សុខភាព
អ្នកជំងឺទឹកនោមផ្អែម អាចញ៉ាំបបរសបានឬអត់?
ការគ្រប់គ្រងរបបអាហារ សម្រាប់អ្នកជំងឺទឹកនោមផ្អែមគឺជារឿងចាំបាច់។ បើគ្រប់គ្រងបានត្រឹមត្រូវអ្នកជំងឺនឹងមានសុខភាពល្អ បើគ្រប់គ្រងមិនបានល្អនឹងបណ្ដាលឲ្យកម្រិតជាតិស្ករក្នុងឈាមកើនឡើងខ្ពស់ ប៉ះពាល់សុខភាពអ្នកជំងឺ។ ដូច្នេះហើយអ្នកជំងឺត្រូវម៉ត់ចត់នឹងរបបអាហារដែលត្រូវញ៉ាំប្រចាំថ្ងៃ។ តួយ៉ាងដូចជា បាយ និង បបរ ជាអាហារប្រចាំថ្ងៃសម្រាប់យើងមានសុខភាពធម្មតា ប៉ុន្ដែសម្រាប់អ្នកទឹកនោមផ្អែមវិញ ការញ៉ាំអាហារទាំងនោះ ត្រូវដឹងពីគុណវិបត្ដិរបស់វាតាមប្រភេទនីមួយៗ។
លោកវេជ្ជបណ្ឌិត ហួយ បញ្ញា ឯកទេសខាងជំងឺទឹកនោមផ្អែម និង ក្រពេញអ័រម៉ូន នៃមន្ទីពេទ្យព្រះអង្គឌួង បានមានប្រសាសន៍ថា អាហារប្រចាំថ្ងៃអ្នកជំងឺទឹកនោមផ្អែមដែលចម្អិនពីអង្ករ បែងចែកសន្ទស្សន៍ជាតិស្ករជា៥ប្រភេទខុសគ្នាៗ។ ក្នុងនោះបបរគឺជាអាហារដែលមានសន្ទស្សន៍ជាតិស្ករខ្ពស់ជាងគេ បន្ទាប់មកបាយជ្រាយ បាយធម្មតា បាយដាំជាត់ទឹក និង បាយអង្ករសម្រូបមានសន្ទស្សន៍ជាតិស្ករទាបជាងគេ។
លោកបានបញ្ជាក់ទៀតថា អ្នកជំងឺទឺកនោមផ្អែមញ៉ាំបបរសមិនមានគ្រោះថ្នាក់អ្វីនោះទេ អ្នកជំងឺអាចញ៉ាំបាន ប៉ុន្ដែវាមិនសូវល្អចំពោះសុខភាព ដោយសារតែបបរសមានសន្ទស្សន៍ជាតិស្ករខ្ពស់ នៅពេលអ្នកជំងឺទឹកនោមផ្អែមញ៉ាំវានឹងបណ្ដាលឲ្យការស្រូបយកជាតិស្ករលឿនជាងបាយ ដូច្នេះទើបអ្នកជំងឺមិនគួរញ៉ាំបបរសនោះទេ។
កុំថាឡើយតែបបរស សូម្បីតែបាយក៏អ្នកជំងឺទឹកនោមផ្អែមត្រូវតែរឹតត្បិតបរិមាណញ៉ាំជាប្រចាំ ដូច្នេះពពួកអាហារដែលមានសន្ទស្សន៍ជាតិស្ករខ្ពស់ទាំងអស់អ្នកទឹកនោមផ្អែមត្រូវតែប្រុងប្រយ័ត្នក្នុងការញ៉ាំ។
អ្វីដែលសំខាន់បំផុតអ្នកជំងឺត្រូវតែអនុវត្ដតាមការណែរនាំរបស់គ្រូពេទ្យ ឬត្រូវពិគ្រោះជាមួយគ្រូពេទ្យព្យាបាលជាមុនសិន មុនពេលសម្រេចចិត្ដញ៉ាំអាហារណាប្លែកៗ។ អ្នកជំងឺក៏ត្រូវហាត់ប្រាណបញ្ចុះជាតិស្ករឲ្យបានជាប្រចាំថ្ងៃ ដើម្បីឲ្យសុខភាពកាន់តែរឹងមាំ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ