ទីបំផុត ក្រុមហ៊ុនធំបំផុតមួយរបស់ ស្វីស បញ្ចប់ការទិញធនាគារ Credit Suisse ជាផ្លូវការ

បន្ទាប់ពីចរចាអស់រយៈពេលជាង ៣ ខែជាមួយសំណើរទិញ ៣.២៥ ពាន់លានដុល្លារ, ​ពេលនេះក្រុមធនាគារស្វីស បញ្ជាក់ថា ធនាគារ UBS បានបញ្ចប់ការទិញទាំងស្រុង និងគ្រប់គ្រងធនាគារ Credit Suisse ជាផ្លូវការហើយ ។

ក្រុមធនាគារស្វីសបញ្ជាក់ថា ដំណើរការទិញយកធនាគារ Credit Suisse របស់ UBS ត្រូវបានបញ្ចប់ ហើយធនាគារ Credit Suisse Group AG នឹងបញ្ចូល UBS Group AG ជាក្រុមធនាគារដំណើរការរួមគ្នាតែមួយ ។

បន្ទាប់ពីការរួមបញ្ចូលនេះហើយ ធនាគារ UBS Group AG នឹងគ្រប់គ្រងធនាគារមេពីរដាច់ដោយឡែកពីគ្នាគឺ UBS AG និង Credit Suisse AG ហើយស្ថាប័ននីមួយៗនឹងរក្សាសាខា និងប្រេនរបស់ខ្លួន ដោយបន្តបម្រើអតិថិជនខ្លួនជាធម្មតា ។

គួររម្លឹកថា កាលពាក់កណ្តាលខែមីនា តម្លៃភាគហ៊ុនរបស់ធនាគារ Credit Suisse បានធ្លាក់ចុះជិត ៣០ ភាគរយ ស្របពេលដែលធនាគារធំៗរបស់អាមេរិកមួយចំនួនបានប្រកាសក្ស័នធនដួលរលំដូចគ្នា ៕

ប្រែសម្រួល ៖ នាង រតនៈ

ប្រភព ៖ Sputnik

ចុចអាន ៖ ប្រធានធនាគារកណ្ដាល រុស្ស៊ី ៖ សេដ្ឋកិច្ចពិភពលោក ត្រឡប់ទៅរកភាពល្អ​​ប្រសើរ ដូចមុនកូវីដ