ព័ត៌មានអន្ដរជាតិ
Han Lay សម្រក់ទឹកភ្នែក បារម្ភសុវត្ថិភាពក្រុមគ្រួសារនៅ មីយ៉ាន់ម៉ា
កាលពីយប់មិញនេះ Miss Grand មីយ៉ាន់ម៉ា នាង Han Lay បានសម្រក់ទឹកភ្នែកជាថ្មីម្តងទៀត នៅពេលនាងឆ្លើយសំណួររបស់អ្នកយកព័ត៌មានអំពីការបង្ក្រាបប្រជាធិបតេយ្យក្នុងប្រទេសមីយ៉ាន់ម៉ា ដែលបណ្តាលឲ្យមនុស្សរាប់រយនាក់ស្លាប់។
នៅពេលត្រូវបានសួរសំណួរ ថាតើស្ថានភាពនៅផ្ទះក្នុងប្រទេសមីយ៉ាន់ម៉ា ពេលនេះយ៉ាងដូចម្តេច? នាងបានឆ្លើយតបថា “ខ្ញុំមានការព្រួយបារម្ភយ៉ាងខ្លាំងអំពីពួកគេ។ ប៉ុន្តែនៅពេលដែលអាចទាក់ទងពួកគេ ពេលនេះខ្ញុំដឹងថា អ្នកផ្ទះក្នុងទីក្រុង Mandalay នៅតែមានសុវត្ថិភាព”។
កាលពីពេលថ្មីៗនេះ នាង Han Lay បាននិយាយថា នាងបន្តស្នាក់នៅក្នុងប្រទេសថៃរយៈពេល២ខែទៀត ហើយរង់ចាំមើលសភាពការណ៍នៅមីយ៉ាន់ម៉ា។ ពេលណាដែលនាងមានសុវត្ថិភាពគ្រប់គ្រាន់ នាងនឹងវិលទៅមាតុភូមិវិញ។
ក្នុងកម្មវិធីជជែកកម្សាន្តផ្សាយផ្ទាល់ជាមួយពិធីករ Nawat Itsaragrisil ដែលជាប្រធាន Miss Grand International, នាង Han Lay បានលើកឡើងថា រូបនាងមិនសំងំសុខតែឯងហើយឱបដៃឈរមើលប្រជាជននាងស្លាប់រាល់ថ្ងៃបានទេ។ ពេលសមស្របណាមួយ នាងនឹងវិលត្រឡប់ទៅវិញជាក់ជាពុំខាន។
នាង Han Lay បានធ្វើឲ្យពិភពលោកភ្ញាក់ផ្អើលយ៉ាងខ្លាំង ដោយសារតែនាងហ៊ាននិយាយលើឆាកកម្មវិធីប្រឡងបវរកញ្ញា Miss Grand International ប្រឆាំងនឹងយោធាមីយ៉ាន់ម៉ានិងសុំជំនួយបរទេស។
នាងត្រូវបានគេដកស្រង់សម្តីថា “នៅពេលដែលខ្ញុំកំពុងឈរនៅលើឆាកនេះ មានមនុស្សជាង១០០នាក់បានស្លាប់។ ខ្ញុំសោកសៅណាស់ ចំពោះការបាត់បង់អាយុជីវិតរបស់ប្រជាជនទាំងនេះ។ ប្រជាជននៅក្នុងប្រទេសមីយ៉ាន់ម៉ា បានចេញតវ៉ាតាមដងផ្លូវដើម្បីប្រយុទ្ធទាមទារលទ្ធិប្រជាធិបតេយ្យ។ ខ្ញុំក៏ចង់ឃើញលទ្ធិប្រជាធិបតេយ្យនៅក្នុងប្រទេសដែរ។ សូមជួយមីយ៉ាន់ម៉ាផង។ យើងត្រូវការជំនួយអន្តរជាតិរបស់អ្នក យ៉ាងបន្ទាន់បំផុតនាពេលនេះ”៕
ប្រែសម្រួលដោយ៖ Vann Vann
ប្រភព៖ Facebook
ចុចអាន៖ អាណិត! Miss Grand មីយ៉ាន់ម៉ា មកប្រឡងនៅថៃ មានលុយត្រឹម២០០ដុល្លារ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ