ព័ត៌មានអន្ដរជាតិ

អ្នកនាំពាក្យយោធាថៃ៖ សមរភូមិប្រាសាទតាក្របី និងភ្នំ៣៥០ ជាវាលពិឃាតលើយោធាថៃ

បានផុស

១២ ខែ មុន

នៅ

ថ្ងៃអាទិត្យ ៣ សីហា ២០២៥

ដោយ

នៅពេលដែលអ្នកលេងបណ្តាញសង្គមជជែកគ្នាមិនដាច់ស្រេច ថាតើសមរភូមិប្រយុទ្ធនៅតំបន់ប្រាសាទតាក្របី ដែលភាគីថៃ ហៅថា ( Ta Kwai) ជាទីដែលយោធាកម្ពុជាត្រូវបានរាយការណ៍ថា បានកាប់កាប់ទាំងស្រុង ក្រោយការប្រយុទ្ធដ៏បង្ហូរឈាមបំផុត អ្នកនាំពាក្យយោធាថៃ បានទទួលស្គាល់ភាពរឹងមាំរបស់យោធាកម្ពុជា ការបាត់បង់របស់ខ្លួន និងបានហៅទីនោះថាជាវាលពិឃាត (Killing field) របស់យោធាថៃ។

ឧត្តមសេនីយ៍ទោ Winthai Suvaree អ្នកនាំពាក្យយោធាថៃ (RTA)។ FB

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧត្តមសេនីយ៍ទោ Winthai Suvaree អ្នកនាំពាក្យយោធាថៃ (RTA) បានត្រូវស្រង់សម្តីដោយសារព័ត៌មានថៃ Khaosod English ផ្សាយនៅថ្ងៃទី៣ខែសីហានេះ ដោយលោកទទួលស្គាល់ថា សមរភូមិភ្នំ៣៥០ ប្រាសាទតាក្របីជាវាលពិឃាត និងជាតំបន់ឈរជើងយ៉ាងរឹងមាំរបស់កងទ័ពកម្ពុជា។

ការលើកឡើងរបស់អ្នកនាំពាក្យយោធារូបនេះ បានកើតឡើងចំពេលដែលសម្ពាធកើនឡើងនៅក្នុងប្រទេសថៃ បន្ទាប់ពីក្រុមបាតុករជាង១ម៉ឺននាក់ នៅថ្ងៃទី២ខែសីហា បានចេញតវ៉ាជាលើកដំបូងចាប់តាំងពីយោធាថៃបើកវាយប្រហារលើកយោធាកម្ពុជានៅតំបន់ប្រាសាទតាមន្តធំ។

នៅពេលដែលទំហំនៃការខូចខាតរបស់ភាគីទាំងសងខាងមិនត្រូវបានបង្ហាញជាសាធារណៈ រហូតដល់បទឈប់បាញ់បានចូលជាធរមានកន្លងទៅ៦ថ្ងៃ ការនិយាយរបស់អ្នកនាំពាក្យរបស់យោធាថៃ បង្ហាញខាតបង់យ៉ាងធ្ងន់ធ្ងររបស់យោធាថៃដែលព្យាយាមក្នុងការដណ្តើមកាន់កាប់តំបន់ប្រាសាទតាក្របី។

Khaosod បានស្រង់សម្តីអ្នកនាំពាក្យយោធាថៃដូចនិយាយថា៖«RTA មិនដែលបញ្ជាក់ថាពួកគេអាចកាន់កាប់តាក្របី រួមទាំងភ្នំ៣៥០ ដោយការដាក់ពង្រាយទ័ពនោះទេ។ ផ្ទុយទៅវិញ តំបន់នេះត្រូវបានគេមើលឃើញថាមានការប្រយុទ្ធគ្នាយ៉ាងខ្លាំង និងការតស៊ូរបស់កម្ពុជាយ៉ាងខ្លាំងមុនពេលមានបទឈប់បាញ់»។

ក្នុងរយៈពេលអនុវត្តកិច្ចព្រមព្រៀងបទឈប់បាញ់ឈាងចូលដល់ថ្ងៃទី៦នេះ ក្រសួងការបរទេសកម្ពុជានិងថៃ បានរៀបចំដំណើរទស្សនកិច្ចទៅកាន់ទីតាំងកើតហេតុផ្ទាល់ ដោយការអញ្ជើញអនុព័ន្ធយោធាអមស្ថានទូតនៃប្រទេសរៀងៗ ទៅកាន់ទីតាំងដែលរងការវាយប្រហារក្នុងប្រទេសរៀងៗខ្លួន៕

រ៉ាន់ រើយ