កងទ័ពថៃសុំទោសប្រជាជន ដែលមិនអាចដណ្ដើមប្រាសាទតាក្របីពី កម្ពុជា

កាលពីថ្ងៃទី៣១ ខែកក្កដា ឆ្នាំ ២០២៥ អ្នកនាំពាក្យកងទ័ព ឧត្តមសេនីយ៍ទោ Winthai Suvaree បានចេញសេចក្តីថ្លែងការណ៍មួយដោយទទួលស្គាល់ថា កម្ពុជាពិតជាបានកាន់កាប់​ប្រាសាទតាក្របីដូចការចុះផ្សាយពិតមែន។ លោកក៏បានធ្វើការសុំទោសប្រជាជនថៃជាសាធារណៈ ចំពោះការរអាក់រអួលណាមួយនៃព័ត៌មានមិនច្បាស់ការ ដែលបណ្តាលឲ្យមានការយល់ច្រឡំថា ទាហានថៃដណ្តើមយកបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម្យ៉ាងវិញទៀត ទន្ទឹមនឹងការប្រកាសរបស់អ្នកនាំពាក្យកងទ័ពថៃ កាលថ្ងៃទី៣០ ខែកក្កដា ឆ្នាំ២០២៥ ក៏មានរូបភាពរបស់អ្នកសារព័ត៌មានកម្ពុជាបានចុះផ្សាយយ៉ាងព្រោងព្រាតថា មន្ត្រីកម្ពុជា អមដោយអនុព័ន្ធយោធា និងអ្នកសារព័ត៌មានជាច្រើន សុទ្ធតែបានបញ្ជាក់ថា កងទ័ពកម្ពុជាកំពុងឈរជើងនៅលើទឹកដីខ្លួន ពោលគឺនៅប្រសាទតាក្របី មិនមែនដូចការបំផ្លៃរបស់ប្រព័ន្ធផ្វផ្សផ្សាយថៃចោទនោះទេ។

ចេញផ្សាយដោយសារព័ត៌មានថៃ news1live ឧត្តមសេនីយទោ Winthai បានចេញសេចក្តីថ្លែងការណ៍ដោយទទួលស្គាល់ការពិត ប៉ុន្តែទោះជាមិនបានគ្រប់គ្រងមែនពិត កងទ័ពថៃនៅតែឈរជើងជុំវិញតំបន់នោះដូចគ្នា។ ចំពោះ​មូលហេតុ​ដែល​ថៃមិនអាចវាយយកបាន លោកបាន​ផ្តល់​ហេតុផល​ថា ប្រាសាទ​តា​ក្របីជា​តំបន់​ទំនាប​ ហើយវាមិនមែនជាចំណុចយុទ្ធសាស្ត្រសំខាន់ទេ។ ការដាក់ពង្រាយកងទ័ពនៅក្នុងទីតាំងទាំងនេះ អាចគ្មានសុវត្ថិភាព និងបង្កហានិភ័យនៃការក្លាយជាគោលដៅអកម្ម។ ជាពិសេសភ្នំ ៣៥០ ប៉ុន្តែប្រតិបត្តិការចុងក្រោយត្រូវបានរារាំងដោយឧបសគ្គពេលវេលាពិបាកនឹងចុះចូលបំផុត។

យ៉ាងណាមិញ ឧត្តមសេនីយទោ Winthai សេចក្តីថ្លែងការណ៍ភ្លាមៗ ស្របពេលដែលប្រព័ន្ធផ្វផ្សផ្សាយថៃជាច្រើនបានចុះផ្សាយថា កងទ័ពខ្លួនដណ្ដើមយកបានប្រសាទតាក្របីបានសម្រេច ដោយនាំឲ្យប្រជាជនចេញមកសាទរយ៉ាងគគ្រឹកគគ្រេងបំផុត ទាំងដែលគ្មានរូបភាពជាអំណះអំណាង ឬមួយក៏ភត្តុតាងជាតឹងតាងចេញមកបញ្ចាក់ការពិតឡើយ៕

អត្ថបទ៖ សាង ស្រីល័ក្ខ

ចុចអាន៖ថៃអស់ល្បិចចោទ ហើយទទួលស្គាល់ថា កម្ពុជា ពិតជាកាន់កាប់ប្រាសាទតាក្របីមែន