សុខភាព

ក្មេងអាយុ ០៥ ឆ្នាំ មានផលរំខានពីវ៉ាក់សាំងដូសទី ១ និង ២ ម្ដាយឪពុកគួរត្រៀមរបស់នេះ ក្នុងផ្ទះដាច់ខាត

បានផុស

៥ years មុន

នៅ

ថ្ងៃអង្គារ ២ វិច្ឆិកា ២០២១

ដោយ

ខណៈពេលនេះ កុមារស្ថិតក្នុងអាយុ ០៥ ឆ្នាំ កំពុងតែចាក់វ៉ាក់សាំង Sinovac ជាបណ្ដើរៗដែរហើយ។ ដោយឡែក ករណីកុមារខ្លះ អាចនឹងលេចចេញផលរំខានខ្លាំងទាំងដូសទី ១ និង ២ ដែលនាំឲ្យក្មេងនៅមិនសុខក្នុងខ្លួន ហើយក្នុងនាមជាឪពុកម្ដាយ ត្រូវតែដឹងពីអាការទាំងនោះ និងត្រូវត្រៀមថ្នាំសង្កូវជិតខ្លួនជានិច្ច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ ប្រសិនបើកុមារមានអាការក្ដៅខ្លួនខ្លាំង ឪពុកម្ដាយគួរប្រើថ្នាំប៉ារ៉ាសេតាម៉ុល ដើម្បីបញ្ចុះកម្ដៅ ប៉ុន្តែមុននឹងប្រើគួរសាកពិគ្រោះជាមួយគ្រូពេទ្យជាមុនសិន។ មួយទៀត អាចយកកន្សែងសើមស្អំក្បាល និងជូតខ្លួនកូនជានិច្ច។

២ ស្នាមម្ចុលនៅកន្លែងចាក់ អាចនឹងលេចចេញនៅអាការហើមឬរមាស់ខ្លាំង ប្រសិនបើក្មេងមានសញ្ញានេះកើតឡើងហាមពួកគេកុំប៉ះ ឬអេះឲ្យសោះ។ បើហើមខ្លាំង គួរផ្សំដោយកន្លែងត្រជាក់ៗ ឬព្យាយាមលួងលោមកូនតាមវិធីសាស្ត្រឪពុកម្ដាយ។

៣ កុមារមួយចំនួនអាចឈឺក្បាល ក្អួតចង្អោរ ឈឺសាច់ដុំ ឈឺសន្លាក់ ឈឺ ក និងអស់កម្លាំងជាដើម ។ ប៉ុន្តែបញ្ហាទាំងនោះអាចនឹងបាត់ទៅវិញក្នុងរយៈពេល ២ ឬ ៣ ថ្ងៃ។ បើមិនបាត់ទេ គួរនាំកូនទៅជួបពេទ្យ ដើម្បីពិនិត្យអាការនេះឲ្យកាន់តែបានឆាប់។ ម៉្យាងទៀត ឪពុកម្ដាយគួរមានថ្នាំសង្កូវដូចដែលបានរ៉ាយរ៉ាប់អាការខាងលើនេះខ្លះៗដែរ ក្នុងករណីមិនទាន់ដល់ដៃពេទ្យ។

ក្នុងករណី កន្លែងចាក់វ៉ាក់សាំងកូនឡើងរឹង ឬដូចពងបែក យើងមិនត្រូវយកប្រេងកូឡា ស្អំទឹកកក ទឹកក្ដៅ ឬច្របាច់វាទេ ត្រូវប្រញាប់យកកូនទៅពេទ្យ។ អ្វីដែលសំខាន់មួយទៀតនោះ ឪពុកម្ដាយក៏មិនត្រូវផ្ដល់ថ្នាំបញ្ចុះកម្ដៅខ្លួនឲ្យកូនមុនពេលចាក់វ៉ាក់សាំងដែរ យកល្អពេលកូនក្ដៅខ្លួនក្រោយចាក់វ៉ាក់សាំង ចាំផ្ដល់ថ្នាំឲ្យកូន៕

អត្ថបទ៖ សាង ស្រីល័ក្ខ

ចុចអាន៖មកដឹង អ្វីគួរ និងមិនគួរធ្វើ មុន-ក្រោយពេលកូនចាក់វ៉ាក់សាំងកូវីដ

ចុចអាន៖ឪពុកម្ដាយត្រូវច្បាស់ ខណៈនាំកូនអាយុ ៥ ឆ្នាំ ទៅចាក់វ៉ាក់សាំង Sinovac ថ្ងៃនេះ

Related Topics:ផលរំខាន