សុខភាព

អាហារធម្មជាតិខ្លះល្អមែន តែមិនអាចហូបច្រើនពេកទេ

បានផុស

៥ years មុន

នៅ

ថ្ងៃសុក្រ ២៦ កុម្ភៈ ២០២១

ដោយ

Sonya

អាហារមួយចំនួនដែលល្អសម្រាប់សុខភាព ដោយសារសម្បូរសារធាតុចិញ្ចឹម និងជាតិរ៉ែផ្សេងៗសម្រាប់ការពារ និងចិញ្ចឹមរាងកាយ ហើយអាហារប្រភេទនេះគួរមានក្នុងរបបអាហារយើង។ ប៉ុន្តែ យើងក៏គួរស្វែងយល់ពី អាហារល្អៗមួយចំនួននោះ នឹងបង្កជាបញ្ហាផងដែរ បើសិនជាយើងញ៉ាំក្នុងបរិមាណច្រើនពេក។

១. ការ៉ុត

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មើមការ៉ុត សំបូរដោយសមាសធាតុ Beta-Carotene ជាសមាសធាតុព័ណ៌ទឹកក្រូច ជួយឱ្យរាងកាយទទួលបានវីតាមីន A។ តែយ៉ាងណា ការ៉ុតនឹងបង្កជាបញ្ហាឱ្យស្បែកអ្នកឡើងព័ណ៌លឿង ប្រសិនបើសមាសធាតុ Beta-Carotene នេះច្រើនពេកក្នុងរាងកាយ។

២. ផ្លែប៊ឺរ

ផ្លែប៊ឺរ ឬ Avocado មានសារធាតុកាកសរសៃ (Fiber) ក៏ដូចជាវីតាមីនជាច្រើន ដែលល្អចំពោះសុខភាព។ បន្ថែមពីនោះវាក៏មានអាស៊ីដខ្លាញ់ល្អ Monounsaturated ជួយរក្សា និងទ្រទ្រង់កោសិកាផ្សេងៗក្នុងរាងកាយ។ យ៉ាងណាមិញ ក្នុងផ្លែប៊ើរមួយ មានប្រមាណ ២៤០កាល់ឡូរី ដែលប្រហែល នឹង១០ -២០% នៃចំនួនកាល់ឡូរី ដែលរាងកាយគួរទទួលបានក្នុង១ថ្ងៃ ដូចនេះ ការទទួលទានផ្លែប៊ឺរច្រើន នឹងបង្កបញ្ហាផងដែរ គឺការស្ទះសរសៃឈាមក្រហម ដោយសារសារធាតុកាល់ឡូរីនេះ។

៣. សារាយសមុទ្រ

ពពួកសារាយ សមុទ្រ ជាផលិតផលធម្មជាតិមួយដ៏ល្អ ដែលផ្ទុកទៅដោយវីតាមីន B12 ល្អសម្រាប់អ្នកមិនតមសាច់។ បន្ថែមពីនោះសារាយសមុទ្រក៏មាន ជាតិអ៊ីយ៉ូដ និងសារធាតុសរសៃ (Fiber) ជំនួយដល់រាងកាយ។ ប៉ុន្តែ គួរដឹងថា កម្រិតជាតិអ៊ីយ៉ូដច្រើនក្នុងរាងកាយ នឹងធ្វើឱ្យក្រពេញទីរ៉ូអ៊ីត (ក្រពេញស្ថិតនៅក) មានបញ្ហា ធ្វើឱ្យកើនទម្ងន់ ហើយពិសេសជាងនេះទៀត សារាយសមុទ្រក៏សំបូរជាតិដែកច្រើន នឹងបង្កជាបញ្ហារលាកស្បែក និងបញ្ហាថ្លើម។

៤. ផលិតផលពីសណ្តែកសៀង

ទឹកសណ្តែក តៅហ៊ូ ពពុះសណ្តែក សុទ្ធសឹងផ្សំធ្វើពីសណ្តែកសៀង ដែលសំបូរវីតាមីន B កាកសរសៃ (Fiber) ម៉ាញ៉េស្យូម និងប្រូតេអ៊ីនទៅដល់រាងកាយ។ ប៉ុន្តែគួរគប្បីដឹងថា សារធាតុនៅក្នុងសណ្តែកសៀងទាំងនោះ អាចបង្អាក់ប្រសិទ្ធភាព ថ្នាំពេទ្យមួយចំនួននៅពេលយើងប្រើថ្នាំទាំងនោះដើម្បីព្យាបាលជំងឺ នេះគឺដោយសារ តែមានប្រតិកម្មទៅរំខានដល់អ័រម៉ូនមួយចំនួនក្នុងរាងកាយ៕

អត្ថបទផ្ដល់សិទ្ធិដោយ៖ Hello Krupet

ចុចអាន៖ អាហារ ៦ មុខដែលសម្បូរសារធាតុប្រឆាំងជំងឺសាហាវៗ

ចុចអាន៖ អាហារ ៥ ប្រភេទជួយបន្សាបជាតិពុលនៅក្នុងខ្លួន