ព័ត៌មានអន្ដរជាតិ

តើកូនស្រីលោក ថាក់ស៊ីន លើកឡើងបែបណាខ្លះ បើបានកាន់តំណែងជាប្រធានបក្សភឿថៃ?

បានផុស

២ years មុន

នៅ

ថ្ងៃពុធ ២០ កញ្ញា ២០២៣

ដោយ

បច្ចុប្បន្នតំណែងជាប្រធានបក្សភឿថៃកំពុងនៅទំនេរនៅឡើយ បន្ទាប់ពីលោក Cholnan Srikaew បានលាលែងពីតំណែងកាលពីថ្ងៃទី៣០ ខែសីហា ក្រោយពេលដែលខុសមាត់ខុសកទៅនឹងការសន្យារបស់លោក អំឡុងយុទ្ធនាការឃោសនាបោះឆ្នោត ខណៈកូនស្រីលោក ថាក់ស៊ីន ត្រូវបានគេមើលឃើញថាស័ក្តិសមនឹងតំណែងមួយនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធនឹងបញ្ហានេះដែរ លោកស្រី ផេថងថាន ស៊ីណាវ៉ាត់ត្រា បានលើកឡើងថា លោកស្រីត្រៀមខ្លួនរួចជាស្រេចដើម្បីធ្វើជាប្រធានគណបក្សភឿថៃ ប្រសិនបើសមាជិកបក្សជ្រើសរើសលោកស្រីឲ្យបន្តតំណែងនេះជំនួសលោក Cholnan Srikaew ។

ថ្លែងក្នុងពិធីប្រារព្ធខួបលើកទី ១៦ នៃការបង្កើតបក្សនៅទីស្នាក់ការកណ្ដាលរបស់បក្សភឿថៃ លោកស្រី ផេថងថាន បានបញ្ជាក់ថា “ខ្ញុំនឹងទទួលយកការសម្រេចចិត្តទាំងអស់របស់សមាជិកគណបក្ស ប៉ុន្តែប្រសិនបើមានបេក្ខជនណាទៀតដែលស័ក្តិសមជាងខ្ញុំសម្រាប់ធ្វើជាមេបក្ស ខ្ញុំក៏សុខចិត្តដែរ” ។

លោកស្រីសង្កត់ធ្ងន់ថា “ទោះជាយ៉ាងនេះក្តី ប្រសិនបើគណបក្សជ្រើសរើសខ្ញុំជាប្រធានបក្សថ្មី ខ្ញុំនឹងរីករាយទទួលយកការតែងតាំងនេះ” ។ ទន្ទឹមនោះ លោកស្រីថែមទាំងបានប្តេជ្ញាចិត្តក្នុងការសម្រេចឲ្យបាននូវគោលដៅរបស់គណបក្សផងដែរក្នុងការធ្វើជាអ្នកដឹកនាំមួយនេះ ។

គួរបញ្ជាក់ថា កូនស្រីលោក ថាក់ស៊ីន វ័យ ៣៧ ឆ្នាំរូបនេះមិនមានតំណែងណាមួយនៅក្នុងជួរគណៈរដ្ឋមន្ត្រីក្រោមការដឹកនាំរបស់លោក សេតថា ថាវីស៊ីន នាយករដ្ឋមន្ត្រីថ្មីរបស់ថៃនោះទេ ខណៈលោក Cholnan ដែលលាលែងពីប្រធានគណបក្សទទួលបានតំណែងជារដ្ឋមន្ត្រីក្រសួងសុខភាពសាធារណៈ ៕

ប្រែសម្រួលដោយ ៖ ជីវ័ន្ត

ប្រភព ៖ The Nation Thailand

ចុចអាន ៖ ថៃ ដាក់ចេញគោលនយោបាយការបរទេសថ្មី គឺចុះពិនិត្យជីវភាពរស់នៅ របស់ពលរដ្ឋតាមព្រំដែនជាមួយ កម្ពុជា