សុខភាព

ពន្យារ ឬអត់ចាក់វ៉ាក់សាំងឲ្យកូន ដឹងថាប៉ះពាល់អីខ្លះអត់?

បានផុស

៥ years មុន

នៅ

ថ្ងៃសុក្រ ២១ ឧសភា ២០២១

ដោយ

Sonya

ពន្យារពេលចាក់ ឬអត់ចាក់វ៉ាក់សាំង អាចមានគ្រោះថ្នាក់ដល់កូនក្មេង។ មូលហេតុ គឺភ្លេច រវល់ ខ្លាចកូនយំ ឈឺ ឬក៏ជឿថាវ៉ាក់សាំងអាចធ្វើឲ្យកូនមានបញ្ហាខុសប្រក្រតី។ ក្មេងៗអត់ចាក់វ៉ាក់សាំងងាយឆ្លងជំងឺ ហើយអាចសម្លាប់កុមាររាប់លាននាក់។

ជំងឺស្រឡទែន ក្អកមាន់ កញ្ជ្រឹល អាចរើឡើងវិញគ្រប់ពេល ហើយធ្ងន់ធ្ងរជាងមុន បើក្មេងមិនបានចាក់វ៉ាក់សាំង។ ក្រៅពីនេះ ដឹងអត់ បើអត់ចាក់វ៉ាក់សាំងអាចមានបញ្ហាអីខ្លះ?

១– បញ្ហាវេជ្ជសាស្ត្រ

covid-19: The global hunt for Covid-19 vaccine for kids begins; next up, testing shots in children - The Economic Times

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើក្មេងមានការព្យាបាលដោយថ្នាំ ប៉ាម៉ាក់ត្រូវប្រាប់ពេទ្យឲ្យដឹង ព្រោះក្មេងមិនដែលចាក់វ៉ាក់សាំងតាំងពីក្មេង ត្រូវព្យាបាលខុសពីគេ។ បើពេទ្យមិនដឹងស្ថានភាពច្បាស់ពីវ៉ាក់សាំងក្មេងទេ (អត់ដឹងថា ក្មេងអត់ចាក់វ៉ាក់សាំង) វាពិតជាប្រថុយខ្លាំង។

ចំពោះស្ត្រីមានផ្ទៃពោះ មិនចាក់វ៉ាក់សាំងត្រឹមត្រូវ អាចងាយឆ្លងជំងឺ ធ្វើឲ្យមានបញ្ហាដល់កូនក្នុងពោះទៀត។ បើស្ត្រីមានផ្ទៃពោះមានជំងឺកញ្ជ្រឹលក្នុងត្រីមាសទីមួយ កូនក្នុងពោះក៏អាចកើតកញ្ជ្រឹលដែរ ហើយបើកូនឆ្លងកញ្ជ្រឹលតាំងក្នុងពោះ ធ្វើឲ្យមានបញ្ហាបេះដូង លូតលាស់ខុសប្រក្រតី ឬយឺត និងគថ្លង់។

បើមិនចាក់វ៉ាក់សាំងឲ្យកូន កូនអាចចម្លងជំងឺទៅអ្នកជុំវិញខ្លួនយើងបាន (ពេលកូនឈឺ) ពិសេសអ្នកមានបញ្ហាសុខភាពស្រាប់ ដែលពួកគេមិនអាចចាក់វ៉ាក់សាំងបាន (អ្នកកើតមហារីកគ្រាប់ឈាម ឬ មហារីកផ្សេងៗ)។

២– កត្តាសង្គម

Covid Vaccine For Child Precautions: Taking your kid for vaccination? Here are the precautions you must follow

បើកូនអត់ចាក់វ៉ាក់សាំង ពេលគេឈឺ ឬឆ្លងជំងឺអ្វីមួយ ទាមទារឲ្យនៅដាច់ពីគេ។ មិនអាចទៅសាលា និងកម្មវិធីផ្សេងៗទៀត ហើយអាចប៉ះពាល់ដល់គ្រួសារទាំងមូលទៀត។ សាលាខ្លះមិនទទួលក្មេងដែលមិនបានចាក់វ៉ាក់សាំងឲ្យចូលរៀនទេ ព្រោះវាអាចបង្កភាពភ័យខ្លាច និងបញ្ហាដល់ក្មេងដទៃទៀតអាចប្រឈមនឹងជំងឺឆ្លងកាចៗ។

៣– ហានិភ័យ

True Life Blog - Real Life Stories - Part 2

ការពិត វ៉ាក់សាំងមានផលរំខាន ដូចការប្រើប្រាស់ថ្នាំផ្សេងៗដែរ។ ប៉ុន្តែ វាមានអត្ថប្រយោជន៍ជាងហានិភ័យ (ផលរំខាន)។ បើវ៉ាក់សាំងណាមួយមានគ្រោះថ្នាក់ គេមិនអនុញ្ញាតឱ្យប្រើទេ។

មានការអះអាងមិនពិតថា វ៉ាក់សាំងអាចមានប្រតិកម្មធ្វើឲ្យមានបញ្ហាខួរក្បាលក្មេង ជាហេតុធ្វើឲ្យប៉ាម៉ាក់បារម្ភខ្លាច ដល់ថ្នាក់មិនយកកូនទៅចាក់វាក់សាំង។ ប៉ុន្តែ គ្មានភស្ដុតាងណាមួយបញ្ជាក់អំណះអំណាងនោះឡើយ។

វិធីល្អបំផុត គឺត្រូវចាក់វ៉ាក់សាំងការពារសំខាន់ៗឲ្យកូនតាមពេទ្យណែនាំ ដើម្បីចៀសវាងបញ្ហាថ្ងៃក្រោយ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ មកដឹងសញ្ញានៃ អាការៈឈឺចាប់របស់ទារក ដែលឪពុកម្ដាយគ្រប់រូបគួរយល់ដឹង!

ចុចអាន៖ ជំងឺខាន់លឿងលើទារក អាចគ្រោះថ្នាក់ដល់ជីវិត!

Related Topics:សុខភាពកុមារ