បុរសអង់គ្លេសម្នាក់ផឹកទឹកមួយថ្ងៃ ១០ លីត្រ តាមពិតមានជំងឺកាចសាហាវសោះ

លោក Jonathan Plummer មកពីទីក្រុង Cornwall នៃចក្រភពអង់គ្លេស បានចែករំលែកបទពិសោធន៍នៃជំងឺមួយដែលធ្វើឲ្យគាត់ស្រេកទឹកខ្លាំងខុសធម្មតា ។

កាលពីឆ្នាំ ២០០២ លោក Jonathan ផឹកទឹករហូតដល់ ១០ លីត្រក្នុងមួយថ្ងៃ ធ្វើឲ្យគ្រូពេទ្យសន្មតថាជា “ជំងឺទឹកនោមផ្អែម” ប៉ុន្តែលទ្ធផលតេស្តរបស់គាត់បង្ហាញថា គ្មានជំងឺទឹកនោមផ្អែមទេ ។ ផ្ទុយទៅវិញ មូលហេតុនៃការស្រេកទឹកខ្លាំងរបស់បុរសវ័យ ៤១ ឆ្នាំនេះ គឺដោយសារតែដុំសាច់ខួរក្បាលដែលមានទីតាំងនៅក្រពេញភីតូរីសរបស់គាត់សោះ ។

សូមជម្រាបថា នៅផ្នែកមួយនៃខួរក្បាលរបស់យើងមានទំហំប៉ុនគ្រាប់សណ្ដែកដែលជួយគ្រប់គ្រងភាពស្រេកទឹក ដោយបញ្ជាឲ្យផឹកទឹកនៅពេលយើងខ្វះជាតិទឹក ។ សម្រាប់ករណីលោក Jonathan ដុំសាច់នោះបានបណ្ដាលឲ្យគាត់ផឹកទឹកច្រើនជាងធម្មតាដល់ទៅ ៤ ដងឯណោះ ។ ក្រោយ Jonathan ឆ្លងកាត់ការព្យាបាលដោយប្រើវិទ្យុសកម្ម ៣០ ដង ពេលនេះគាត់បានជាពីជំងឺនេះហើយ ។

យោងតាមការស្រាវជ្រាវជំងឺមហារីកចក្រភពអង់គ្លេសបានឲ្យដឹងថា មានករណីដុំសាច់ខួរក្បាលប្រហែល ១,២០០០ ករណីកើតឡើងជារៀងរាល់ឆ្នាំ ហើយក៏មានអ្នកស្លាប់ប្រហែល ៥,០០០ នាក់ផងដែរ ។

ចំណែកអ្នករស់រានមានជីវិតគឺអាស្រ័យលើប្រភេទនៃដុំសាច់ និងទីតាំងពិតប្រាកដរបស់វានៅក្នុងខួរក្បាល ។ យ៉ាងណាមានមនុស្សតែ ១០ ភាគរយប៉ុណ្ណោះដែលរស់នៅបានយូរជាងមួយទសវត្សរ៍ ៕

ប្រែសម្រួល៖ វារី

ប្រភព៖ dailymail

ចុចអាន៖ កុំធ្វើហី! ឧស្សាហ៍ព្រិលភ្នែក ឈឺក្បាល អាចជាសញ្ញាជំងឺដុំសាច់ខួរក្បាល