សុខភាព

ផាសិន ល្អសម្រាប់សុខភាព ជួយឲ្យគេងលក់ស្រួល និងបន្ទោរបង់បានល្អ

បានផុស

៥ years មុន

នៅ

ថ្ងៃពុធ ២៩ ធ្នូ ២០២១

ដោយ

សាង ស្រីល័ក្ខ

ផាសិន ជាផ្លែឈើមួយប្រភេទដែលមានរសជាតិជូរអែម ហើយអាចហូបដោយការបន្ថែមស្ករ ឬអំបិលបន្តិច ដើម្បីឲ្យវាក្លាយជាអាហារសម្រាប់សុខភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេងលក់ស្រួល ដោយសារតែផាសិន សម្បូរទៅដោយសារធាតុ selatoninនិង អ័រម៉ូនស្ងប់ស្ងាត់ ដែលជួយគ្រប់គ្រងអារម្មណ៍ឲ្យគេងលក់ស្រួល រួមទាំងជួយកាត់បន្ថយភាពតានតឹង បំបាត់ទុក្ខព្រួយ ធ្វើឲ្យខួរក្បាលស្រលះល្អថែមទៀតផង។

ជួយថែរក្សាភ្នែក ដោយសារតែផាសិនមានផ្ទុកសារជាតិ flavonoid ដូចជា beta-carotene ក៏ដូចជាវីតាមីន A ដែលជួយពង្រឹងភ្នែក កម្ចាត់រ៉ាឌីកាល់សេរី មូលហេតុនៃភាពចាស់ និងភាពយឺតយ៉ាវ រួមទាំងជួយបំប៉នភ្នែក និងការពារការបំផ្លាញកោសិកា ដែលនាំឲ្យភ្នែកស្រវាំងឬម្ញូបបាន។

នៅឆ្ងាយពីជំងឺមហារីក វីតាមីន A អាចត្រូវប្ដូរឈ្មោះតាមវេជ្ជសាស្ត្រទៅជា វីតាមីន A+ ព្រោះបន្ថែមពីលើការជួយបំប៉នភ្នែកដូចបានរៀបរាប់ខាងលើ។ វីតាមីន A និង flavonoids ក៏កាត់បន្ថយហានិភ័យនៃជំងឺមហារីកសួត និងមាត់ផងដែរ។

ការបន្ទោរបង់ល្អ យើងប្រហែលជាភ្ញាក់ផ្អើល បើដឹងថាហូបផាសិនក៏អាចទទួលបានជាតិសរសៃផងដែរ។ ក្រៅពីជួយដល់ការបន្ទោរបង់បានល្អ វាក៏ជួយឲ្យឆ្អែតបានយូរផងដែរ។

ការពារជំងឺ បន្ថែមពីលើជាតិសរសៃខ្ពស់ ផាសិនក៏ជាម្ចាស់នៃវីតាមីន C ដែលជាជំនួយដ៏សំខាន់ក្នុងការកសាងប្រព័ន្ធការពាររាងកាយ។ ដោយអ្នកវិទ្យាសាស្ត្រ បានចុះផ្សាយលទ្ធផលស្រាវជ្រាវរួចហើយនោះ។ ផាសិន ១០០ ក្រាមមានផ្ទុកវីតាមីន C ៣៦ភាគរយ ដែលគ្រប់គ្រាន់សម្រាប់បំពេញតម្រូវការប្រចាំថ្ងៃរបស់យើង។

ឆ្អឹងរឹងមាំ វាមិនចប់ត្រឹមហ្នឹងទេ ផាសិនក៏មានកាល់ស្យូម និងផូស្វ័រដែរ។ វាជាដៃគូវិស្វករជួសជុលឆ្អឹងរបស់យើង វីតាមីនជួយការពារជំងឺពុកឆ្អឹង និងឆ្អឹងផុយផ្សេងទៀត។ ដែលទាំងនេះ ធ្វើឲ្យអ្នកទទួលទានផ្លែផាសិន មិនសូវទៅជួបវេជ្ជបណ្ឌិតញឹកញាប់៕

ប្រែសម្រួល៖ សាង ស្រីល័ក្ខ

ចុចអាន៖របបអាហារមានជាតិបាស ជួយកាត់បន្ថយ បញ្ហារលាក និងជំងឺផ្សេងៗ

Related Topics:សុខភាពល្អ