អតីត​នាយក​រដ្ឋមន្ត្រី​ និង​អតីត​ជំទាវទី​មួយកូរ៉េខាងត្បូង ​ចោទប្រកាន់​ពីបទ​បះបោរ និងសូកប៉ាន់​

យោងតាមការចុះផ្សាយពីទីភ្នាក់ងារព័ត៌មាន CNA នៅថ្ងៃទី២៩ ខែសីហា ឆ្នាំ២០២៥ រដ្ឋអាជ្ញាពិសេសកូរ៉េខាងត្បូង បានធ្វើការចោទប្រកាន់ទៅលើភរិយារបស់អតីតប្រធានាធិបតី Yoon Suk Yeol ពីបទ​សូកប៉ាន់​ និងការចោទប្រកាន់ផ្សេងទៀតដែលកំពុងតែស៊ើបអង្កេតបន្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យអយ្យការបាននិយាយថា ព្រះរាជអាជ្ញាពិសេសដែលស៊ើបអង្កេតវិបត្តិច្បាប់អាជ្ញាសឹករបស់ប្រទេស ក៏បានចោទប្រកាន់ទៅលើ អតីតនាយករដ្ឋមន្ត្រី Han Duck-soo ដែលត្រូវបានតែងតាំងដោយលោក Yoon ពីបទចោទប្រកាន់លើបទបះបោរ និងប្រព្រឹត្តិអំពើរភូតកុហក។

ការចោទប្រកាន់ទៅលើ អតីតជំទាវទីមួយគឺលោកស្រី Kim Keon Hee និងលោក Han Duck-soo គឺជាផ្នែកមួយនៃការស៊ើបអង្កេតរបស់រដ្ឋអាជ្ញាពិសេសចំនួន ៣ ដែលធ្វើឡើងក្រោមរដ្ឋាភិបាលរបស់ប្រធានាធិបតី Lee Jae Myung ដោយផ្តោតលើតំណែងប្រធានាធិបតី Yoon ក្រោយត្រូវដកចេញពីតំណែងកាលពីខែមេសា និងបានចាប់ខ្លួនកាលពីខែមុនជុំវិញ ការប្រកាសច្បាប់អាជ្ញាសឹកនៅខែធ្នូ ឆ្នាំមុន។

ជាងនេះដែរ សូម្បីតែរដ្ឋមន្ត្រីការពារជាតិ រដ្ឋមន្ត្រីសុវត្ថិភាពរបស់លោក Yoon Suk Yeol និងមេបញ្ជាការយោធាជាន់ខ្ពស់ ព្រមទាំងមន្ត្រីប៉ូលិសជាច្រើននាក់ផ្សេងទៀត ក៏ត្រូវបានចាប់ខ្លួនរួចហើយ ជុំវិញការជាប់ពាក់ព័ន្ធរបស់ពួកគេក្នុងការដាក់ច្បាប់អាជ្ញាសឹកដូចគ្នា៕

អត្ថបទ៖ សាង ស្រីល័ក្ខ

ចុចអាន៖Psy ទទួលស្គាល់ថា បានប្រើថ្នាំផ្លូវចិត្តខុសច្បាប់ពិតមែន