ប្រុសៗ​ចង់​បាត់​ក្បាល​ពោះ​ សាកប៉ុន្មានវិធីនេះ អាច​ជួយ​បាន
Connect with us
Helistar Cambodia - Helicopter Charter Services

សុខភាព

ប្រុសៗ​ចង់​បាត់​ក្បាល​ពោះ​ សាកប៉ុន្មានវិធីនេះ អាច​ជួយ​បាន

បានផុស

នៅ

គ្មានប្រុសៗណាមិនចង់បានរាងសង្ហា ទាក់ទាញចិត្តស្រីៗនោះទេ គ្រាន់តែថាធ្វើយ៉ាងម៉េចបើក្បាលពោះដុះមូលដូចពពោះ ៥ ខែទៅហើយ កែយ៉ាងណាក៏កែមិនឡើង។ អត្ថបទនេះនឹងណែនាំប្រុសៗចង់បានក្បាលពោះរាបស្មើ ព្រោះវាមានប្រសិទ្ធភាព ហើយគ្នាយើងខ្លះជោគជ័យរួចហើយដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១- បំបាត់ខ្លាញ់ជាមុន

5 things you need to know about Brunei's Prince Abdul Mateen – other than  his six-pack abs | South China Morning Post

ក្បាលពោះយើងកំពុងវិវត្តយ៉ាងរឹង ប៉ុន្តែយើងមានដឹងថា វាកំពុងបាំងពីមុខស្រទាប់ខ្លាញ់ដែរទេ? ស្រទាប់ខ្លាញ់នេះ ជាសត្រូវធំសម្រាប់រាងសង្ហារបស់យើង។ អ្វីគួរចាប់ផ្តើមពេលនេះ រៀបចំកាលវិភាគហាត់ប្រាណទៀងទាត់ និងរៀបចំរបបអាហារ។ កម្ចាត់ខ្លាញ់កើតឡើងក្នុងខ្លួនយើង នឹងធ្វើឲ្យយើងមានរាងរឹងមាំ និងសុខភាពកាន់តែល្អ ជាមួយ​ក្បាល​ពោះ​រាប​ស្មើ។

ជាមធ្យម បុរសមានខ្លាញ់ប្រមាណ ២៨% នៃខ្លួនប្រាណ។ ដើម្បីសម្រកខ្លាញ់ទាំងអស់បាន ត្រូវធ្វើការធ្ងន់បន្តិចហើយ។

២- ប្ដូរអាហារ

បញ្ចុះខ្លាញ់ ត្រូវដុតកាឡូរីឲ្យច្រើនជាងអាហារដែលញ៉ាំ ហើយវិធីសាស្ត្រតែមួយគត់ ត្រូវបន្ថយញ៉ាំឆ្អែតលើសកម្រិត និងហាត់ប្រាណច្រើនជាងមុន។ យកចិត្តទុកដាក់លើអាហារសម្បូរប្រូតេអ៊ីនគ្មានជាតិខ្លាញ់ ដូចជា ទ្រូងមាន់ សាច់គោ ត្រី រួមនឹងបន្លែ។

South East Asian Food: Latest Lifestyle News, Styles, Events, Videos &  Photos | Mint Lounge

កែទម្លាប់ទៅញ៉ាំអាហារមានតុល្យភាព ដូចជា ធញ្ញជាតិ ផ្លែឈើ និងអាហារធ្វើពីទឹកដោះគោមានខ្លាញ់ទាប ទៅជាទម្លាប់បរិភោគអាហារប្រចាំ។ តែអាហារមានជាតិស្ករ ជាតិអាល់កុល និងខ្លាញ់ខាប់ ត្រូវតែផ្អាក។

៣- ញ៉ាំអាហារ ៦ ពេលក្នុងមួយថ្ងៃ

ញ៉ាំអាហារត្រឹម ៣ ពេលក្នុងមួយថ្ងៃ នៅតែមានអារម្មណ៍ឃ្លានក្នុងអំឡុងពេញមួយថ្ងៃ និងពេលហាត់ប្រាណ។ អ៊ីចឹង ត្រូវរៀបចំរបបអាហារឡើងវិញ ដើម្បីគ្រប់គ្រងស្ថានការណ៍ មានផែនការអាហារចម្បង ៣ ពេល និងអាហារសម្រន់ ៣ ពេលបន្ថែមទៀត។

៤- បន្ថែមការហាត់ប្រាណ

5,509 Six Pack Man Asian Stock Photos, Pictures & Royalty-Free Images -  iStock

មនុស្សប្រុសគួរស្រូបយកកាឡូរីយ៉ាងហោចណាស់ ១.៨០០ ក្នុងមួយថ្ងៃដើម្បីរក្សាការរំលាយអាហារ ដូច្នេះកុំចេះតែកាត់បន្ថយកាឡូរី ដើម្បីបញ្ចុះខ្លាញ់ឲ្យសោះ។ ដើម្បីដុតបានចំនួនកាឡូរីបានច្រើនជាងមុន និងកសាងសាច់ដុំ ត្រូវបន្ថែមសកម្មភាពខ្លះ និងហាត់យកកម្លាំង សាកល្បង ៣០-៦០ នាទី ហាត់ចង្វាក់បេះដូង ដូចជា រត់ ជិះកង់ រួមទាំងការហាត់បញ្ចេញកម្លាំងខ្លាំងៗ។

៥- ប្តូរក្បាច់ហាត់ប្រាណ

Premium Photo | Perfect strong bodybuilder athletic asian man workout arm  with dumbbell on background.

ដើម្បីស្រកទម្ងន់ និងមានសាច់ដុំពោះល្អឥតខ្ចោះ យើងត្រូវជំរុញការដុតខ្លាញ់ធម្មជាតិនៅក្នុងខ្លួន គឺសាច់ដុំ។ វិធីល្អបំផុត គឺហាត់កម្លាំង (លើកទម្ងន់) ធ្វើលំហាត់ប្រាណសរសៃឈាមបេះដូង (រត់ ជិះកង់ បង្វិលកង) និងធ្វើលំហាត់ក្បាលពោះ និងឆ្អឹងខ្នង។

៦- សម្រាកឲ្យបានច្រើន

គេងគ្រប់គ្រាន់ ផ្តល់ប្រយោជន៍សម្រាប់យុទ្ធនាការសម្រកជាតិខ្លាញ់។ វ័យជំទង់ គួរគេងពី ៧-៩ ម៉ោងក្នុងមួយយប់។ គេងគ្រប់ ក៏អាចរក្សាអ័រម៉ូនគ្រប់គ្រងការឃ្លាន មិនចាំបាច់ពឹងផ្អែកលើអាហារបំផ្លាញគោលដៅរបស់យើង។

៧- បបួលសង្សារ ឬពួកម៉ាក

ជឿមិនជឿ បើមានគ្នាបានទៅហាត់ប្រាណ ដូចជា សង្សារ ឬពួកម៉ាកអី យើងអាចហាត់ជាប់ បង្កើតជាទម្លាប់។ រឿងរបបអាហារអ៊ីចឹងដែរ បើយើងមានទម្លាប់ជាប្រចាំ នោះក្ដីស្រមៃរាងស្អាត មិនពោះប៉ោង នឹងសម្រេចបាន៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ពិតអត់ថាអ្នកលេងកីឡា មានសុខភាពល្អ មិនឆ្លងកូវីដ-១៩?

ចុចអាន៖ អាថ៌កំបាំងពិសេស អាច​ជួយ​យើង​​ហាត់​ប្រាណ​ជោគជ័យ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services