KPT+

លាក់មិនជិតទេ! នេះជាអត្តចរិតមនុស្សកើតខែមេសា

បានផុស

៥ years មុន

នៅ

ថ្ងៃអង្គារ ២០ មេសា ២០២១

ដោយ

Sonya

មនុស្សប្រុសស្រីណាដែលកើតខែមេសា ជាមនុស្សចិត្តក្ដៅបន្តិច ប៉ុន្តែក្លាហានមិនងាយចុះញមនឹងទុក្ខលំបាក ជាពិសេសជាបុគ្គលចូលរាប់ញាតិ រួសរាយរាក់ទាក់ ឆាប់ស្គាល់គេ និងចេះជួយទុក្ខធុរៈអ្នកដទៃ មិនចេះប្រកាន់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកកើតខែក្តៅនេះ ភាគច្រើនជាមនុស្សស្មោះត្រង់ណាស់មិនថាការងារ ញាតិមិត្ត ឬស្នេហាក្ដី។ ពេលខ្លះគេឆ្លាត ពេលខ្លះល្ងង់គួរឱ្យស្រឡាញ់ ហើយក៏ជាមនុស្សស្រឡាញ់ធម្មជាតិនិងអភិរក្សបរិស្ថានផងដែរ។ យ៉ាងណាក្ដី ពេលខ្លះអ្នកកើតខែមេសាហាក់ដូចជាខ្សោយកម្លាំងចិត្តម្តងម្កាល ពោលគឺឆាប់អន់ចិត្តនិងបាក់ទឹកចិត្តភ្លាមៗ។

ក្រៅពីនោះ គេជាមនុស្សចង់ដឹងចង់ស្គាល់អ្វីថ្មីៗ ចង់ចេះចង់ដឹងច្រើន ហើយមិនងាយនឹងចុះចាញ់អ្វីទេ ពេលតាំងចិត្តថាចង់ដឹងអ្វីមួយហើយ។

មួយវិញទៀត គេនេះជាជាមនុស្សស្ងប់ស្ងាត់បន្តិច តែមិនដែលលាក់អារម្មណ៍ក្នុងការចង់ដើរលេងទៅកន្លែងណាមួយឡើយ។ គេមិននិយាយច្រើនទេ ថាទៅគឺទៅ ថាអត់គឺអត់។ អ្នកខែនេះ ក៏ជាបុគ្គលចចេសបន្តិចដែរ ដោយសារការចចេសរឹងរូស ទើបអ្នកដទៃងាយមើលដឹងទឹកចិត្តគេយ៉ាងងាយ តែតាមពិតទៅគេស្លូត ឆាប់ខឹង ឆាប់ភ័យ ឆាប់អរណាស់ ហើយឆាប់បាត់ដូចគ្នា។

មនុស្សមានកំណើតក្នុងខែមេសា ចូលចិត្តរៀនរស់ដោយមិនពឹងអ្នកដទៃ និងស្រឡាញ់សេរីភាពដោយមិនមិនចូលចិត្តឲ្យអ្នកដទៃមកគ្រប់គ្រងខ្លួនប៉ុន្មានឡើយ និយាយរួមជាមនុស្សឯករាជ្យ។

ក្នុងរឿងស្នេហាវិញ មនុស្សកើតក្នុងខែនេះ មានភាពស្មោះត្រង់ជាមួយនឹងអ្នកដែលខ្លួនគេបានជ្រើសយកណាស់ ។ គេជាមនុស្សដែលមានភាពផ្អែមល្ហែម មានបេះដូងស្រស់បំព្រង ស្រឡាញ់មួយដឹងមួយ មិនចេះញ៉ែញ៉ងផ្ដេសផ្ដាសទេ៕

ប្រែសម្រួល៖ សន្យា

ប្រភព៖ Bestie

ចុចអាន៖ ដឹងខ្ទេច! ចរិតពិតអ្នកកើតខែមករា

ចុចអាន៖ លម្អិតបុគ្គលិកលក្ខណៈមនុស្សកើតខែកុម្ភៈ

ចុចអាន៖ បកស្រាយនិស្ស័យមនុស្សកើតខែមីនា