ព័ត៌មានអន្ដរជាតិ
អាមេរិក ៖ ចិន មិនទាន់ឆ្លើយតបថាតើលោក Wang Yi នឹងអញ្ជើញមកទីក្រុងវ៉ាស៊ីនតោន ឬអត់នោះទេ
រដ្ឋមន្ត្រីការបរទេសអាមេរិក លោក Antony Blinken បាននិយាយកាលពីថ្ងៃព្រហស្បតិ៍ថា ទីក្រុងវ៉ាស៊ីនតោនមិនទាន់ទទួលបានការឆ្លើយតបណាមួយ ពាក់ព័ន្ធទៅនឹងការអញ្ជើញរដ្ឋមន្ត្រីការបរទេសចិនដែលទើបតែងតាំងថ្មីលោក Wang Yi ដើម្បីមកបំពេញទស្សនកិច្ចនៅសហរដ្ឋអាមេរិកនៅឡើយទេ ។
លោក Blinken បានប្រាប់អ្នកយកព័ត៌មាននៅឯទីស្នាក់ការកណ្តាលរបស់អង្គការសហប្រជាជាតិ (UN) ក្នុងទីក្រុងញូវយ៉ក បន្ទាប់ពីលោកបានធ្វើជាប្រធានកិច្ចប្រជុំស្តីពីសន្តិសុខស្បៀងពិភពលោកថា “យើងមិនទាន់មានការឆ្លើយតបពីភាគីចិននៅឡើយទេ ប៉ុន្តែយើងនៅតែបន្តការអញ្ជើញនោះដដែល” ។
រដ្ឋមមន្ត្រីការបរទេសរូបនេះបានលើកឡើងទៀតថា “យើងនឹងមានឱកាសជួបគ្នាសាជាថ្មី ជាពិសេសនឹងបន្តកិច្ចសន្ទនាសំខាន់ៗដូចដែលខ្ញុំធ្លាប់ទៅទីក្រុងប៉េកាំង ហើយយើងរំពឹងយ៉ាងពេញលេញលើសមភាគីចិននឹងមកសហរដ្ឋអាមេរិកវិញជាក់ជាមិនខាន” ។
លោក Blinken បញ្ជាក់ថា “មានកាតព្វកិច្ចជាច្រើនដែលទាំងសហរដ្ឋអាមេរិក និងចិនត្រូវធ្វើ ក្នុងការគ្រប់គ្រងទំនួលខុសត្រូវនៃទំនាក់ទំនងនេះ ដោយផ្ដើមចេញពីការចរចា រួមទាំងការដោះស្រាយដោយផ្ទាល់ជាមួយនឹងភាពខុសគ្នាណាមួយរបស់យើង ក៏ដូចជាមើលថាតើយើងអាចស្វែងរកកិច្ចសហប្រតិបត្តិការណាដែលនឹងផ្តល់ផលប្រយោជន៍ដល់ប្រជាជនរបស់យើង ឬផ្តល់អត្ថប្រយោជន៍ដល់មនុស្សជាច្រើនជុំវិញពិភពលោកដែរឬទេ ។
គួរបញ្ជាក់ថា លោក Blinken រួមជាមួយរដ្ឋមន្ត្រីក្រសួងរតនាគារលោកស្រី Janet Yellen និងបេសកជនអាកាសធាតុលោក John Kerry គឺជាមន្ត្រីអាមេរិក ៣ រូបដែលបានមកបំពេញទស្សនកិច្ចនៅទីក្រុងប៉េកាំងក្នុងរយៈពេល ២ ខែកន្លងមកនេះ ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ ចិន ថា អង្គការណាតូ ជាអ្នកបង្កើតសង្គ្រាមនៅ អ៊ុយក្រែន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង