ព័ត៌មានអន្ដរជាតិ
ក្រោយជជែកជាមួយពូទីន លោក ត្រាំ ប្រកាសថា រុស្ស៊ី-អ៊ុយក្រែននឹងចាប់ផ្ដើមកិច្ចចរចាបទឈប់បាញ់ភ្លាមៗ
ប្រធានាធិបតីអាមេរិក លោក ដូណាល់ ត្រាំ បានប្រកាសថា រុស្ស៊ី និងអ៊ុយក្រែននឹងចាប់ផ្តើមការចរចាបទឈប់បាញ់ភ្លាមៗ បន្ទាប់ពីការសន្ទនាតាមទូរសព្ទរយៈពេលជាងពីរម៉ោងជាមួយប្រធានាធិបតីរុស្ស៊ីលោក វ៉្លាឌីមៀរ ពូទីន កាលពីថ្ងៃទី១៩ខែឧសភាឆ្នាំ២០២៥។ ការពិភាក្សានេះ បង្ហាញពីចំណុចរបត់ដ៏មានសក្តានុពលនៅក្នុងជម្លោះដែលកំពុងបន្ត បើទោះបីជាបញ្ហាប្រឈមជាច្រើននៅតែមាន។
លោក ត្រាំ ចាត់ទុកការហៅទូរសព្ទលើកនេះថាទទួលបានផ្លែផ្កាល្អ ដោយបញ្ជាក់ថា មេដឹកនាំទាំងពីរបានយល់ព្រមការផ្តួចផ្តើមកិច្ចចរចាក្នុងគោលបំណងដើម្បីសម្រេចបាននូវបទឈប់បាញ់ និងកិច្ចព្រមព្រៀងសន្តិភាពដ៏ទូលំទូលាយមួយ។ លោកបានស្នើបុរីវ៉ាទីកង់ជាកន្លែងដ៏សក្ដិសមសម្រាប់ការចរចា ដោយមានសម្តេចប៉ាប Leo XIV ស្ម័គ្រចូលរួមសម្រួលដល់កិច្ចពិភាក្សា។
លោក ត្រាំ បានលើកឡើងថា «រុស្ស៊ី និងអ៊ុយក្រែននឹងចាប់ផ្តើមការចរចាភ្លាមៗឆ្ពោះទៅរកបទឈប់បាញ់ ហើយសំខាន់ជាងនេះទៅទៀត ការបញ្ចប់សង្រ្គាម។ ដំណើរការខ្លះៗកំពុងត្រូវបានបង្កើតឡើងហើយ»។
លោក ពូទីន បានបង្ហាញពីឆន្ទៈក្នុងការចូលរួមក្នុងកិច្ចសន្ទនា ប៉ុន្តែបានសង្កត់ធ្ងន់ថា បទឈប់បាញ់ណាមួយនឹងត្រូវជាប់ទាក់ទងនឹងការដោះស្រាយ«បញ្ហាឫសគល់» នៃជម្លោះ។ លោកបានគូសបញ្ជាក់ពីលក្ខខណ្ឌជាច្រើនសម្រាប់សន្តិភាពយូរអង្វែង រួមទាំងការរារាំងជាដាច់ខាតមិនឲ្យអ៊ុយក្រែនចូលជាសមាជិកអង្គការណាតូ ការដកកងទ័ពអ៊ុយក្រែនចេញពីតំបន់ដែលកំពុងមានជម្លោះ ការស្តារឡើងវិញនូវការអប់រំជាភាសារុស្ស៊ីលើទឹកដីអ៊ុយក្រែន និងការដកទណ្ឌកម្មរបស់លោកខាងលិច។
ប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលេនស្គី បានឆ្លើយតបដោយបញ្ជាក់សារជាថ្មីអំពីការត្រៀមខ្លួនរបស់អ៊ុយក្រែន សម្រាប់បទឈប់បាញ់ដោយគ្មានលក្ខខណ្ឌ និងបានអំពាវនាវឲ្យមានការបង្កើនសម្ពាធអន្តរជាតិលើប្រទេសរុស្ស៊ីឲ្យចូលរួមក្នុងការចរចាដោយស្មោះត្រង់។ លោកបានស្នើថា ការពិភាក្សានៅពេលអនាគតអាចត្រូវបានរៀបចំនៅទីតាំងអព្យាក្រឹត ដូចជា បុរីវ៉ាទីកង់ ស្វីស ឬតួកគី។
លោក ហ្សេលេនស្គី បាននិយាយថា «ប្រសិនបើរុស្ស៊ីមិនព្រមបញ្ឈប់ការសម្លាប់ បដិសេធដោះលែងអ្នកទោសសង្គ្រាម និងចំណាប់ខ្មាំង ប្រសិនបើលោកពូទីន ធ្វើការទាមទារដែលមិនប្រាកដប្រជា នេះនឹងមានន័យថារុស្ស៊ីបន្តបញ្ឆេះភ្លើងសង្រ្គាម ហើយសមនឹងទទួលបានការដែលអឺរ៉ុប អាមេរិក និងពិភពលោកធ្វើសកម្មភាពចាត់វិធានការតបត រួមទាំងការដាក់ទណ្ឌកម្មបន្ថែមទៀត។ រុស្ស៊ីត្រូវតែបញ្ចប់សង្រ្គាមដែលខ្លួនបានចាប់ផ្តើម ហើយរុស្ស៊ីអាចចាប់ផ្តើមធ្វើដូច្នេះនៅថ្ងៃណាក៏បានដែរ។ អ៊ុយក្រែនតែងតែត្រៀមខ្លួនសម្រាប់សន្តិភាព»៕
ដោយ៖ ឈាង
ក្រោយជជែកជាមួយពូទីន លោក ត្រាំ ប្រកាសថា រុស្ស៊ី-អ៊ុយក្រែននឹងចាប់ផ្ដើមកិច្ចចរចាបទឈប់បាញ់ភ្លាមៗ
Xiaomi គ្រោងចេញលក់ម៉ូឌែលរថយន្តអគ្គិសនីថ្មីប្រជែង Tesla
សហគមន៍កសិកម្មទុរេនបែកអន្លូង ចង់ប្រែក្លាយខ្លួនជា សហគមន៍កសិកម្មទំនើប
ផឹកស្រាអស់ ៣ កំប៉ុង ជិះម៉ូតូទៅរកគូស្នេហ៍ ត្រូវជនមិនស្គាល់មុខវាយរបួសធ្ងន់ សន្លប់ស្ដូកស្ដឹង
រដ្ឋមន្រ្តីក្រសួងបរិស្ថាន៖ កម្ពុជាត្រូវតែម្ចាស់ការការពារធនធានធម្មជាតិដោយខ្លួនឯង
ស្នងការរាជធានី ប្រកាសតែងតាំងលោកវរសេនីយ៍ទោ ប៉ាង សាវឿន ឲ្យគ្រប់គ្រងការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ
រថយន្តបុកម៉ូតូសណ្តោង រួចទៅបុករថយន្តមួយទៀត បណ្តាលឱ្យស្លាប់២នាក់និងរបួសធ្ងន់ ស្រាល១១នាក់
អាមេរិក បញ្ជូនដ្រូនឈ្លបយកការណ៍ទៅសមុទ្រខ្មៅជាថ្មី ក្រោយកិច្ចប្រជុំរុស្ស៊ី-អ៊ុយក្រែន គ្មានបានផល
អាជ្ញាធរចិនប្រកាសអាសន្នគ្រោះមហន្តរាយ ក្រោយភ្លៀងធ្លាក់ខ្លាំងឆក់យកជីវិតមនុស្ស៥នាក់
តារាចម្រៀង ឱក សុគន្ធកញ្ញា ក្លាយជាទូតសុច្ឆន្ទៈ នៃកាយរឹទិ្ធជាតិកម្ពុជា ដើម្បីលើកកម្ពស់ការអប់រំយុវជន
-
ចរាចរណ៍៣ ថ្ងៃ agoស្នងការខេត្តប៉ៃលិន បំភ្លឺជុំវិញករណីគ្រោះថ្នាក់ចរាចណ៍បណ្តាលឱ្យស្លាប់ភាគីជិះម៉ូតូ
-
សន្តិសុខសង្គម១៧ ម៉ោង agoស្នងការរាជធានី ប្រកាសតែងតាំងលោកវរសេនីយ៍ទោ ប៉ាង សាវឿន ឲ្យគ្រប់គ្រងការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ
-
ចរាចរណ៍៥ ថ្ងៃ agoUpdate៖ អ្នកបង្កគ្រោះថ្នាក់បុករះនៅមុខក្រសួងមហាផ្ទៃ ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ
-
ចរាចរណ៍៥ ថ្ងៃ agoUpdate៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
-
សន្តិសុខសង្គម៦ ថ្ងៃ agoឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ
-
ព័ត៌មានជាតិ១ សប្តាហ៍ agoរតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
-
ព័ត៌មានជាតិ២ ថ្ងៃ agoមន្ត្រីសុខាភិបាល អំពាវនាវឱ្យពលរដ្ឋចាក់វ៉ាក់សាំង Pfizer ដើម្បីការពារវីរុសបំប្លែងថ្មី JN.1
-
កីឡា៤ ថ្ងៃ agoលោក អេ ភូថង ប្រាប់ថា មិនដឹងរឿងផ្ទាល់ខ្លួនរបស់ ធឿន ធារ៉ា ខណៈបែកធ្លាយវីដេអូជក់បារីអេឡិចត្រូនិក