អ្នកវិទ្យាសាស្រ្តព្រមានអំពី វីរុសកូវីដបំប្លែងខ្លួនប្រភេទថ្មី ដែលមានសមត្ថភាពសាហាវ (មានវីដេអូ)

ទិន្នន័យថ្មីបានបង្ហាញថា វីរុសកូវីដបំប្លែងខ្លួនឆ្លងខ្លាំង បានលេចឡើងនៅក្នុងចក្រភពអង់គ្លេស​ ហើយបច្ចុប្បន្ន មេរោគនេះនៅពីក្រោយករណីមួយក្នុងចំណោម២៥ករណីនៅទីនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីរុសកូវីដបំប្លែងខ្លួន XBB.1.5 បានបង្កឲ្យមានការព្រួយបារម្ភនៅសហរដ្ឋអាមេរិក ដោយសារតែការរីករាលដាលយ៉ាងឆាប់រហ័សរបស់វា និងការកើនឡើងនៃករណីអ្នកជំងឺសម្រាកព្យាបាលក្នុងមន្ទីរពេទ្យនាពេលថ្មីៗនេះ។

វីរុសដែលជាពូជរបស់ អូមីក្រុង ប្រភេទនេះ មានផ្ទុកនូវធាតុបំប្លែង ដែលជួយឲ្យវាចៀសផុតពីខែលការពារពីវ៉ាក់សាំង និងការឆ្លងពីមុន។

អ្នកជំនាញបានប្រាប់គេហទំព័រ MailOnline ថា វីរុសបំប្លែងខ្លួនប្រភេទនេះ គឺជាការដាស់តឿនឲ្យគ្រប់គ្នាប្រុងប្រយ័ត្ន ហើយអាចធ្វើឲ្យវិបត្តិសុខភាពនៅអង់គ្លេស កាន់តែអាក្រក់ទៅៗ។

មិនត្រឹមតែនៅអង់គ្លេស និងសហរដ្ឋអាមេរិក ប៉ុណ្ណោះទេ វីរុសកូវីដបំប្លែងខ្លួន XBB.1.5 ក៏កំពុងបង្កឲ្យមានការព្រួយបារម្ភទូទាំងពិភពលោកផងដែរ។

មេរោគនេះ គឺបំប្លែងមកពី អូមីក្រុង XBB ដែលត្រូវបានគេរកឃើញដំបូងនៅក្នុងប្រទេសឥណ្ឌាកាលពីខែសីហា។

XBB.1.5 បានទទួលធាតុបំប្លែងបន្ថែម រួមទាំង F486P ផងដែរ ដែលជួយវាឲ្យចៀសផុតពីអង្គបដិប្រាណប្រឆាំងកូវីដ ដែលត្រូវបានបង្កើតឡើងពីការចាក់វ៉ាក់សាំង ឬការឆ្លងពីមុន។ ធាតុមួយទៀតគឺ S486P ត្រូវបានគេគិតថា នឹងធ្វើឲ្យប្រសើរឡើងនូវសមត្ថភាពរបស់វា ក្នុងការចងភ្ជាប់ទៅនឹងកោសិកា៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ បុរសម្នាក់ កើតជំងឺអេដស៍ កូវីដ និងអុតស្វា ក្នុងពេលតែមួយ