ព័ត៌មានអន្ដរជាតិ
ណេតាន់យ៉ាហ៊ូ និយាយថា «ការសម្លាប់ Khamenei អាចបញ្ចប់ជម្លោះ»
នាយករដ្ឋមន្ត្រីអ៊ីស្រាអែល បេនចាមីន ណេតាន់យ៉ាហ៊ូ បាននិយាយជាសាធារណៈថា ការធ្វើឃាតមេដឹកនាំកំពូលរបស់អ៊ីរ៉ង់ Ayatollah Ali Khamenei «អាចបញ្ចប់ជម្លោះ» រវាងប្រជាជាតិទាំងពីរ ជាជាងធ្វើឲ្យវាកាន់តែកើនកម្ដៅ។
ក្នុងពេលផ្ដល់បទសម្ភាសជាមួយ ABC News កាលពីថ្ងៃទី១៦ខែមិថុនា លោក ណេតាន់យ៉ាហ៊ូ បានលើកឡើងថា ប្រតិបត្តិការបន្សាបការគំរាមកំហែងរបស់អ៊ីស្រាអែលលើអ៊ីរ៉ង់ គឺជារឿងត្រឹមត្រូវ ហើយគាត់បានចាត់ទុកលោក Khamenei ថាជា « (Adolf) Hilter សម័យថ្មី»។
បើយោងតាមរបាយការណ៍ថ្មីៗនេះ ប្រធានាធិបតីអាមេរិក ដូណាល់ ត្រាំ បានបដិសេធផែនការរបស់អ៊ីស្រាអែល ក្នុងការសម្លាប់មេដឹកនាំកំពូលអ៊ីរ៉ង់ ដោយប្រាប់ថា កុំធ្វើរឿងបែបនេះឲ្យសោះ បើមិនដូច្នោះទេនឹងមានរឿងធំជាក់ជាមិនខានឡើយ។ យ៉ាងណាមិញ លោក បេនចាមីន បានច្រានចោលគំនិតនេះ ហើយប្រាប់ថា «វាមិនធ្វើឲ្យជម្លោះកើនឡើងទេ វានឹងបញ្ចប់ជម្លោះ»។
មេដឹកនាំអ៊ីស្រាអែល បានបន្ថែមថា «”សង្រ្គាមជារៀងរហូត” គឺជាអ្វីដែលអ៊ីរ៉ង់ចង់បាន ហើយពួកគេកំពុងនាំយើងទៅកាន់គែមនៃសង្រ្គាមនុយក្លេអ៊ែរ។ តាមពិតទៅ អ្វីដែលអ៊ីស្រាអែលកំពុងធ្វើ គឺការទប់ស្កាត់ការឈ្លានពាននេះ ហើយយើងអាចធ្វើដូច្នេះបានដោយប្រឆាំងនឹងកម្លាំងនៃអំពើអាក្រក់»។
នៅថ្ងៃដដែលនោះនៅក្នុងបទសម្ភាសដាច់ដោយឡែកមួយ ប្រធានាធិបតីអ៊ីស្រាអែល លោក Isaac Herzog ក៏បានអះអាងដែរថា ប្រទេសរបស់លោកគ្មានជម្រើសផ្សេងក្រៅពីវាយអ៊ីរ៉ង់ឡើយ ព្រោះអ៊ីរ៉ង់កំពុងស្ថិតនៅលើផ្លូវឈានឆ្ពោះទៅរកការផលិតបានគ្រាប់បែកនុយក្លេអ៊ែរហើយ។ លោក Herzog បាននិយាយថា «យើងត្រូវកម្ចាត់កម្មវិធីនុយក្លេអ៊ែរអ៊ីរ៉ង់ ព្រោះយើងមើលឃើញថា ដំណើរការចរចាគឺគ្មានប្រយោជន៍ទេ ពួកគេ និយាយកុហក ទាំងជាមួយយើង ជាមួយសហរដ្ឋអាមេរិក និងសម្ព័ន្ធមិត្តផ្សេងទៀត»៕
ដោយ៖ ឈាង
ចុចអាន៖ ត្រាំ ប្រាប់អ៊ីស្រាអែល កុំសម្លាប់មេដឹកនាំកំពូលអ៊ីរ៉ង់ ឲ្យសោះ
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៧ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ