប់