មីយ៉ាន់ម៉ាចាប់ផ្តើមបង្ក្រាបបាតុកម្មហើយ មនុស្សជាង១០០នាក់ត្រូវចាប់ខ្លួននៅ Mandalay
Connect with us
Helistar Cambodia - Helicopter Charter Services

ព័ត៌មានអន្ដរជាតិ

មីយ៉ាន់ម៉ាចាប់ផ្តើមបង្ក្រាបបាតុកម្មហើយ មនុស្សជាង១០០នាក់ត្រូវចាប់ខ្លួននៅ Mandalay

Published

on

កងកម្លាំងប៉ូលិសបានធ្វើសកម្មភាពតាមការគំរាមរបស់ពួកគេ ក្នុងការបង្ក្រាបក្រុមបាតុករដោយចាប់ខ្លួនអ្នកតវ៉ាប្រមាណ១០០នាក់ ហើយបានបាញ់គ្រាប់កាំភ្លើងពិតនិងអាវុធគ្រប់គ្រងកុបកម្មដាក់អ្នកដទៃដែលបណ្តាលឲ្យមនុស្សមួយចំនួនរងរបួសធ្ងន់។

ក្នុងចំណោមអ្នកដែលត្រូវបានចាប់ខ្លួននៅថ្ងៃនោះរួមមានអភិបាលក្រុង Mandalay លោក U Ye Lwin ដែលជាឥស្សរជនដ៏គួរឲ្យគោរពម្នាក់នៃទីក្រុងធំលំដាប់ទី២របស់ប្រទេសមីយ៉ាន់ម៉ាមួយនេះ។

ប្រភពដែលអាចទុកចិត្តបាននៅទីក្រុង Mandalay បានបញ្ជាក់ថា អភិបាលក្រុងរូបនេះត្រូវបានចាប់ខ្លួនដោយភ្នាក់ងារអនុវត្តច្បាប់កាលពីព្រឹកថ្ងៃទី៩ខែកុម្ភៈ។

ទោះបីជាយ៉ាងណាក៏ដោយ មូលហេតុនៃការចាប់ខ្លួនរបស់គាត់នៅមិនទាន់ត្រូវបានគេដឹងច្បាស់នៅឡើយទេ។

មនុស្សរាប់រយនាក់ផ្សេងទៀតត្រូវបានចាប់ខ្លួនក្នុងអំឡុងបាតុកម្មនៅទីក្រុង Mandalay ពោលគឺមួយថ្ងៃបន្ទាប់ពីរដ្ឋាភិបាលដឹកនាំដោយយោធា បានដាក់បម្រាមគោចរនិងហាមឃាត់មិនឲ្យមានការប្រមូលផ្តុំមនុស្ស៥នាក់ឬច្រើនជាងនេះ។

បាតុកររាប់ពាន់នាក់រួមទាំងគ្រូបង្រៀនមកពីសកលវិទ្យាល័យនិងមហាវិទ្យាល័យផ្សេងៗគ្នាក្នុងទីក្រុង Mandalay បានប្រមូលផ្តុំគ្នាប្រឆាំងនឹងកងទ័ពនិងអ្វីដែលពួកគេអះអាងថា ជាការរឹបអូសអំណាចដោយខុសច្បាប់ពីរដ្ឋាភិបាលជាប់ឆ្នោត។

មន្រ្តីប៉ូលិសប្រឆាំងកុបកម្មបានចេញការព្រមានជាច្រើនដល់ក្រុមបាតុករ ដោយទទូចឲ្យពួកគេបញ្ឈប់ការធ្វើបាតុកម្ម ប៉ុន្តែក្រុមបាតុករបានទទូចសុំអាជ្ញាធរអនុញ្ញាតឲ្យពួកគេបន្តធ្វើបាតុកម្ម៕

ប្រែសម្រួលដោយ៖ Vann Vann

ប្រភព៖ Myanmar Times

ចុចអាន៖ យោធាវាយឆ្មក់និងកម្ទេចទីស្នាក់ការគណបក្សរបស់លោកស្រី ស៊ូជី

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ6 hours ago

សម្តេចតេជោ ចេញវិធានការ២បន្ទាន់ចំពោះខេត្តព្រះសីហនុដែលកំពុងកើនឡើងអ្នកវិជ្ជមានកូវីដ-១៩

ព័ត៌មានជាតិ6 hours ago

អ្នកវិជ្ជមាន​កូវីដ១៩មួយគ្រួសារ ក្នុង​បុរី​ ប៉េង ហួត ភូមិ​ក្តី​តាកុយ សង្កាត់វាលស្បូវ ត្រូវ​ក្រុម​គ្រូពេទ្យ​ចុះ​យក​ទៅព្យាបាល

ព័ត៌មានជាតិ6 hours ago

Update !!! ទីតាំង​ប្រឈម​នឹង​កូវីដ១៩ នៅក្នុង​បុរីប៉េងហួត កើន​ដល់​៦ទីតាំង​ហើយ

ព័ត៌មានជាតិ6 hours ago

រកឃើញ​អ្នក​រត់​កង់​បី​ ៣​នាក់ ​ដឹក​ស្ត្រី​ជនជាតិ​វៀតណាម​មាន​វិជ្ជមាន​កូ​វីដ​១៩​នៅ​ស្វាយរៀង​ហើយ

ព័ត៌មានជាតិ7 hours ago

​Breaking News រដ្ឋបាល​ខេត្ត​ព្រះ​សីហនុ​ ប្រកាសរក​អ្នក​បើក​រថយន្ត​ដឹក​ភ្ញៀវ​ សណ្ឋាគារ​ហ័ង​ហ្គ័នជាយី​ ទៅ​ធ្វើ​តេស្ត​កូវីដ១៩ ក្រោយ​រក​ឃើញ​ស្ត្រីជន​ជាតិចិន​មាន​វិជ្ជមាន​កូវីដ១៩

Sokha Hotels

ព័ត៌មានពេញនិយម

Helistar Cambodia - Helicopter Charter Services