តំបន់អាមេរិកឡាទីនមានអ្នកស្លាប់ដោយសារកូវីដ លើស៧០ម៉ឺននាក់

យោងតាមការបូកសរុបរបស់ AFP បានបង្ហាញថា មនុស្សជាង៧០០,០០០នាក់ បានបាត់បង់ជីវិតដោយសារជំងឺកូវីដ១៩នៅក្នុងតំបន់អាមេរិកឡាទីននិងការ៉ាប៊ីនចាប់តាំងពីរោគរាតត្បាតផ្ទុះឡើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តំបន់នេះដែលគ្របដណ្ដប់ប្រទេសនិងដែនដីចំនួន៣៤នៅអាមេរិកខាងត្បូងនិងអាមេរិកកណ្តាល និងតំបន់ការ៉ាប៊ីនបូករួមទាំងប្រទេសម៉ិកស៊ិកផងដែរនោះ មានអ្នកស្លាប់ចំនួន៧០០,០២២នាក់ ដែលជាតួលេខអ្នកស្លាប់ដោយសារវីរុសកូវីដ១៩ខ្ពស់បំផុតលំដាប់ទី២បន្ទាប់ពីអឺរ៉ុប។

គ្រាន់តែប្រទេសប្រេស៊ីលនិងម៉ិកស៊ិក បានរួមចំណែក២ភាគ៣ទៅហើយនៃការស្លាប់ដោយសារជំងឺកូវីដ១៩ក្នុងតំបន់នេះ។ អ្នកស្លាប់បានកើនឡើងលើស៥០០,០០០នាក់នៅត្រឹមចុងខែធ្នូ ហើយបានកើនឡើងជាលំដាប់ចាប់តាំងពីពេលនោះមក ដោយឈានដល់៦០ម៉ឺននាក់នៅថ្ងៃទី២ខែកុម្ភៈ។

ប្រេស៊ីលដែលជាប្រទេសរងគ្រោះខ្លាំងបំផុតលំដាប់ទី២បន្ទាប់ពីសហរដ្ឋអាមេរិក បានចុះបញ្ជីការស្លាប់ជាង២៦៦,០០០នាក់និងការឆ្លងចំនួន១១លានករណី។

នៅទូទាំងពិភពលោក មនុស្សជិត១១៧លាននាក់ ត្រូវបានគេរាយការណ៍ថាបានឆ្លងវីរុសនេះ ហើយជិត២.២៦លាននាក់បានស្លាប់ចាប់តាំងពីការផ្ទុះឡើងបានចាប់ផ្តើមកាលពីខែធ្នូឆ្នាំ២០១៩៕

ប្រែសម្រួលដោយ៖ Vann Vann

ប្រភព៖ Bangkok Post

ចុចអាន៖ មាន​អ្នកជាប់ពាក់ព័ន្ធ​នឹងអ្នក​ឆ្លងកូវីដ១៩ ខ្ទង់រយនាក់នៅហង្សមាស

ចុចអាន៖ ដំណឹងល្អ! កម្ពុជា ស្ថិតក្នុងចំណោមប្រទេសអាស៊ីទាំង២៤ដែលជប៉ុនផ្តល់ជំនួយឥតសំណង សម្រាប់ផ្គត់ផ្គង់វ៉ាក់សាំងកូវីដ