សុខភាព
អាហារ ៣ប្រភេទ មិនគួរទិញឲ្យក្មេងញ៉ាំទេ ព្រោះប៉ះពាល់សុខភាពច្រើនណាស់!
អាហារសម្រាប់កូនយើង មានទំនាក់ទំនងសំខាន់ណាស់ ទៅលើការអភិវឌ្ឍន៍ទាំងរាងកាយ និងខួរក្បាល។ ប៉ុន្តែទោះស្រលាញ់កូនប៉ុនណាក៏ដោយ ត្រូវចេះថ្លឹងថ្លែង ប្រភេទអាហារណាគួរឲ្យអូនតូចញ៉ាំ អាហារណាមិនគួរឲ្យញ៉ាំ បើចៀសមិនផុត ធ្វើខ្លួនឯងឲ្យកូនញ៉ាំ ប្រសើរជាងទិញរបស់ស្រាប់ៗ។ អត្ថបទនេះនឹងប្រាប់ពីអាហារ ៣ ប្រភេទ មិនគួរឲ្យក្មេងតូចញ៉ាំ។
១- ទឹកក្រូចកំប៉ុង និងភេសជ្ជៈប៉ូវកម្លាំង
ផ្អែកតាមការណែនាំ ពីក្រុមវេជ្ជបណ្ឌិតជំនាញផ្នែកកុមារ នៅសហរដ្ឋអាមេរិក អូនតូចអាយុក្រោម ១ឆ្នាំ មិនគួរឲ្យញ៉ាំពពួកភេសជ្ជៈទាំងនេះទេ។ បើអាយុលើសពី ១ឆ្នាំ អាចញ៉ាំបានពិតមែន តែត្រូវស្ថិតក្នុងកម្រិតតិចតួចប៉ុណ្ណោះ។ ការណែនាំនេះ ដោយសារអ្នកជំនាញរកឃើញថា ភេសជ្ជៈប៉ូវកម្លាំង អាចប៉ះពាល់ទៅលើប្រព័ន្ធប្រសាទក្មេង ស្បែក និងការចងចាំ។ យ៉ាងណាមិញ ម៉ាក់ប៉ា អាចឲ្យកូនជំនួសវិញ នូវភេសជ្ជៈដូចជា ទឹកផ្លែឈើស្រស់ ឬក្រឡុកជាមួយទឹកដោះគោ ឬទឹកដោះគោជូរជាដើម។
២- ពោតលីង (Popcorn)
ពោតលីង ចំណីញ៉ាំកំដរអារម្មណ៍ពេញនិយមបំផុតនាពេលបច្ចុប្បន្ន ដោយប៉ាម៉ាក់ជាច្រើន តែងឲ្យកូនតូចញ៉ាំអាហារប្រភេទនេះ ព្រោះចម្អិនលឿន ងាយរកទិញ និងរសជាតិផ្អែមឆ្ងាញ់។ ប៉ុន្តែ ត្រូវដឹងថា សារជាតិនៅក្នុងពោតលីងវេចខ្ចប់ស្រេច សម្រាប់ចម្អិនក្នុងមីក្រូវ៉េវ (Microwave) សម្បូរទៅដោយសមាសធាតុគីមីផ្សេងៗ នៅពេលត្រូវកម្តៅ វានឹងបំបែកធាតុទាំងនោះចេញមក បង្កឲ្យអូនតូចឈឺបាន ក៏ជាមូលហេតុអាចវិវត្តទៅជាកើតមហារីកនៅថ្ងៃមុខទៀតផង។ បើមិនអាចចៀសបាន ពោតលីង ញ៉ាំទៅមានសុវត្ថិភាពចំពោះកូនយើង គួរចម្អិនដោយខ្លួនឯង ដោយប្រើខ្ទះដាក់ចម្អិន។
៣- ទឹកឃ្មុំ
អាចជាការភ្ញាក់ផ្អើល សម្រាប់ម៉ាក់ប៉ាមួយចំនួន ព្រោះទឹកឃ្មុំ សម្បូរសារធាតុចិញ្ចឹម ប៉ុន្តែក៏មានគ្រោះថា្នក់សម្រាប់កូនតូចៗដូចគ្នា។ ទោះបីជាទឹកឃ្មុំធម្មជាតិសុទ្ធយ៉ាងណាក៏ដោយ នៅតែបង្កគ្រោះថ្នាក់ដល់ក្មេងតូចៗ ព្រោះថាពពួកបាក់តេរីមាននៅក្នុងទឹកឃ្មុំ អាចបង្កជំងឺផ្សេងៗ ដល់ក្មេងឲ្យឈឺបាន ពិសេសលើផ្លូវដង្ហើម និងចុះខ្សោយសាច់ដុំ។ បើតាមគ្រូពេទ្យជំនាញនៅសហរដ្ឋអាមេរិក ម៉ាក់ប៉ា អាចឲ្យជាផ្លែឈើធម្មជាតិកិនស្រស់ៗ អាចធ្វើបាននៅផ្ទះ ឲ្យកូនៗញ៉ាំបានជំនួសវិញ៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ទម្រើសកូន ឲ្យកូនញ៉ាំអាហារ ៥ មុខនេះ ដូចធ្វើបាបកូនអ៊ីចឹង!
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៨ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ