សុខភាព

ក្រោយកូនៗចាក់ដូសទី ១ រួចហើយ រយៈពេលប៉ុន្មានដែលអាចចាក់ដូសទី ២ និង ៣ បាន

បានផុស

៥ years មុន

នៅ

ថ្ងៃសុក្រ ១៧ កញ្ញា ២០២១

ដោយ

សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅព្រឹកថ្ងៃទី ១៧ ខែកញ្ញា ឆ្នាំ២០២១នេះ បានអញ្ជើញប្រកាសបើកយុទ្ធនាការចាក់វ៉ាក់សាំងបង្ការជំងឺកូវីដ១៩ ជូនដល់កុមារអាយុចាប់ពី៦ ឆ្នាំ ដល់ក្រោម ១២ឆ្នាំ នៅវិមានសន្តិភាព ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនឹងនេះដែរ ចំពោះកុមារទូទៅមានអាយុដូចដែលបានលើកឡើងនេះ ក៏ត្រូវមកទទួលវ៉ាក់សាំងបង្ការជំងឺកូវីដ តាមទីតាំងបានប្រកាស។ ជាពិសេស សូមពុកម៉ែទាំងអស់ត្រូវដឹងនិងចងចាំឲ្យច្បាស់ នៅថ្ងៃខែក្រោយកូនៗចាក់ដូចទី ១ រួចរាល់ ប្រការក្រែងច្រឡំយកកូនទៅចាក់ដូសទី ២ ឬ ៣ ទាំងមិនទាន់ដល់ថ្ងៃកំណត់ឲ្យចាក់បាននូវឡើយ។

ផ្អែកតាមការលើកឡើងរបស់រដ្ឋបាលរាជធានីភ្នំពេញបានបញ្ជាក់ថា វ៉ាក់សាំងដែលក្មេងអាយុពី ៦ ទៅ ១២ ឆ្នាំចាក់ គឺជាវ៉ាក់សាំងរបស់ប្រទេសចិន ប្រភេទ Sinovac រយៈពេលត្រូវចាក់ បន្ទាប់ពីចាក់ដូសទីមួយ ត្រូវរង់ចាំរយៈពេល ២១ ថ្ងៃ ទើបអាចចាក់ដូសទី ២ បាន ចំណែកដូសទី ៣ អាចចាក់បានចន្លោះពី ៦ ទៅ ៨ ខែដូចមនុស្សធំដែរ។ ឧទាហរណ៍ ប្រសិនបើកូនចៅរបស់ពុកម៉ែបងប្អូនចាក់ថ្ងៃទី ១៧ ខែកញ្ញា ឆ្នាំ២០២១ថ្ងៃនេះ ដូច្នេះក្រោយ ២១ ថ្ងៃ ក្មេងអាចមកចាក់ដូសទី២ នៅថ្ងៃទៅ ០៨ ខែតុលា ឆ្នាំ២០២១ បានហើយ។

សូមពុកម៉ែ លោកយាយ លោកតា ចងចាំថា វ៉ាក់សាំងដែលទទួលស្គាល់ដោយអង្គការសុខភាពពិភពលោក (WHO) ដូចជាវ៉ាក់សាំង Sinovac ដែលកូនៗកំពុងចាក់បច្ចុប្បន្ននេះ គឺជាមធ្យោបាយដ៏មានប្រសិទ្ធិភាពមួយ ដើម្បីការពារការរីករាលដាលនៃជំងឺ ដែលគំរាមកំហែងដល់អាយុជីវិតកុមារ និងមនុស្សវ័យជំទង់។ ការចាក់ថ្នាំបង្ការ ធ្វើឲ្យប្រព័ន្ធភាពស៊ាំរបស់ក្មេងកាន់តែរឹងមាំ និងផលិតអង្គទីគ័រដែលការពារពួកគេ ពីជំងឺដែលអាចសម្លាប់មនុស្សបាន៕

អត្ថបទ៖ សាង ស្រីល័ក្ខ

ចុចអាន៖ចំណុចសំខាន់ៗ ឪពុកម្ដាយត្រូវដឹង មុននាំកូនអាយុ ៦-១២ ឆ្នាំ ទៅចាក់វ៉ាក់សាំង Sinovac

ចុចអាន៖នេះ ផលរំខានពីវ៉ាក់សាំង Sinovac លើក្មេងអាយុ ៦ ទៅ ១២ ឆ្នាំ ពុកម៉ែត្រូវដឹង និងត្រៀមខ្លួន

ចុចអាន៖៧ ចំណុចសំខាន់ខ្លាំង ឪពុកម្ដាយត្រូវដឹង មុននាំកូនអាយុ ៦- ១២ ឆ្នាំ ទៅចាក់វ៉ាក់សាំង Sinovac ស្អែកនេះ

Related Topics:កុមារ