ប៉ូលិស វៀតណាម ចាប់ខ្លួនក្រុម​អ្នក​ផលិត​ឱសថក្លែងក្លាយ ដាក់ចរាចរពេញទីផ្សារ

យោងតាមការចុះផ្សាយពីកាសែត VnExpress ​ កាលពីថ្ងៃទី២១ ខែមេសា​ បញ្ចាក់ថា ប៉ូលិសនៅទីក្រុងហូជីមិញ នៃប្រទេសវៀតណាម បានចាប់ខ្លួនមនុស្សមួយក្រុមមានគ្នីគ្នា៤នាក់ ដែលចោទប្រកាន់ថា បានទិញថ្នាំដែលផុតកំណត់ហើយផ្លាស់ប្តូរកាលបរិច្ឆេទនិងប្រភពដើម ដើម្បីដាក់ចរាចរលក់នៅលើទីផ្សារដូចជាថ្នាំថ្មី។

ជនសង្ស័យទីមួយមានឈ្មោះថា Lu Phu Tham អាយុ ៤៤ ឆ្នាំ និងបក្ខពួក Dang Thi Hong Duyen អាយុ ៤០ ឆ្នាំ Le Thi Anh Nga អាយុ ៣៩ ឆ្នាំ និង Duong Thi Thu Thao អាយុ ៤១ ឆ្នាំ ប្រឈមមុខនឹងការចោទប្រកាន់ពីបទផលិត និងជួញដូរឱសថក្លែងក្លាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប៉ូលិសបានបញ្ចាក់របាយការណ៍ថា Tham គឺជាមេដឹកនាំក្រុមដែលបានចាប់ផ្តើមប្រតិបត្តិការឧក្រិដ្ឋកម្មរបស់ខ្លួនកាលពីពីរឆ្នាំមុន។ ក្រុមនេះបានដើរទិញ​ថ្នាំ​ផ្សេងៗ​ដែល​ជិត​ផុត​កំណត់​ ឬ​មិន​ស្គាល់​ប្រភព​ក្នុង​តម្លៃ​ទាប​ពី​ប្រភព​មួយ​ចំនួន។

យ៉ាងណាក៏ដោយ បន្ទាប់ពីទិញថ្នាំមិនស្គាល់ប្រភពច្បាស់ការក្រុមជនសង្ស័យបានដកចេញនូវការផលិត និងកាលបរិច្ឆេទផុតកំណត់នៅលើវេចខ្ចប់ ហើយប្រើប្រាស់សារធាតុគីមីដើម្បីលុបអត្ថបទដែលបានបោះពុម្ព មុនពេលពួកគេបោះពុម្ពកាលបរិច្ឆេទសារជាថ្មី។

ថ្វីបើយ៉ាងណា បន្ទាប់ពីស៊ើបអង្កេតអស់មួយរយៈធំ Tham និងបក្ខពួក ត្រូវប៉ូលិសឆ្មក់ចូលទីតាំងជាច្រើនដែលពាក់ព័ន្ធជាមួយពួកគេ កាលពីពាក់កណ្តាលខែមេសា។ ទន្ទឹមនោះដែរ ប៉ូលិសបានរឹបអូសនូវបន្ទះថ្នាំចំនួន ១០០,០០០ បន្ទះ ប្រអប់ដប និងបំពង់ថ្នាំក្លែងក្លាយចំនួន ៣៥,០០០ ប្រអប់ ស្លាកសញ្ញា និងស្ទីគ័រ ម៉ាស៊ីនបោះពុម្ពកាលបរិច្ឆេទ ម៉ាស៊ីនកម្ដៅ និងឧបករណ៍សម្រាប់ផលិតឱសថក្លែងក្លាយ។

គួរឲ្យកត់សម្គាល់ដែរថា ក្នុងចំណោមថ្នាំក្លែងក្លាយគឺ Salbuboston ដែលជាថ្នាំមានវេជ្ជបញ្ជាសម្រាប់ព្យាបាលជំងឺហឺត bronchial រលាកទងសួតរ៉ាំរ៉ៃ។​ ក្នុងនោះ ប៉ូលិសបាននិយាយថា ក្រុមហ៊ុនផលិតគ្រឿងញៀនស្របច្បាប់បានឈប់ផលិតនៅឆ្នាំ ២០១៧ ចាប់តាំងពីវាមានសារធាតុហាមឃាត់សម្រាប់ការប្រើប្រាស់របស់មនុស្ស។ បច្ចុប្បន្នប៉ូលិសកំពុង​ស៊ើបអង្កេត​លើ​បរិមាណ​ដែល​ត្រូវបាន​គេ​ប្រើប្រាស់​នៅលើ​ទីផ្សារ និង​របៀប​ដែល​ក្រុម​ជនសង្ស័យ​ចែកចាយ​បន្ត៕

អត្ថបទ៖ សាង ស្រីល័ក្ខ

ចុចអាន៖ត្រឹម១៥នាទី Jennie ជំរុញយីហោសំលៀកបំពាក់វៀតណាមលក់ដាច់គ្មានសល់