ព័ត៌មានអន្ដរជាតិ
Elon Musk ថា ឡាន Tesla ផលិតនៅ ចិន មានគុណភាពខ្ពស់បំផុត
នាយកប្រតិបត្តិក្រុមហ៊ុន Tesla លោក Elon Musk បានបញ្ចប់ដំណើរទស្សនកិច្ចលើកដំបូងរបស់លោក ទៅកាន់ប្រទេសចិនក្នុងរយៈពេល ៣ ឆ្នាំ បន្ទាប់ពីបានជួបជាមួយមន្ត្រីរដ្ឋាភិបាលជាច្រើនរូប ។ មុនចាកចេញ លោកបានថ្លែងអំណរគុណដល់កម្មកររោងចក្រដ៏ធំរបស់ក្រុមហ៊ុននៅក្នុងទីក្រុងសៀងហៃ ហើយសរសើរថា ផលិតផលរបស់ Tesla នៅទីនេះ គឺមានគុណភាពខ្ពស់បំផុត ។
វាជាលើកទីមួយហើយដែល Elon Musk បានមកចិន ចាប់តាំងពីខែមករា ឆ្នាំ ២០២០ មក ។ មុនពេលចាកចេញត្រឡប់ទៅវិញ មហាសេដ្ឋីរូបនេះបានជួបលោក Chen Jining ប្រធានបក្សកុម្មុយនិស្តទីក្រុងសៀងហៃ ។
ក្នុងជំនួបនោះដែរលោក Chen បានលើកទឹកចិត្តដល់ក្រុមហ៊ុន Tesla (TSLA) ឲ្យជំរុញការវិនិយោគ និងប្រតិបត្តិការរបស់ខ្លួននៅក្នុងទីក្រុងសៀងហៃ និងនាំយកផលិតផល ច្ចេកវិទ្យា ក៏ដូចជាសេវាកម្មថ្មីៗបន្ថែមទៀត មកកាន់ទឹកដីចិនផងដែរ ។
បន្ទាប់ពីមកដល់ទីក្រុងប៉េកាំង អ្នកមានជាងគេលើពិភពលោករូបនេះ បានចុះទៅរោងចក្រ Gigafactory ខណៈបន្ទាប់មកបានទៅដល់ទីក្រុងសៀងហៃនៅម៉ោង ៩ យប់ ។ នៅចំពោះមុខកម្មកររោងចក្រជាច្រើន លោក Elon Musk និយាយថា “លោកពិតជារំភើប និងចង់សាទរយ៉ាងខ្លាំងចំពោះការងារដ៏អស្ចារ្យរបស់កម្មករ ។ ខ្ញុំគ្រាន់តែចង់ប្រាប់អ្នកឲ្យដឹងថា អ្នកធ្វើឲ្យបេះដូងរបស់ខ្ញុំកក់ក្តៅណាស់” ។
កាន់តែពិសេសទៀតនោះ លោកមហាសេដ្ឋី បានយកដៃធ្វើជាសញ្ញាបេះដូង រួចពោលថា “លោកនឹងប្រាប់មនុស្សទូទាំងពិភពលោកថា រថយន្តដែលផលិតនៅរោងចក្រសៀងហៃនេះ មិនត្រឹមតែផលិតប្រកបដោយប្រសិទ្ធភាពបំផុតប៉ុណ្ណោះទេ ប៉ុន្តែថែមទាំងមានគុណភាពខ្ពស់បំផុតផងដែរ” ។
គួរឲ្យដឹងថា Gigafactory គឺជារោងចក្រផលិតរថយន្តដ៏ធំបំផុតរបស់ក្រុមហ៊ុន Tesla នៅក្រៅសហរដ្ឋអាមេរិក ។ នៅឆ្នាំ ២០២២ ក្រុមហ៊ុនបានចែកចាយរថយន្តចំនួន ១.៣១ លានគ្រឿងនៅទូទាំងពិភពលោក ខណៈច្រើនជាងពាក់កណ្តាលនៃរថយន្តទាំងនោះ គឺមកពីទីក្រុងសៀងហៃ ៕
ប្រែសម្រួល៖ នាង រតនៈ
ប្រភព៖ CNN
ចុចអាន ៖ បេសកជនពិសេស ចិន និយាយ ២ ឃ្លាយ៉ាងខ្លីដើម្បីបញ្ចប់សង្គ្រាម រុស្ស៊ី-អ៊ុយក្រែន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង