ព័ត៌មានអន្ដរជាតិ
ក្រឡាប់ទូកនៅយេម៉ែន ស្លាប់មនុស្ស៦៨នាក់ និងបាត់ខ្លួនរាប់សិបនាក់
យ៉ាងហោចណាស់ជនចំណាកស្រុក ៦៨នាក់មកពីប្រទេសអេត្យូពី បានស្លាប់ និងរាប់សិបនាក់ទៀតកំពុងបាត់ខ្លួន បន្ទាប់ពីទូកដឹកមនុស្សចំនួន ១៥៤នាក់បានក្រឡាប់នៅឆ្នេរសមុទ្រភាគខាងត្បូងនៃប្រទេសយេម៉ែន។ នេះបើយោងតាមមន្ត្រីយេម៉ែន និងអង្គការអន្តរជាតិសម្រាប់ការធ្វើចំណាកស្រុក (IOM)។
ទូកបានលិចកាលពីថ្ងៃអាទិត្យទី៣ខែសីហានៅឈូងសមុទ្រ Aden ក្បែរខេត្ត Abyan នៃប្រទេសយេម៉ែន។ ក្រុមអ្នកជួយសង្គ្រោះយេម៉ែន បានរកឃើញសាកសពចំនួន ៦៨នាក់ ខណៈអ្នកនៅរស់រានមានជីវិត ១២នាក់ត្រូវបានជួយសង្គ្រោះ។ ចំណែកឯមនុស្ស ៧៤នាក់ផ្សេងទៀតកំពុងបាត់ដំណឹង។
អាជ្ញាធរក្នុងតំបន់ បាននិយាយថា ជនចំណាកស្រុកទំនងជាត្រូវបានគេរត់ពន្ធពីតំបន់ Horn of Africa ទៅកាន់រដ្ឋឈូងសមុទ្រ (បារ៉ែន គុយវ៉ែត អ៊ីរ៉ាក់ អូម៉ង់ កាតា អារ៉ាប៊ីសាអូឌីត និងអេមីរ៉ាតអារ៉ាប់រួម) ជាផ្លូវដែលជនចំណាកស្រុកអាហ្វ្រិកប្រើជាទូទៅ ទោះបីជាមានហានិភ័យខ្ពស់ក៏ដោយ។
ក្រុមអ្នកជួយសង្រ្គោះ បានបញ្ជាក់ថា កត្តាអាកាសធាតុមិនល្អ និងរលកសមុទ្រធំៗ កំពុងរារាំងប្រតិបត្តិការស្វែងរកអ្នកបាត់ខ្លួន។
IOM បានហៅសោកនាដកម្មនេះថាជាការរំឭកយ៉ាងច្បាស់អំពីគ្រោះថ្នាក់ដែលជនចំណាកស្រុកប្រឈមមុខ។ យេម៉ែន ថ្វីបើមានជម្លោះកំពុងបន្តក៏ដោយ នៅតែជាចំណុចឆ្លងកាត់ដ៏សំខាន់សម្រាប់ជនចំណាកស្រុកអាហ្វ្រិកខាងកើតរាប់ម៉ឺននាក់ ដែលធ្វើដំណើរទៅកាន់ប្រទេសអារ៉ាប៊ីសាអូឌីត និងរដ្ឋឈូងសមុទ្រផ្សេងទៀតក្នុងការស្វែងរកការងារ។
កាលពីឆ្នាំ២០២៤ មានជនចំណាកស្រុកជាង ៦០ ០០០នាក់ បានលួចឆ្លងដែនទៅដល់ប្រទេសយេម៉ែន។ ក្នុងមួយទស្សវត្សរ៍ចុងក្រោយនេះ IOM បានកត់ត្រាការស្លាប់ និងមនុស្សបាត់ខ្លួនជាង ៣ ៤០០នាក់ ខណៈ ១ ៤០០នាក់នៃការស្លាប់ទាំងនោះគឺដោយសារតែការលង់ទឹក៕
ដោយ៖ ឈាង
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
សន្តិសុខសង្គម២១ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ