ព័ត៌មានអន្ដរជាតិ
រុស្ស៊ី ថា យោធាអាមេរិក អាចបង្កើត វិបត្តិជីវសាស្ត្រសកល ដើម្បីឲ្យក្រុមហ៊ុនឱសថ ទទួលផល
យោធាអាមេរិក កំពុងសិក្សាលើភ្នាក់ងារបង្ករោគ ដែលអាចប្រើជាអាវុធជីវសាស្រ្ត ខណៈប្រទេសនេះ កំពុងត្រៀមខ្លួន សម្រាប់ការលេចឡើងនូវជំងឺរាតត្បាតថ្មីដ៏មានសក្តានុពល។ នេះបើតាមការបញ្ជាក់ពី មេបញ្ជាការកងកម្លាំងការពារនុយក្លេអ៊ែរ ជីវសាស្ត្រ និងគីមីរបស់រុស្ស៊ី លោកឧត្តមសេនីយ៍ឯក Igor Kirillov កាលពីថ្ងៃពុធទី១៦ខែ។
លោក Kirillov បានប្រាប់សន្និសីទសារព័ត៌មានខ្លីមួយថា បញ្ជីជំងឺដែលបានទាក់ទាញចំណាប់អារម្មណ៍របស់អ្នកឯកទេសអាមេរិករួមមាន Anthrax, Tularemia, និងមេរោគកូវីដផ្សេងៗ។ ភ្នាក់ងារបង្ករោគទាំងនេះមួយចំនួន ត្រូវបានមជ្ឈមណ្ឌលគ្រប់គ្រងនិងបង្ការជំងឺរបស់សហរដ្ឋអាមេរិក (CDC) ចាត់ថ្នាក់ថាជាការគំរាមកំហែងខ្ពស់ ដែលអាចយកទៅប្រើជា “ភ្នាក់ងារជីវភេរវកម្ម” បាន។
លោកឧត្តមសេនីយ៍អះអាងថា “មាននិន្នាការច្បាស់លាស់ថា ភ្នាក់ងារបង្កជំងឺដែលធ្លាក់ចូលទៅក្នុងតំបន់ចំណាប់អារម្មណ៍របស់មន្ទីរបញ្ចកោណ ដូចជាកូវីដ១៩ គ្រុនផ្តាសាយបក្សី ជំងឺប៉េស្តជ្រូកអាហ្រ្វិក គឺនឹងក្លាយជារោគរាតត្បាតជាបន្តបន្ទាប់ ហើយអ្នកទទួលផល គឺក្រុមហ៊ុនឱសថអាមេរិក”។
យោងតាមលោក Kirillov, សហរដ្ឋអាមេរិកកំពុងសិក្សាយ៉ាងទូលំទូលាយ អំពីមេរោគឆ្លង ពោលគឺមិនយូរប៉ុន្មានមុនពេលជំងឺរាតត្បាតកូវីដ១៩ ចាប់ផ្តើមវាយប្រហារ។
ហើយកាលពីខែមុន សេតវិមានក៏បានប្រកាសពីការបង្កើតការិយាល័យគោលនយោបាយបង្ការ និងឆ្លើយតបជំងឺរាតត្បាត (OPPR) ដែលមានភារកិច្ចដឹកនាំ សម្របសម្រួល និងអនុវត្តសកម្មភាពទាក់ទងនឹងការត្រៀមខ្លួន និងឆ្លើយតបទៅនឹងការគំរាមកំហែងជីវសាស្ត្រដែលគេស្គាល់ និងមិនស្គាល់ផងដែរ។
រុស្ស៊ីបានលើកឡើងម្តងហើយម្តងទៀត អំពីសកម្មភាពជីវសាស្ត្រសកលដែលពាក់ព័ន្ធនឹងយោធាអាមេរិក។ ភ្លាមៗបន្ទាប់ពីជម្លោះរវាងទីក្រុងមូស្គូនិងទីក្រុងកៀវផ្ទុះឡើង រុស្ស៊ីបានចែករំលែកព័ត៌មានអំពីបណ្តាញដ៏ធំ នៃមន្ទីរពិសោធន៍ជីវសាស្ត្រសម្ងាត់ ដែលផ្តល់មូលនិធិដោយសហរដ្ឋអាមេរិកនៅក្នុងប្រទេសអ៊ុយក្រែន។
លើសពីនេះ កាលពីខែមេសា ក្រសួងការពារជាតិរុស្ស៊ី និយាយថា សហរដ្ឋអាមេរិកបាននិងកំពុងសាងសង់មន្ទីរពិសោធន៍ថ្មីនៅអ៊ុយក្រែន និងបណ្តុះបណ្តាលបុគ្គលិករបស់ពួកគេទៀតផង។
ទីក្រុងមូស្គូក៏បានយកបញ្ហាមន្ទីរពិសោធន៍ជីវសាស្រ្ត ទៅអង្គការសហប្រជាជាតិផងដែរ កាលពីខែតុលាឆ្នាំមុន ដោយស្នើសុំឲ្យមានការស៊ើបអង្កេតអន្តរជាតិ។
ទោះបីជាយ៉ាងនេះក្តី សំណើត្រូវបានក្រុមប្រឹក្សាសន្តិសុខអង្គការសហប្រជាជាតិបដិសេធ ដោយសហរដ្ឋអាមេរិក ចក្រភពអង់គ្លេស និងបារាំងបានបោះឆ្នោតប្រឆាំង៕
ប្រែសម្រួល៖ Vann Vann
ប្រភព៖ RT
ចុចអាន៖ រុស្ស៊ី ថា អាវុធដែលលោកខាងលិចផ្ដល់ឲ្យ អ៊ុយក្រែន សុទ្ធតែធុនអន់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ