សុខភាព

អ្នកចង់សម្រកជាតិខ្លាញ់ គួរហាត់ប្រាណនៅពេលព្រឹកទើបល្អ

បានផុស

៥ years មុន

នៅ

ថ្ងៃចន្ទ ២៣ សីហា ២០២១

ដោយ

Sonya

យើងដឹងហើយថាការហាត់ប្រាណគឺមានអត្ថប្រយោជន៍ច្រើនដល់សុខភាពមានដូចជាជួយបង្កើនសាច់ដុំ សម្រកខ្លាញ់ ជួយឆ្អឹងរឹងមាំ កាត់បន្ថយស្ត្រេស ជួយឲ្យគេងលក់ស្រួល និងជួយដល់មុខងារខួរក្បាលជាដើម។ ដោយឡែកគ្នាយើងមួយចំនួនអាចនឹងមានចម្ងល់ថាតើការហាត់ប្រាណពេលណាល្អជាពិសេសសម្រាប់គ្នាយើងដែលចង់ហាត់ប្រាណសម្រកខ្លាញ់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការហាត់ប្រាណនៅពេលព្រឹកព្រលឹមគឺមានប្រយោជន៍ដល់យើងច្រើន ជាពិសេសសម្រាប់គ្នាយើងដែលហាត់ប្រាណសម្រកខ្លាញ់។ ការហាត់ប្រាណនៅពេលព្រឹកដោយមិនទាន់ញ៉ាំអីគឺជាវិធីល្អក្នុងការសម្រកខ្លាញ់ដែលអាចជួយសម្រកទម្ងន់បាន។ នេះមកពីអ័រម៉ូនក្នុងរាងកាយនៅពេលព្រឹកត្រូវបានបង្កើតឡើងដើម្បីជួយដល់ការសម្រកទម្ងន់។ ការហាត់ប្រាណនៅពេលព្រឹកក៏ជួយដល់ការធ្វើមេតាបូលីសពេញមួយថ្ងៃដែរ។

After Practice Cool Down — beatthestreets

ម៉្យាងទៀត ការសិក្សាក៏បានលើកឡើងថាអ្នកហាត់ប្រាណពេលព្រឹកមិនសូវមានចំណង់អាហារទេដែលនេះអាចជួយមិនឲ្យឡើងទម្ងន់ និងជំរុញឲ្យយើងជ្រើសរើសរបបអាហារដែលល្អសម្រាប់សុខភាព។ ក្រៅពីជួយដល់ការសម្រកទម្ងន់ហើយ ការហាត់ប្រាណនៅពេលព្រឹកនៅមានប្រយោជន៍ដល់សុខភាពផ្លូវចិត្ត បញ្ចុះសម្ពាធឈាម និងជួយឲ្យគេងលក់ស្រួល ហើយក៏ជួយដាស់ស្មារតីក្នុងការបំពេញការងារពេញមួយថ្ងៃផងដែរ។

Young asian woman runner stretching arm and leg before running at morning, Exercise concept. — Exercising, beautiful - Stock Photo | #377340510

សម្រាប់គ្នាយើងដែលចង់ហាត់ប្រាណបែបលើកសាច់ដុំគួរជ្រើសរើសហាត់ប្រាណពេលរសៀល ឬពេលល្ងាចព្រោះអំឡុងពេលនេះកម្រិតអ័រម៉ូនខ្ពស់ ជាពិសេសអ័រម៉ូនតេស្តូស្តេរ៉ូន ដែលធ្វើឲ្យកម្រិតថាមពលក៏ខ្ពស់ដែរ។ គួរបញ្ជាក់ដែរថាគួរចៀសវាងការហាត់ប្រាណដែលប្រើកម្លាំងខ្លាំងនៅពេលជិតដល់ម៉ោងចូលគេងព្រោះអាចធ្វើឲ្យពិបាកក្នុងការគេង។ ប៉ុន្តែយើងអាចធ្វើលំហាត់ប្រាណមួយចំនួនដូចជាការដើរ ជិះកង់ ឬយ៉ូហ្គាដែលលំហាត់ប្រាណទាំងនេះអាចជួយដល់ដំណេករបស់យើងបានល្អ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ អ្នកស្រាវជ្រាវជឿថាហាត់ប្រាណពេលព្រឹក អាចបន្ថយហានិភ័យកើតជំងឺមហារីក

ចុចអាន៖ រត់ហាត់ប្រាណ ពេលព្រឹក ថ្ងៃត្រង់ និងល្ងាច ពេលមួយណាល្អជាង?