ព័ត៌មានអន្ដរជាតិ
លោក បៃដិន បញ្ជាក់ច្បាស់ៗទៅ អ៊ីស្រាអែល ថា ការកាន់កាប់តំបន់ហ្គាហ្សា នឹងក្លាយជា “កំហុសដ៏ធំ”
កាលពីថ្ងៃពុធទី១៥ខែវិច្ឆិកា ប្រធានាធិបតីអាមេរិកលោក ចូ បៃដិន និយាយថា លោកបានបញ្ជាក់ច្បាស់ៗទៅកាន់នាយករដ្ឋមន្ត្រីអ៊ីស្រាអែល Benjamin Netanyahu ថា ដំណោះស្រាយរដ្ឋពីរ គឺជាចម្លើយតែមួយគត់ដើម្បីដោះស្រាយជម្លោះអ៊ីស្រាអែល-ប៉ាឡេស្ទីន ហើយការកាន់កាប់តំបន់ ហ្គាហ្សា នឹងក្លាយជាកំហុសដ៏ធំ។
លោក បៃដិន ប្រាប់អ្នកយកព័ត៌មានថា លោកកំពុងធ្វើគ្រប់យ៉ាងតាមលទ្ធភាព ដើម្បីរំដោះចំណាប់ខ្មាំង ដែលក្រុមសកម្មប្រយុទ្ធហាម៉ាស ចាប់យកទៅតំបន់ហ្គាហ្សា ប៉ុន្តែនោះមិនមែនមានន័យថា អាមេរិកបញ្ជូនយោធាទៅទេ។
![](https://www.kampucheathmey.com/wp-content/uploads/2023/11/image-1208-1024x683.png)
លោក បៃដិន គូសបញ្ជាក់ថា លោកកំពុងធ្វើការលើបញ្ហានេះឥតសម្រាក ហើយនឹងមិនឈប់ឡើយរហូតដល់ចំណាប់ខ្មាំង រួមទាំងកុមារអាមេរិកអាយុ៣ឆ្នាំម្នាក់ផងដែរ ត្រូវបានដោះលែង។
ប្រទេសកាតា ដែលក្រុមហាម៉ាសមានការិយាល័យនយោបាយនៅទីនោះ បានដឹកនាំការសម្រុះសម្រួលរវាងចលនាសកម្មប្រយុទ្ធនេះនិងមន្ត្រីអ៊ីស្រាអែល សម្រាប់ការដោះលែងចំណាប់ខ្មាំងជាង២៤០នាក់។
ពួកគេត្រូវបានចលនាសកម្មប្រយុទ្ធ ចាប់យកទៅ នៅពេលក្រុមប្រដាប់អាវុធ វាយលុកចូលក្នុងប្រទេសអ៊ីស្រាអែលកាលពីថ្ងៃទី៧តុលា ហើយអ៊ីស្រាអែលនិយាយថា មនុស្ស១២០០នាក់ ត្រូវបានសម្លាប់ក្នុងអំឡុងពេលនៃការវាយប្រហារនោះ។
បន្ទាប់មក អ៊ីស្រាអែល ក៏បើកយុទ្ធនាការទម្លាក់គ្រាប់បែកឥតឈប់ឈរ ទៅលើតំបន់ហ្គាហ្សា ហើយកាលពីចុងខែមុន បានចាប់ផ្តើមការលុកលុយនៃតំបន់នោះទៀត ដែលបណ្តាលឲ្យមនុស្សជាង១១០០០នាក់ត្រូវបាត់បង់ជីវិត ដោយមានប្រហែល៤០%នៃពួកគេ គឺជាកុមារ៕
ប្រែសម្រួល៖ Vann Vann
ប្រភព៖ CNA
-
សេដ្ឋកិច្ច១ សប្តាហ៍ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ៥ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ១ សប្តាហ៍ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៤ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៦ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានអន្ដរជាតិ៣ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ១ សប្តាហ៍ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
-
ព័ត៌មានជាតិ៦ ថ្ងៃ ago
រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ