មាន​ផែនការសម្រកទម្ងន់ គួរចៀសវាងអាហារបួន​មុខនេះ
Connect with us
Helistar Cambodia - Helicopter Charter Services

សុខភាព

មាន​ផែនការសម្រកទម្ងន់ គួរចៀសវាងអាហារបួន​មុខនេះ

បានផុស

នៅ

បើ​គ្នា​យើង​កំពុង​រៀបចំ​ផែន​ការ​សម្រក​ទម្ងន់ ​​ត្រូវ​ដឹង​ដែរ​ថា​អាហារ​ក៏​មាន​ឥទ្ធិពល​ខ្លាំង​លើ​ទម្ងន់​របស់​យើង​ដែរ​ ។​ អាហារ​មួយ​ចំនួន​អាច​ជួយ​ដល់​ការ​សម្រក​ទម្ងន់​របស់​យើង ខណៈ​អាហារ​មួយ​ចំនួន​ទៀត​ធ្វើ​ឲ្យ​ទម្ងន់​យើង​កាន់​តែ​ឡើង​ទៅ​វិញ។

ខាងក្រោម​នេះ ជា​ប្រភេទ​អាហារ​មួយ​ចំនួន​សម្រាប់​គ្នា​យើង​ចង់​សម្រក​ទម្ងន់​គួរ​កាត់​បន្ថយ ឬ​ចៀស​វាង​។

១. ដំឡូងបារាំង​បំពង

Is There A Difference Between British Chips And American French Fries?

ការ​ញ៉ាំ​ដំឡូង​បារាំង​ធម្មតា​​ល្អ​ចំពោះ​សុខភាព និង​ជួយ​ឲ្យ​យើង​ឆាប់​ឆ្អែត តែ​បើ​យើង​ញ៉ាំ​ដំឡូង​បារាំង​បំពង ឬ​ដំឡូងបារាំង​កំប៉ុង វិញ​គឺ​ខុស​គ្នា។ ដំឡូង​កែ​ច្នៃ​ទាំងនេះ​មាន​ជាតិ​កាឡូរី​ខ្ពស់ និង​ធ្វើ​ឲ្យ​យើង​ចង់​ញ៉ាំ​ច្រើន​ទៀត​ផង​។

ការ​សិក្សា​បាន​រក​ឃើញ​ថា​អ្នក​ញ៉ាំ​ដំឡូង​ប្រ​ភេទ​នេះ​ច្រើន មាន​ទំនាក់​ទំនង​នឹង​ការ​ឡើង​ទម្ងន់។ ម្យ៉ាង​ទៀត ដំឡូង​ដែល​យក​ទៅ​ដុត ឬ​បំពង អាច​មាន​ផ្ទុក​សារធាតុ​បង្ក​ជំងឺ​មហារីក ហៅ​ថា acrylamides ។​ ដូច​នេះ ជា​ការណ៍​ល្អ​យើង​គួរ​ញ៉ាំ​ដំឡូង​បារាំង​ស្ងោរ​វិញ​ទើប​ល្អ​ចំពោះ​សុខ​ភាព។

២. ភេសជ្ជៈ​កំប៉ុង

Is Taxing Sugar-sweetened Beverages a Sweet Deal?

ភេសជ្ជៈ​កំប៉ុង​ដូចជា​ទឹក​ក្រូច​ជា​ដើម​ត្រូវ​គេ​ចាត់​ទុក​ថា​ជា​ប្រភេទ​អាហារ​មិន​ល្អ​ចំពោះ​សុខ​ភាព ដោយ​វា​មាន​ទំនាក់​ទំនង​ខ្លាំង​ជាមួយ​នឹង​ការ​ឡើង​ទម្ងន់ ហើយ​នឹង​ធ្វើ​ឲ្យ​គ្រោះ​ថ្នាក់​ដល់​សុខភាព​ផង​ដែរ បើ​យើង​ញ៉ាំ​ច្រើន​ជ្រុល។

ការ​ឡូរី​នៅ​ក្នុង​​ភេសជ្ជៈ​ផ្អែម​ទាំង​នេះ​មិន​អាច​ជំនួស​កាឡូរី​ពី​ក្នុង​អាហារ​បាន​ទេ ដូច​នេះ​មានន័យ​ថា​ទោះ​បី​យើង​បាន​កាឡូរី​ពី​ភេសជ្ជៈ​ផ្អែម​មែន តែ​ក៏​យើង​នៅ​ត្រូវការ​ញ៉ាំ​អាហារ​បន្ថែម​ដដែល នាំ​ឲ្យ​យើង​លើស​កាឡូរី។ បើ​យើង​មាន​ចេតនា​ចង់​សម្រក​ទម្ងន់​មែន​នោះ ចូរ​ចៀស​វាង ឬ​កាត់​បន្ថយ​ឲ្យ​នៅ​តិច​បំផុត​ក្នុង​ការ​ផឹក​ភេសជ្ជៈ​កំប៉ុង​ទាំងនេះ។​

៣. ការ៉េម

Ube Ice Cream Recipe

ពិត​ណាស់​ការ៉េម​មាន​រស់​ជាតិ​ឆ្ងាញ់ តែ​វា​ក៏​មិន​ល្អ​ចំពោះ​សុខភាព​ប៉ុន្មាន​ដែរ ហើយ​កាន់​តែ​មិន​មែន​ជា​អាហារ​គោល​ដៅ​របស់​អ្នក​ចង់​សម្រក​ទម្ងន់​ដូច​គ្នា​។ ការ៉េម មាន​​កាឡូរី​ខ្ពស់ ហើយ​ការ៉េម​ភាគ​ច្រើន​មាន​ស្ករ​ច្រើន។

បើ​គ្នា​យើង​អាច​ទប់​ចិត្ត​ញ៉ាំ​ក្នុង​បរិមាណ​តិច​តួច​បាន​ទំនងជា​មិន​បញ្ហា​ទេ​ ប៉ុន្តែ​មនុស្ស​ភាគ​ច្រើន​មិន​អាច​ទេ ហើយ​ចូល​ចិត្ត​ញ៉ាំ​ច្រើន​ទៀត​ផង​។​

​៤. ភីហ្សា

Best Homemade Pizza - How to Make Homemade Pizza

បើ​និយាយ​ដល់​ភីហ្សា ​គ្នា​យើង​ដឹង​ហើយ​ថា​ឆ្ងាញ់ ​និង​មាន​មនុស្ស​មិន​តិច​នាក់​ទេ​ចូល​ចិត្ត​អាហារ​មួយ​នេះ។ ប៉ុន្តែ​បើ​គ្នា​យើង​ស្ថិត​ក្នុង​ផែន​ការ​សម្រក​ទម្ងន់​ គួរ​គិត​ឡើង​វិញ ព្រោះ​ថា​ភីហ្សា​មាន​ផ្ទុក​កាឡូរី​ខ្ពស់ និង​មាន​គ្រឿង​ផ្សំ​ខ្លះ​មិន​ល្អ​ចំពោះ​សុខភាព​ ដូច​ជា​ម្សៅ​ចម្រាញ់ និង​សាច់​កែ​ច្នៃ​ជា​ដើម​។

បើ​យើង​ចង់​​ញ៉ាំ​ភីហ្សា គួរធ្វើ​ដោយ​ខ្លួន​ឯង និង​ដាក់​គ្រឿង​ផ្សំ​ណា​ដែល​ល្អ​ចំពោះ​សុខភាព ឬ​ក៏​យើង​អាច​ស្វែង​រក​ហាង​លក់​ភីហ្សា​ណា​ដែល​យើង​ស្គាល់​ថា​បាន​ធ្វើ​ភីហ្សា​មាន​គ្រឿង​ផ្សំ​មិន​ប៉ះពាល់​សុខ​ភាព​។​​

អាហារ​ដែល​មិន​ល្អ​ចំពោះ​អ្នក​ចង់​សម្រក​ទម្ងន់​ជា​អាហារ​ដែល​មាន​ការ​កែ​ច្នៃ​ខ្ពស់ ភាគ​ច្រើន​មាន​ផ្ទុក​ជាតិ​ស្ករ​ច្រើន មាន​ម្សៅ​ចម្រាញ់ ឬ​មាន​បន្ថែម​ខ្លាញ់​ច្រើន​ជា​ដើម​។

ដើម្បី​ដឹង​ថា​អាហារ​ណា​ល្អ​ ឬ​មិន​ល្អ​ចំពោះ​សុខ​ភាព គ្នា​យើង​អាច​អាន​ស្លាក​សញ្ញា​បិទ​នៅ​លើ​សម្បក អាហារ​ទាំង​នោះ​៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ បើ​ចង់​តម​អាហារ ផ្លែឈើ ៣ ប្រភេទ​នេះ​ល្អបំផុត​សម្រាប់​សុខភាព

ចុចអាន៖ ហេតុផលយ៉ាងសំខាន់ គួរឆ្លៀតលើកទម្ងន់យ៉ាងហោច ២ដងក្នុងមួយសប្ដាហ៍

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៥ នាទី មុន

កម្ពុជា​ទទួល​ដែក​រ៉ៃ​ និង កំណល់​បេតុង​ផ្លូវ​រថភ្លើង​ ដែល​ជា​ជំនួយឥតសំណង​របស់​រាជរដ្ឋាភិបាល​ថៃ​ជាង​៤ ម៉ឺន​តោន

ព័ត៌មានជាតិ៤០ នាទី មុន

រយៈ​៩​ខែ​ឆ្នាំ​២០២១ មាន​ជនរងគ្រោះ​ដោយសារ​មីន​ស្លាប់ ១០​នាក់​,​របួស​១៨​នាក់​និង​ពិការ​ចំនួន​៦​នាក់

ព័ត៌មានជាតិ២ ម៉ោង មុន

ប្រគល់​រថយន្ត ២២៩​គ្រឿង ជូន​ម្ចាស់​វិញ​ដោយ​យោង​តាម​អនុសាសន៍​ណែនាំ​ដ៏​ខ្ពង់ខ្ពស់​របស់​សម្តេច​តេ​ជោ ហ៊ុន សែន

ព័ត៌មានជាតិ៣ ម៉ោង មុន

ក្រសួង​សេដ្ឋកិច្ច​បាន​ចុះ​ហត្ថលេខា​ជាមួយ​វិទ្យាស្ថាន​នគរូបនីយកម្ម​និង​ឌី​សាញ​ស៊ិន​ជិន​រៀបចំ​ផែនការមេ​អភិវឌ្ឍន៍​ខេត្ត​ព្រះសីហនុ

ព័ត៌មានជាតិ៤ ម៉ោង មុន

អតីត​យុទ្ធជន​ពិការ​ដោយសារ​សង្គ្រាម​១២​គ្រួសារ ​ទទួល​អំណោយ​ឯកឧត្តម​បណ្ឌិត ហ៊ុន ម៉ា​ណែត និង​លោកជំទាវ ពេ​ជ ចន្ទ​មុន្នី

Sokha Hotels

ព័ត៌មានពេញនិយម

Helistar Cambodia - Helicopter Charter Services