Connect with us

សុខភាព

ចិត្តសាស្ត្រ៖ ហ៊ានឡើងជញ្ជីងថ្លឹងគីឡូញឹក ជួយឲ្យទម្ងន់ថេរ និងងាយស្រក

បានផុស

នៅ

និយាយ​រឿង​ជញ្ជីង ស្រី​ៗ​ប្រាកដ​ជា​ដឹង​ច្បាស់ ព្រោះ​ត្រូវ​​ឧស្សាហ៍​តាម​ដាន​​មើល​​គីឡូ​ជាង​ប្រុស​ៗ​ទៀត។ ការ​ស្រាវ​ជ្រាវ​បាន​​បញ្ជាក់​​ថា អ្នក​ចូល​ចិត្ត​ថ្លឹង​​ទម្ងន់​ញឹក​ញាប់​ មាន​​ភាគ​រយ​រក្សា​​ទម្ងន់​ថេរ និង​ផែនការ​​ស្រក​ទម្ងន់​​មាន​ប្រសិទ្ធភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​បញ្ជាក់​នេះ ធ្វើ​ឡើង​ដោយ​សាកលវិទ្យាល័យ​ Georgia សហរដ្ឋអាមេរិក បន្ទាប់​ពី​​ក្រុម​ការងារ​ស្រាវជ្រាវ​នៃ​សាកលវិទ្យាល័យ​នេះ បាន​​តាម​ដាន​ពិនិត្យ​លើ​យុវជន​ស្ម័គ្រ​ចិត្ត​ប្រមាណ​ជាង​ ១០០ ​នាក់ អាយុ​ចាប់​ពី​១៨​ ឆ្នាំ​ឡើង ដើម្បី​ដឹង​ពី​​ទំនោរ​​រ​ក្សា​ទម្ងន់​របស់​ពួក​គេ។ អ្នក​វិទ្យាសាស្រ្ត​បាន​តាម​ដាន​មើល​​យុវជន​ទាំង​នោះ​​ចាប់​ពី​​ពាក់​កណ្តាល​​ខែ​វិច្ឆិកា ឆ្នាំ​២០១៧ មក ជា​អំឡុង​ពេល​ដែល​ប្រជាពលរដ្ឋ​នៅ​អាមេរិក មាន​ឱកាស​ជួប​ជុំ​គ្រួសារ​ សាច់​ញាតិ និង​ជា​រដូវ​ជួប​ជុំ​មាន​កម្មវិធី​​ហូប​​អាហារ​ជុំ​គ្នា​ផង ដោយ​អ្នក​ស្រាវជ្រាវ​បាន​​ប្រាប់​ពួក​យុវជន​​ឲ្យ​អនុវត្ត​នូវ​ទម្លាប់​រក្សា​ទម្ងន់​តាម​វិធី​រៀង​ៗ​ខ្លួន​​ដែល​ពួក​គេ​ធ្លាប់​ធ្វើ​កន្លង​មក​។ ​​​​

តាមការ​តាមដាន​ខាង​លើ អ្នក​ស្រាវជ្រាវ​កត់​សម្គាល់​​​លើ​វិធី​របស់​យុវជន​ដែល​មាន​ទម្លាប់​​ឡើង​ថ្លឹង​លើ​ជញ្ជីង​ញឹក​ញាប់​​ ពួក​គេ​​មាន​អត្រា​ស្រក​ទម្ងន់​ជា​មធ្យម​ ០,១ ​គីឡូក្រាម​ ​មាន​ន័យ​ថា​ ពួក​គេ​​មាន​ទម្ងន់​នៅ​ថេរ​ ផ្ទុយ​ពី​យុវជន​ដែល​មិន​​មាន​ទម្លាប់​​ឡើង​ថ្លឹង គឺ​ទម្ងន់​ពួក​គេ​ឡើង​ជា​មធ្យម​ ២,២​ គីឡូក្រាម ដែលនេះជា​លទ្ធផល​​ ​ក្រោយ​ពួក​គេ​ចប់​រដូវ​កាល​កម្មវិធី​ជួប​ជុំ​គ្រួសារ។

លោក​វេជ្ជបណ្ឌិត Jamie Cooper អ្នក​ស្រាវជ្រាវ​ម្នាក់​ក្នុង​ក្រុម​ខាង​លើ​ ​បញ្ជាក់​ថា៖​ “អ្នក​ឡើង​ថ្លឹង​ជញ្ជីង​ញឹក​ញាប់ ប្រៀប​ដូច​ជា​ការ​រម្លឹក​ខ្លួន​ឯង​នូវ​​អ្វី​ដែល​គេ​នឹង​ធ្វើ​ចំពោះ​រាង​កាយ​របស់​គេ ដូចនេះ​ហើយ​បាន​ជា​យុវជន​ដែល​ឧស្សាហ៍​ឡើង​ថ្លឹង​គីឡូ មាន​ទំនោរ​រក្សា​ទម្ងន់​មាន​ប្រសិទ្ធភាព​ ព្រោះ​ដឹង​ព័ត៌មាន​​ទម្ងន់​ច្បាស់​ ពួក​គេ​អាច​អនុវត្ត​ផែន​ការបាន​ល្អ ដូច​ជា​ការ​កម្រិត​លើ​ចំណី​អាហារ​ជា​ដើម​​”។

The Truth About Losing Weight - HealthyWomen

ដោយ​ឡែក លោក​ស្រី​វេជ្ជបណ្ឌិត Michelle Vandellen ដែល​ជា​អ្នក​ស្រាវជ្រាវ​ម្នាក់ក្នុង​ក្រុម​ស្រាវជ្រាវ​ខាង​លើ និយាយ​ថា៖ “ពេល​យុវជន​ដឹង​ពី​ទម្ងន់​គេ​ច្បាស់ វា​ប្រៀប​ដូច​ចិត្ត​សាស្រ្ត​មួយ ព្រោះ​​ពួក​យើង​បាន​រក​ឃើញ​​ថា អាកប្បកិរិយា​​លើ​សកម្មភាព​ប្រចាំ​ថ្ងៃ​ពួក​គេ​ប្រុង​ប្រយ័ត្ន​ខ្លាំង​ជាងយុវជន​ដែល​ពុំ​មាន​ទម្លាប់​ថ្លឹង​ទម្ងន់ ដូច​នេះ​ជួយ​ឲ្យ​ពួក​គេ​អនុវត្ត​ផែន​ការ​រក្សា​ទម្ងន់ និង​​សម្រក​ទម្ងន់​មាន​ប្រសិទ្ធភាព”។

ការ​ឡើង​ទម្ងន់​​ខ្លាំង ឬ​ឡើង​​គីឡូ​លឿន​ ​អាច​វិវត្ត​ទៅ​ជា​ជំងឺ​ធាត់ មាន​ភាព​ប្រឈម​ ២​ ដងនឹងកើត​​ជំងឺ​ទឹក​នោម​ផ្អែម ហើយ​ការ​សិក្សា​មួយ​នៅ​ប្រទេស​អង់គ្លេស​កន្លង​មក​បង្ហាញ​ថា នៅ​រយៈ​ពេល​ ៣០​ ឆ្នាំ ចុង​ក្រោយ​​នេះ អ្នក​មាន​ជំងឺ​ធាត់ កើន​ឡើង​ពី ១០៥​ លាន​នាក់ នៅ​ឆ្នាំ​១៩៧០ ទៅ​ ៦៥០​ លាន​នាក់ ហើយ​នៅ​ឆ្នាំ​ ២០១៦ ការ​កើន​ឡើង​នេះ ពាក់​ព័ន្ធ​យ៉ាង​ខ្លាំង​ទៅ​នឹង​សុខភាព​សាធារណៈ៕ ​​​​​​​​​​​​​​​​​​​​​​​​​​​​​​​​​​​​​​​​​​

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ មានសាច់យារធ្លាក់នៅដើមដៃ ចង្កេះ សាកវិធីសាស្ត្រហាត់ប្រាណនេះអាចជួយបាន

ចុចអាន៖ អ្នក​ចិត្តសាស្ត្រ​ពន្យល់​មូលហេតុ​ ដែល​បណ្ដាល​ឲ្យ​គេង​ភ្ញាក់​ភ័យ​ស្លន់ស្លោ​ទាំង​កណ្ដាល​យប់ ​និង​វិធី​បញ្ឈប់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៥ នាទី មុន

អភិបាលរាជធានី ស្នើបារាំងជួយកសាងស្ថានីយប្រតិកម្មទឹកកខ្វក់មួយកន្លែងទៀត

ចរាចរណ៍១៩ នាទី មុន

សមត្ថកិច្ច​ស្រុក​ពួក ឃាត់ខ្លួន​ម្ចាស់​គោយន្ត​ដឹក​ថ្ម​១​គ្រឿង​ករណី​បើក​បុក​រោង​ជួសជុល​ម៉ូតូ​បណ្តាល​ឲ្យ​បុរស​ម្នាក់​ស្លាប់

ព័ត៌មានជាតិ៣០ នាទី មុន

អភិបាល​រាជធានី ស្នើសុំ​ឲ្យ​បារាំង​ជួយ​កសាង​ស្ថានីយ​ប្រតិកម្ម​ទឹក​កខ្វក់​មួយកន្លែង​ទៀត នៅ​ខាងជើង​ឆៀង​ខាងលិច​រាជធានី​ភ្នំពេញ

ព័ត៌មានជាតិ៥៩ នាទី មុន

ពាក់កណ្តាល​ខែឧសភា​នេះ ក្រុមការងារ​មន្ទីរ​សាធារណការ ខេត្តព្រះ​វិហារ ចុះ​បិទ​ស្ទីក​ឃ័​រ​ចំណាំង​ផ្លាត​លើ​គោយន្ត​កន្ត្រៃ​យ៍​បាន​ជាង៥០​គ្រឿង

សេដ្ឋកិច្ច១ ម៉ោង មុន

អឺរ៉ុបត្រៀមកញ្ចប់ហិរញ្ញប្បទានជាង ១៤០០ លានអឺរ៉ូ ស្តារសង្គម-សេដ្ឋកិច្ចកម្ពុជា

Sokha Hotels

ព័ត៌មានពេញនិយម