សុខភាព
ទឹកដោះម្តាយ គឺជាអាហារដែលល្អបំផុត សម្រាប់ទារកមិនគ្រប់ខែ
ហេតុអ្វីបានជាកើតទារកមិនគ្រប់ខែ?
ទារកកើតមិនគ្រប់ខែ គឺជាការកើតមុន ៣៧សប្តាហ៍។ ទារកដែលកើតមិនគ្រប់ខែ (តិចជាង ១៥០០g ឬក្រោម ៣៤សប្តាហ៍) ដូច្នេះហើយ ប្រព័ន្ធរំលាយអាហារ របស់គាត់មិនទាន់អាចដំណើរការបានត្រឹមត្រូវ ដែលធ្វើឲ្យពួកគាត់មិនទាន់ចេះបៅ ឬជញ្ជក់ដូចក្មេងគ្រប់ខែឡើយ។ ការផ្តល់អាហារឲ្យបានកាន់តែឆាប់តាមតែអាចធ្វើទៅបាន គឺជារឿងមួយដែលត្រូវគិតគូរជាចាំបាច់ បន្ទាប់ពីពេល មានស្ថេរភាពលំនឹងជីវិត ពីព្រោះទារកកើតមិនគ្រប់ខែ ត្រូវការការលូតលាស់ខ្លាំង។
ទឹកដោះម្តាយ គឺជាអាហារដែលល្អបំផុត សម្រាប់ទារកមិនគ្រប់ខែ ពីព្រោះក្រពះពោះវៀនទារក មិនគ្រប់ខែ ទទួលទឹកដោះម្តាយបានល្អជាងទឹកដោះគោ ហើយទឹកដោះម្តាយក៏ជួយការពារពួកគាត់ ពីការមានបញ្ហារលាក ក្រពះពោះវៀន និងការពារការឆ្លងរោគបានល្អ ជាងទឹកដោះគោដែរ។ ទឹកដោះម្តាយត្រូវបាន ផ្តល់ឲ្យតាមរយៈការដាក់សុងក្រពះដើម្បីបាញ់ទឹកដោះឲ្យចូលក្នុងក្រពះតែម្តងចំពោះទារកដែលតូចខ្លាំង ហើយមិនទាន់ចេះបៅ និងជញ្ជក់។ ក្នុងករណីផ្គត់ផ្គង់ទឹកដោះម្តាយហើយតែទារកមិនគ្រប់ខែនៅតែមិនព្រមឡើងគីឡូ យើងអាចផ្តល់ Human milk fortifier បន្ថែមដាក់លាយជាមួយទឹកដោះម្តាយ ដើម្បីបន្ថែមកាឡូរីជាតិសាច់ឲ្យដល់គាត់។
ការផ្តល់ទឹកដោះតែមួយ មុខគត់នៅមិនទាន់គ្រប់គ្រាន់ឡើយ តម្រូវឲ្យផ្តល់អាហារផ្សេងៗទៀត ដូចជា ជាតិសាច់(Aminoplasma) ស្ករ(Glucose) ខ្លាញ់(Lipofundin) និងសារជាតិចិញ្ចឹមផ្សេងទៀត ដើម្បីបំពេញតម្រូវការនៃ ការលូតលាស់ខ្លាំងរបស់ទារកដែលកើតមិនគ្រប់ខែខ្លាំង និងមានទម្ងន់តិចជាង១០០០g។ ការផ្តល់អាហារទាំងនេះ ត្រូវបានផ្តល់តាមរយៈសរសៃឈាមកណ្តាល (Venous umbilical catheter or central line =Jonathan catheter) ដែលតាមវិធីសាស្ត្រនេះយើងអាចផ្តល់អាហារអោយទារក មិនគ្រប់ខែបានយូរដោយមិនបាច់ចាក់តាមសរសៃវ៉ែនតូចៗច្រើនដង ដែលងាយខុស បែក និងរលាកសរសៃវ៉ែន។
សូមមាតាបិតាគ្រប់រូប ដែលមានកូនកើតមិនគ្រប់ខែ សូមព្យាយាមធ្វើយ៉ាងណា ឲ្យទឹកដោះម្តាយមានឲ្យគ្រប់គ្រាន់ ដើម្បីអាចផ្តល់ឲ្យពួកគាត់ ពីព្រោះគ្មានអ្វីល្អជាងទឹកដោះម្តាយនោះទេ។
“ក្រុមគ្រូពេទ្យឯកទេស នៃមន្ទីរពេទ្យកាល់ម៉ែតរីករាយស្វាគមន៍ និងផ្តល់ព័ត៌មានព្រមទាំងចំណេះដឹងទូទៅជូនអ្នកម្តាយគ្រប់រូប ក្នុងការពិនិត្យថែទាំ ជាពិសេសការផ្គត់ផ្គង់អាហារលើទារកកើតមិនគ្រប់ខែ ”៕
អត្ថបទ៖ រស្មី
សូមចុចអាន៖ ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក
-
សេដ្ឋកិច្ច៧ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ១ សប្តាហ៍ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៤ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ១ សប្តាហ៍ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ១ សប្តាហ៍ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានអន្ដរជាតិ២ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៧ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)
-
ព័ត៌មានជាតិ១ សប្តាហ៍ ago
ភ្លៀងមួយមេលើកដំបូងធ្វើឲ្យផ្ទះពលរដ្ឋ៣៣ខ្នងរលំ និងប៉ើងដំបូល