អាមេរិក-កូរ៉េខាងត្បូង ធ្វើសមយុទ្ធដែនអាកាសរួមគ្នា ក្រោយកូរ៉េខាងជើង បាញ់មីស៊ីលផ្លោងអន្តរទ្វីប

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសកូរ៉េខាងត្បូង បានធ្វើសមយុទ្ធដែនអាកាសរួមគ្នាជាមួយសហរដ្ឋអាមេរិក ជុំវិញឧបទ្វីបកូរ៉េ ដែលសមយុទ្ធនេះ កើតឡើងមួយថ្ងៃបន្ទាប់ពីកូរ៉េខាងជើង បាញ់បង្ហោះនូវអ្វីដែលខ្លួននិយាយថា ជាមីស៊ីលផ្លោងអន្តរទ្វីប ឬ ICBM។

អគ្គសេនាធិការចម្រុះរបស់ទីក្រុងសេអ៊ូល និយាយថា សមយុទ្ធបានធ្វើឡើងកាលពីថ្ងៃព្រហស្បតិ៍ ទី១៣ ខែកក្កដា ដោយមានការចូលរួមពីសំណាក់យន្តហោះចម្បាំងរបស់កូរ៉េខាងត្បូង និងសហរដ្ឋអាមេរិក ព្រមទាំងយន្តហោះទម្លាក់គ្រាប់បែកយុទ្ធសាស្ត្រ B-52 របស់សហរដ្ឋអាមេរិកផងដែរ។

ស្របពេលជាមួយគ្នានោះ ក្រុមអ្នកវិភាគនិយាយថា សម្ព័ន្ធមិត្តទាំងពីរ បានធ្វើសមយុទ្ធនេះ ដើម្បីកំញើញដល់កូរ៉េខាងជើង កុំឲ្យបង្ករឿងបន្ថែមទៀត។

កាលពីថ្ងៃពុធ ទីក្រុងព្យុងយ៉ាងបានប្រើប្រាស់បច្ចេកវិទ្យាឥន្ធនៈរឹង សម្រាប់ការបាញ់បង្ហោះ ICBM ហើយនោះគឺ​ជា​ការ​បាញ់​សាកល្បង​មី​ស៊ី​ល Hwasong-18 ជា​លើក​ទី​២ ​របស់កូរ៉េខាងជើង ហើយនេះក៏​ជា​លើក​ទី ​១២ ដែរ​​ក្នុងរយៈពេលជាង ៦ ខែនៃ​ឆ្នាំ ២០២៣ ​ដែលរដ្ឋាភិបាលទីក្រុងព្យុងយ៉ាងបាញ់មីស៊ីល៕

ប្រែសម្រួល៖ Vann Vann

ប្រភព៖ NHK

ចុចអាន៖ ដឹងទេ ជាង ៦ ខែមកនេះ កូរ៉េខាងជើង បាញ់មីស៊ីលប៉ុន្មានលើកហើយ