ព័ត៌មានអន្ដរជាតិ
វៀតណាម បង្ហាញថ្នាំទឹកស៊ីរ៉ូប៍ក្អក១៤មុខ ដែលអាចបណ្តាលឲ្យកុមារស្លាប់ និងខូចក្រលៀនធ្ងន់ធ្ងរ
ក្រសួងសុខាភិបាលវៀតណាម បានព្រមានអំពីថ្នាំទឹកស៊ីរ៉ូប៍ក្អកចំនួន១៤មុខ ដែលបណ្តាលឲ្យកុមាររាប់រយនាក់ស្លាប់ ឬខូចក្រលៀនធ្ងន់ធ្ងរនៅក្នុងប្រទេសមួយចំនួនរួចទៅហើយ។
![](https://www.kampucheathmey.com/wp-content/uploads/2023/04/image-1575.png)
កន្លងមក ក្រសួងបានទទួលការព្រមានពីអង្គការប៉ូលិសឧក្រិដ្ឋកម្មអន្តរជាតិ (Interpol) ថា ថ្នាំទាំងនោះ ដែលផលិតនៅក្នុងប្រទេសឥណ្ឌា និងឥណ្ឌូណេស៊ី គឺមានផ្ទុកសារធាតុ Diethylene ដែលអាចបង្កគ្រោះថ្នាក់ធ្ងន់ធ្ងរដល់សុខភាពឬស្លាប់ ដល់អ្នកប្រើប្រាស់។
ដើម្បីធានាសុវត្ថិភាពដល់អ្នកប្រើប្រាស់ ក្រសួងបានស្នើឲ្យមន្ទីរសុខាភិបាលខេត្ត និងក្រុងព្រមទាំងគ្រឹះស្ថានពេទ្យនានា ត្រូវផ្សព្វផ្សាយជាបន្ទាន់នូវព័ត៌មានពាក់ព័ន្ធនឹងគ្រោះថ្នាក់ធ្ងន់ធ្ងរនៃផលិតផលទាំងនេះ។
![](https://www.kampucheathmey.com/wp-content/uploads/2023/04/image-1576.png)
ផលិតទាំង១៤មុខនោះមានដូចជា៖
- Promethazine Oral Solution
- Kofexmalin Baby Cough Syrup
- Makoff Baby Cough Syrup
- Magrip N Cold Syrup
- Temorex Syrup
- Flurin DMP Syrup
- Unibebi Cough Syrup
- Unibebi Demam Paracetamol Drops
- Unibebi Demam Paracetamol Syrup
- Paracetamol Drops,
- Paracetamol Syrup (ជីអង្កាម)
- Vipcol Syrup
- Ambronol Syrup
- DOK-1 MAX Syrup
គួរបញ្ជាក់ថា កាលពីខែតុលាឆ្នាំមុន ការស្លាប់កុមារជាច្រើននាក់បន្ទាប់ពីផឹកថ្នាំទឹកស៊ីរ៉ូប៍ក្អក ត្រូវបានគេរាយការណ៍នៅក្នុងប្រទេស ហ្គាំប៊ី។
អង្គការសុខភាពពិភពលោកបានព្រមានថា ការស្លាប់អាចទាក់ទងនឹងផលិតផលចំនួនបួនគឺ Promethazine Oral Solution, Kofexmalin Baby Cough Syrup, Makoff Baby Cough Syrup និង Magrip N Cold Syrup ដែលផលិតដោយក្រុមហ៊ុន Maiden Pharmaceuticals Limited របស់ប្រទេសឥណ្ឌា។
ការវិភាគមន្ទីរពិសោធន៍សម្រាប់ផលិតផលទាំង៤បានបង្ហាញថា ពួកវាមានផ្ទុកសារធាតុ diethylene glycol និង ethylene glycol ក្នុងបរិមាណដែលមិនអាចទទួលយកបាន៕
ប្រែសម្រួល៖ Vann Vann
ប្រភព៖ VN Express
ចុចអាន៖ ប្រទេសអាស៊ីមួយទៀត មានកុមារ១៨នាក់ស្លាប់ ក្រោយផឹកថ្នាំទឹកស៊ីរ៉ូប៍ ឥណ្ឌា
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ១២ ម៉ោង ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ