ព័ត៌មានអន្ដរជាតិ
ប្រទេសអឺរ៉ុបចំនួន ២ សម្រេចផ្ដល់យន្តហោះចម្បាំង F-16 ដល់ អ៊ុយក្រែន
ប្រទេសអឺរ៉ុបចំនួន ២ គឺហូឡង់ និងដាណឺម៉ាកបានសម្រេចផ្តល់យន្តហោះចម្បាំង F-16 ដល់អ៊ុយក្រែន ដើម្បីជួយប្រទេសនេះការពារដែនអាកាសរបស់ខ្លួនប្រឆាំងនឹងការវាយប្រហារពីសំណាក់កងកម្លាំងរុស្ស៊ី ។
ការិយាល័យប្រធានាធិបតីអ៊ុយក្រែនបាននិយាយកាលពីថ្ងៃអាទិត្យថា ការសម្រេចផ្ដល់យន្តហោះចម្បាំង F-16 បានកើតឡើង បន្ទាប់ពីលោកប្រធានាធិបតី Volodymyr Zelensky ជួបពិភាក្សាការងារជាមួយនាយករដ្ឋមន្ត្រីហូឡង់លោក Mark Rutte ហើយលោក Zelensky ក៏បានថ្លែងអំណរគុណដល់ប្រទេសហូឡង់ផងដែរសម្រាប់ការសម្រេចចិត្តផ្ដល់យន្តហោះចម្បាំងចំនួន ៤២ គ្រឿងមកឲ្យអ៊ុយក្រែន ។
ទន្ទឹមនោះ លោក Zelensky ក៏បានចាត់ទុកការសម្រេចចិត្តផ្ដល់យន្តហោះចម្បាំងធុន F-16 ថាជា ប្រវត្តិសាស្ត្រដ៏មានឥទ្ធិពល និងបំផុសគំនិតសម្រាប់អ៊ុយក្រែន ហើយវាជាជំហានមួយទៀតឆ្ពោះទៅរកការពង្រឹងខែលការពារដែនអាកាសរបស់អ៊ុយក្រែន ។
បន្ទាប់ពីចាកចេញពីប្រទេសហូឡង់ លោក Zelensky បានបន្តធ្វើធ្វើដំណើរទៅកាន់ប្រទេសដាណឺម៉ាកដើម្បីជួបជាមួយលោកស្រីនាយករដ្ឋមន្ត្រី Mette Frederiksen ហើយដាណឺម៉ាកក៏ឈានដល់ការសម្រេចផ្ដល់យន្តហោះចម្បាំង F-16 ចំនួន ១៩ គ្រឿងដល់អ៊ុយក្រែន ។
ពាក់ព័ន្ធនឹងបញ្ហានេះដែរ រដ្ឋមន្ត្រីការពារជាតិដាណឺម៉ាកលោក Jakob Ellemann-Jensen បាននិយាយនៅក្នុងសេចក្តីថ្លែងការណ៍មួយថា វាជាមោទនភាពមួយដែលដាណឺម៉ាក រួមជាមួយនឹងប្រទេសហូឡង់ ផ្ដល់យន្តហោះចម្បាំង F-16 ដល់ការប្រយុទ្ធដើម្បីសេរីភាពរបស់អ៊ុយក្រែនប្រឆាំងនឹងរុស្ស៊ី ហើយការគាំទ្ររបស់ដាណឺម៉ាកចំពោះអ៊ុយក្រែន គឺមិនភាពរអាក់រអួលឡើយ ។
គួរបញ្ជាក់ថា ការបញ្ជូនយន្តហោះចម្បាំង F-16 របស់ហូឡង់ និងដាណឺម៉ាកទៅឲ្យរដ្ឋាភិបាលទីក្រុងកៀវនឹងកើតមានឡើង នៅពេលដែលភីឡុតអ៊ុយក្រែនបានបញ្ចប់ការរៀនបើកយន្តហោះដែលផលិតដោយសហរដ្ឋអាមេរិកមួយនេះ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង