សុខភាព
កត់ចំណាំ! មូលហេតុ និងសញ្ញារលាកស្រោមខួរក្បាលលើក្មេងតូចធំ
ដោយហេតុថា ប្រព័ន្ធការពារខ្លួនកុមារនៅខ្សោយ ឧស្សាហ៍កើតជំងឺរលាកបំពង់ក រលាកសួត ធ្វើឲ្យមេរោគចូលទៅដល់ក្នុងឈាម ហើយឡើងទៅដល់ស្រោមខួរក្បាល អាចធ្វើឲ្យរលាកស្រោមខួរក្បាល។ ចំពោះក្មេងអាយុចន្លោះពី១ខែ ទៅដល់ ២ ឬ៣ឆ្នាំ ងាយប្រឈមនឹងជំងឺរលាកស្រោមខួរ។
តាមការពន្យល់របស់លោកវេជ្ជបណ្ឌិត តឹក លីវណ្ណារ៉ា ឯកទេសរោគកុមារ បម្រើការងារនៅមន្ទីរពេទ្យ គន្ធបុប្ផា ភ្នំពេញ ក្មេងតូច និងធំ ដែលមានជំងឺរលាកស្រោមខួរក្បាលអាចលេចចេញនូវរោគសញ្ញាដូច និងខុសគ្នាមួយចំនួន។
រោគសញ្ញាជំងឺរលាកស្រោមខួរក្បាលក្មេងតូច៖
– ក្តៅខ្លួនខ្លាំង
– ក្អួតញឹកញាប់
– រាក
– បង្ហើយខាងមុខឡើងប៉ោង (ស្ទាបពេលក្មេងអត់យំ)
– ទន់ក
– យំវៀចមាត់
– ប្រកាច់
– ទន់ដៃទន់ជើង។
រោគសញ្ញាជំងឺរលាកស្រោមខួរក្បាលក្មេងធំ៖
– ក្តៅខ្លួន
– ឈឺក្បាលខ្លាំង
– ក្អួតញឹកញាប់
– ទល់លាមក
– ខ្លាចពន្លឺ
– រឹងក។
ប្រភេទជំងឺរលាកស្រោមខួរក្បាលលើកុមារ
ក. ជំងឺរលាកស្រោមខួរក្បាលបណ្តាលមកពីវីរុស (វីរុសជំងឺអុតស្វាយ ស្រឡទែន …)
ខ. ជំងឺរលាកស្រោមខួរក្បាលបណ្តាលមកពីបាត់តេរី ដូចជា Streptococcus pneumoniae, Hib, meningococcus…. និងមេរោគរបេង
គ. ជំងឺរលាកស្រោមខួរក្បាលបណ្តាលមកពីមេរោគផ្សិត
ឃ. ជំងឺរលាកស្រោមខួរក្បាលបណ្តាលមកពីប៉ារ៉ាស៊ីត
ង. ជំងឺរលាកស្រោមខួរក្បាលមិនមែនបណ្តាលមកពីមេរោគ ៖
− កើតមានពេលកុមារកើតជំងឺផ្សេងទៀត ដូចជាជំងឺ Lupus
− ក្រោយការប៉ះទង្គិចក្បាល មានហូរឈាមក្នុងខួរក្បាល ឬមានដុះដុំសាច់ក្នុងខួរក្បាល
− បណ្តាលមកពីការប្រើថ្នាំ ដូចជាថ្នាំព្យាបាលជំងឺមហារីកជាដើម។
បើតាមលោកវេជ្ជបណ្ឌិតឯកទេសរោគកុមាររូបនេះ ជំងឺរលាកស្រោមខួរក្បាលបណ្តាលមកពីបាក់តេរីខ្លះអាចការពារបាន ដោយការចាក់វ៉ាក់សាំងការពារ ដែលមានក្នុងកម្មវិធីជាតិចាក់ថ្នាំបង្ការ នៃក្រសួងសុខាភិបាល មានវ៉ាក់សាំងការពារពីមេរោគភ្នើម៉ូកូក(Streptococcus pneumoniae និង មេរោគអេម៉ូហ្វីលីស (Hib) ដែលត្រូវចាក់នៅពេលទារកអាយុ ១ខែកន្លះ ២ខែកន្លះ និង៣ខែកន្លះ។
ក្នុងចំណោមជំងឺរលាកស្រោមខួរក្បាលទាំង៥ ប្រភេទនេះ លោកវេជ្ជបណ្ឌិតថា ជំងឺរលាកស្រោមខួរក្បាលបង្កដោយពពួកវីរុស មិនសូវធ្ងន់ធ្ងរដូចបាក់តេរីទេ។ ចំពោះប្រសិទ្ធភាពនៃការព្យាបាល អាស្រ័យទៅលើភាពកាចសាហាវរបស់មេរោគ ភាពខ្លាំងនៃប្រព័ន្ធការពារខ្លួនរបស់កុមារ ការធ្វើរោគវិនិច្ឆ័យ និងការព្យាបាលបានទាន់ពេលវេលា។ ជំងឺរលាកស្រោមខួរក្បាលអាចព្យាបាលជា ហើយបញ្ញាស្មារតីក្មេងអាចលូតលាស់ដូច ឬយឺតជាងក្មេងធម្មតា។
ចំពោះផលវិបាក កុមារអាចប្រកាច់ញឹកញាប់ សន្លប់ លែងដកដង្ហើម ករណីខ្លះទៀតកខ្ទុះទៅជាបូសក្នុងខួរក្បាលកុមារអាចមានពិការភាព (ទន់ ឬរឹង ដៃជើង ងងឹតភ្នែក ថ្លង់) លែងចេះនិយាយ ស្ទះការបង្ហូរទឹកខួរឆ្អឹងខ្នង ធ្វើឲ្យដក់ទឹកក្នុងខួរក្បាល នាំឲ្យក្បាលរីកធំ។ ចំពោះការវិវត្តន៍នៃបញ្ញាស្មារតី អាចថយចុះ ឬយឺតជាងក្មេងធម្មតា ហើយអាចមានជំងឺស្កន់ (Epilepsy) ទៅថ្ងៃក្រោយ៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ស្របពេលផ្ទុះកូវីដ-១៩ តើគួរយកកូនទៅចាក់វ៉ាក់សាំងអត់?
ចុចអាន៖ ផលប្រយោជន៍ល្អឥតខ្ចោះ! ម្តាយចាក់វ៉ាក់សាំងកូវីដរួច អាចផ្តល់អង់ទីគ័រដល់កូន តាមរយៈការបំបៅដោះ
អាជ្ញាធរស្រុកកោះសូទិនចុះទប់ស្កាត់សកម្មភាពទន្ទ្រានដីរដ្ឋនៅចំណុចឡូត៍លេខ៨
មុនទិវាពលកម្ម សម្ដេចធិបតី កោតសរសើរក្រសួងការងារ ដែលអនុវត្តអនុសាសន៍គន្លឹះ១០ចំណុចជោគជ័យ
ពលរដ្ឋមួយគ្រួសារនៅស្រុកស្រែអំបិល ពុលផ្សិតអំឡុងបះមកចម្អិនធ្វើម្ហូប
ការវាយប្រហារនៅកាស្មៀរធ្វើឲ្យទំនាក់ទំនងឥណ្ឌា-ប៉ាគីស្ថានកាន់តែធ្លាក់ដុនដាបខ្លាំង
អូបាម៉ា បណ្ដើរភរិយាស្រស់ស្រូបអាហារបង្អួតភាពផ្អែមល្ហែម បញ្ចប់ភាពសង្ស័យបែកបាក់គ្នា
មិនដល់២៤ម៉ោងផង រន្ទះបាញ់ជាង ២៣ ០០០លើក វាយប្រហារភាគខាងជើងប្រទេស វៀតណាម
ហ្សេលេនស្គី៖ មីស៊ីលដែលរុស្ស៊ីប្រើបាញ់ស្រោចលើក្រុងកៀវ គឺជារបស់កូរ៉េខាងជើង
ក្រោយបញ្ចប់ទស្សនកិច្ចនៅកម្ពុជា២ថ្ងៃ នាយករដ្ឋមន្ត្រីថៃ ផែថងថាន ចូលសម្រាកពេទ្យ
រុស្ស៊ីគំរាមម្តងទៀត! សង្គ្រាមលោកលើកទី៣ អាចផ្ទុះ បើណាតូ ហ៊ានបញ្ជូនទ័ពទៅ អ៊ុយក្រែន
បង្រ្កាបទីតាំងហាងយីហោ ត្នោត ផ្អែម ឃាត់ខ្លួនមនុស្សប្រុសស្រីច្រើននាក់ពាក់ព័ន្ធការបង្កប់សេវាកម្មផ្លូវភេទ
-
ចរាចរណ៍៣ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានជាតិ១ ថ្ងៃ agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ២ ថ្ងៃ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
ព័ត៌មានអន្ដរជាតិ៤ ម៉ោង agoមិនដល់២៤ម៉ោងផង រន្ទះបាញ់ជាង ២៣ ០០០លើក វាយប្រហារភាគខាងជើងប្រទេស វៀតណាម
-
សុខភាព៤ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ៤ ម៉ោង agoហ្សេលេនស្គី៖ មីស៊ីលដែលរុស្ស៊ីប្រើបាញ់ស្រោចលើក្រុងកៀវ គឺជារបស់កូរ៉េខាងជើង
-
ព័ត៌មានអន្ដរជាតិ២ ថ្ងៃ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
ព័ត៌មានអន្ដរជាតិ៩ ម៉ោង agoក្រោយបញ្ចប់ទស្សនកិច្ចនៅកម្ពុជា២ថ្ងៃ នាយករដ្ឋមន្ត្រីថៃ ផែថងថាន ចូលសម្រាកពេទ្យ