សុខភាព

ឆ្លងវីរុសកូវីដ-១៩ អាចបណ្ដាលឲ្យស្ត្រីពពោះ រលូតកូនឬអត់?

បានផុស

២ years មុន

នៅ

ថ្ងៃសៅរ៍ ២២ មករា ២០២២

ដោយ

ស្ត្រីពពោះមានហានិភ័យខ្ពស់ក្នុងការឆ្លងវីរុសកូវីដធ្ងន់ធ្ងរ ប៉ុន្តែតើវាអាចប៉ះពាល់ដល់កូនក្នុងផ្ទៃដែរអត់? ពិតណាស់ អំឡុងពេលពពោះ គឺជាពេលវេលាដ៏រំភើបរីករាយមួយរបស់ស្រីៗយើង។ ប៉ុន្តែ បច្ចុប្បន្ននេះ ស្រ្តីពពោះបើឆ្លងកូវីដ-១៩ អាចបង្កជាផលវិបាកមួយចំនួន ហើយក៏អាចបណ្ដាលឲ្យមានបញ្ហារលូតកូនផងដែរ។ ម្យ៉ាងវិញទៀត ស្ត្រីពពោះដែលឆ្លងវីរុសកូវីដ-១៩ អាចនឹងសម្រាលកូនមុនសប្ដាហ៍ទី៣៧នៃការពពោះ ដែលនេះជាការសម្រាលកូនមិនគ្រប់ខែ។ ដូច្នេះហើយ ទើបម៉ាក់ៗចាំបាច់ចាក់វ៉ាក់សាំងឲ្យបានគ្រប់ចំនួន ក៏ដូចជារក្សាគម្លាតតាមវិធានសុខាភិបាល ដើម្បីបញ្ចៀសហានិភ័យនៃការឆ្លងវីរុសកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការសិក្សាបង្ហាញថា វីរុសកូវីដ-១៩ អាចនាំឲ្យស្ត្រីពពោះរលូតកូន

យោងតាមរបាយការណ៍ចេញផ្សាយនៅក្នុងទស្សនាវដ្ដីវិទ្យាសាស្ត្រ PLOS One បានឲ្យដឹងថា កូវីដ-១៩ ធ្វើឲ្យមានការរលាកសុក ជាហេតុនាំឲ្យគភ៌លូតលាស់យឺត ក៏ដូចជាបណ្ដាលឲ្យរលូត។ ជាក់ស្ដែង ហានិភ័យនៃការរលូតកូនរបស់ស្ត្រីដែលឆ្លងកូវីដ-១៩មានការកើនឡើងគួរឲ្យព្រួយបារម្ភ។

គន្លឹះជួយឲ្យស្ត្រីពពោះកាត់បន្ថយស្រ្តេសអំឡុងពេលរាតត្បាតនៃវីរុសកូវីដ-១៩

គេងឲ្យបានគ្រប់គ្រាន់
ញ៉ាំរបបអាហារតុល្យភាព ដែលសម្បូរទៅដោយសារធាតុចិញ្ចឹម
ធ្វើលំហាត់ប្រាណជាទៀងទាត់
ធ្វើរឿងរ៉ាវ ឬសកម្មភាពដែលជួយឲ្យយើងស្ងប់អារម្មណ៍ និងសប្បាយចិត្ត
ហាត់យូហ្គា ឬធ្វើសមាធិ
ជៀសវាងមើលទូរទស្សន៍ ឬព័ត៌មានអំពីជំងឺរាតត្បាតច្រើនពេក
គោរពតាមវិធានសុខាភិបាលក្នុងការប្រយុទ្ធនឹងជំងឺកូវីដ-១៩ ដោយពាក់ម៉ាស រក្សាគម្លាត ជៀសវាងទៅទីកន្លែងដែលមានមនុស្សអ៊ូអរច្រើន លាងសម្អាតដៃឲ្យបានស្អាតល្អ ព្រមទាំងចាក់វ៉ាក់សាំងកូវីដ-១៩ ឲ្យបានគ្រប់ដូសតាមនការណែនាំ៕

អត្ថបទផ្ដល់ដោយ៖Hello Krupet

ចុចអាន៖សម្រាលកូនហើយប៉ុន្មានខែ ទើបអាចចាក់វ៉ាក់សាំងកូវីដ-១៩ បាន?

ចុចអាន៖ដំបូន្មានខ្លី-ខ្លឹម ងាយអនុវត្ត សម្រាប់ប្តីប្រពន្ធថ្មីថ្មោងត្រៀមយកកូន