ព័ត៌មានអន្ដរជាតិ

យន្តហោះក្រុមហ៊ុនឥណ្ឌាដឹកមនុស្ស២៤២នាក់ធ្លាក់ក្រោយហោះឡើងបន្តិច ចំនួនអ្នកស្លាប់មិនទាន់បញ្ជាក់

បានផុស

១ year មុន

នៅ

ថ្ងៃព្រហស្បតិ៍ ១២ មិថុនា ២០២៥

ដោយ

ក្រុមហ៊ុនអាកាសចរណ៍ឥណ្ឌា (Air India) ដឹកមនុស្សយ៉ាងតិច២៤២នាក់ បានធ្លាក់ភ្លាមៗ ក្រោយហោះហើរឡើងក្នុងទីក្រុង Ahmedabad ភាគខាងលិចប្រទេសឥណ្ឌា ខណៈនេះមិនទាន់មានរបាយការណ៍ពីការស្លាប់និងរបួសពីហេតុការណ៍ដ៏រន្ធត់នេះនោះទេ។ យោងសេចក្តីរាយការណ៍របស់សារព័ត៌មានបរទេសនានា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងរ៉យទ័រ ប៉ូលិស និងក្រុមហ៊ុនអាកាសចរណ៍ បាននិយាយកាលពីថ្ងៃព្រហស្បតិ៍ថា ជើងហោះហើរ Air India ដែលមានមនុស្សយ៉ាងតិច ២៤២នាក់នៅលើយន្តហោះ ចេញដំណើរពីទីក្រុង Ahmedabad ប៉ងឆ្ពោះទៅព្រលានយន្តហោះ Gatwick នៃទីក្រុងឡុងដ៍ចក្រភពអង់គ្លេស។

ក្រុមហ៊ុនអាកាសចរណ៍ឥណ្ឌា ដំណើរការយន្តហោះប្រភេទ 787-8 Dreamliner របស់ក្រុមហ៊ុនផលិតយន្តហោះBeoing ដែលជាក្រុមហ៊ុនផលិតយន្តហោះឈានមុខរបស់ពិភពលោក របស់សហរដ្ឋអាមេរិក។

Euronews បានស្រង់ការបង្ហោះព័ត៌មានរបស់រដ្ឋមន្ត្រីអាកាសចរណ៍ឥណ្ឌា លោក Kinjarapu Ram Mohan Naidu ដោយបានលើកឡើងថា លោកតក់ស្លុតនិងរំជួលអារម្មណ៍ខ្លាំងណាស់ ពេលដឹងព័ត៌មានធ្លាក់យន្តហោះនេះ។

លោក រដ្ឋមន្ត្រីត្រូវបានស្រង់សម្តីដូចបាននិយាយថា៖«យើងដាក់ឲ្យប្រុងប្រយ័ត្នកម្រិតខ្ពស់បំផុត។ ខ្ញុំផ្ទាល់កំពុងតាមដានស្ថានភាព និងបញ្ជាភ្នាក់ងារឆ្លើយតបអាកាសចរណ៍និងគ្រាអាសន្នទាំងអស់ចាត់វិធានការឲ្យរហ័សបំផុតនិងដោយសហការគ្នា»។

ក្រុមហ៊ុនអាកាសចរណ៍ Air India បាននិយាយថា យន្តហោះនេះត្រូវបានធ្វើដំណើរទៅកាន់អាកាសយានដ្ឋាន Gatwick នៃទីក្រុងឡុងដ៍ ក្នុងប្រទេសអង់គ្លេស ខណៈដែលមន្រ្តីប៉ូលីសបាននិយាយថា វាបានធ្លាក់នៅក្នុងតំបន់ជនស៊ីវិលក្បែរព្រលានយន្តហោះ។

តាមការចុះផ្សាយរបស់ France 24 ក្រុមហ៊ុនអាកាសចរណ៍ Air India បានបង្ហោះនៅលើបណ្តាញសង្គម X ថា «នៅពេលនេះ យើងកំពុងស្វែងរកព័ត៌មានលម្អិត ហើយនឹងចែករំលែកព័ត៌មានថ្មីៗបន្ថែមទៀត»។

ប៉ុស្តិ៍ទូរទស្សន៍បានរាយការណ៍ថា ការធ្លាក់យន្តហោះនេះបានកើតឡើងនៅពេលដែលយន្តហោះកំពុងហោះឡើង។ រូបភាពបានបង្ហាញពីកម្ទេចកម្ទីដែលឆេះដោយមានផ្សែងខ្មៅយ៉ាងក្រាស់ឡើងលើមេឃក្បែរព្រលានយន្តហោះ។

ពួកគេក៏បានបង្ហាញពីទិដ្ឋភាពនៃមនុស្សដែលត្រូវបានផ្លាស់ប្តូរនៅក្នុងរទេះរុញ និងត្រូវបានគេយកទៅឆ្ងាយនៅក្នុងរថយន្តសង្គ្រោះ។

ក្រុមអ្នកស៊ើបអង្កេតត្រូវបានគេរាយការណ៍ថា រកឃើញប្រអប់ខ្មៅថតយន្តហោះពីការធ្លាក់យន្តហោះ Air India

ទីភ្នាក់ងារសារព័ត៌មាន ANI បានរាយការណ៍ថា មនុស្សសរុបចំនួន ២៤២ នាក់បានស្ថិតនៅលើយន្តហោះនោះ ទីភ្នាក់ងារសារព័ត៌មាន ANI បានរាយការណ៍ដោយដកស្រង់ពីបន្ទប់ត្រួតពិនិត្យរបស់ប៉ូលីសរដ្ឋ Gujarat ។

ទោះជាយ៉ាងណាក៏ដោយ ទូរទស្សន៍ CNN News18 របស់ប្រទេសឥណ្ឌា បាននិយាយថា មានអ្នកដំណើរចំនួន ២២០ នាក់ និងអ្នកបម្រើលើយន្តហោះ ១២ នាក់នៅលើយន្តហោះដែលធ្លាក់នោះ៕

រ៉ាន់ រើយ