ចំណុចពិសេស ៣ នៃរឿង “មកតាមសន្យា” ដែលនឹងបង្ហាញវត្តមានឆាប់ៗនេះ
Connect with us
Helistar Cambodia - Helicopter Charter Services

KPT+

ចំណុចពិសេស ៣ នៃរឿង “មកតាមសន្យា” ដែលនឹងបង្ហាញវត្តមានឆាប់ៗនេះ

បានផុស

នៅ

ប្រលោមលោកមនោសញ្ចេតនាបែបអភិនីហារ​ ស្នេហាចាំជាតិ​រវាងមនុស្សប្រុស​ និងមនុស្សប្រុស ឬ BL ត្រៀមខ្លួនបង្ហាញវត្តមានសម្រាប់មិត្តអាននៅខែមិថុនានេះហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
May be an image of 1 person, eyeglasses and outdoors

រឿង “មកតាមសន្យា” ត្រូវបានអ្នកនិពន្ធ ពៅ មករា ដែលជាម្ចាស់ស្នាដៃប្រាប់ថា នឹងចេញផ្សាយនៅក្នុងខែមិថុនា ឆ្នាំ ២០២១នេះ ជាមួយសាច់រឿងថ្មី ប្លែក ខ្លឹមសារបង្កប់ដោយគុណតម្លៃបុណ្យបាប និងបញ្ហាសង្គមជាក់ស្ដែង។

ទាំងនេះជាចំណុចពិសេសៗទម្រាំរឿង “មកតាមសន្យា” ប្រសូតចេញ៖

១. ការបំផុសគំនិតអំពីតួអង្គនាគ

May be an image of outdoors

មុនពេលចាប់ផ្ដើមតាក់តែងប្រលោមលោកនេះ លោក ពៅ មករា បានប្រាប់ថា ទាំងតួអង្គ និងសាច់រឿងជាការបំផុសគំនិតមកពីស្រុកកំណើតរបស់លោកនៅឯខេត្តព្រះសីហនុ  ដែលទីនោះជាដែនសមុទ្រ និងជាប្រភពទឹកសត្វនាគដែលដូនតាធ្លាប់តែតំណាល។ មួយវិញទៀត ដោយសារខ្មែរមានព្រេងនិទានរឿង​ ព្រះថោងនាងនាគ ផងនោះ ទើបបានជា ប្រលោមលោក “មកតាមសន្យា” មានតួអង្គនាគ។

២. ពេលវេលានៃការសរសេរ

No description available.

ប្រលោមលោកនេះ ចាប់ផ្ដើម​រៀបចំឆ្អឹងរឿង​និងសរសេរតាំងពីខែមករា រហូតដល់​ដើមខែមិថុនា​ ឆ្នាំ២០២១ ពោលគឺប្រើពេលប្រមាណ ៥ ​ខែឯណោះ។

ក្នុងនោះអ្នកនិពន្ធជាបុគ្គលិកពេញម៉ោងនៅស្ថានីយទូរទស្សន៍មួយ​ ដូច្នេះការញែកពេលសម្រាប់បញ្ចប់រឿងសុទ្ធសឹងជួបការលំបាក។ លោក ពៅ មករា និយាយថា ព្រោះរវល់ការងារ ជួនកាលដាច់អារម្មណ៍សរសេរ ​ធ្វើឱ្យឈុតខ្លះត្រូវដកចោល​និងលុបចោលសរសេរឡើងវិញ២ទៅ៣ដង។ ចំណែកពេលដែលអាចឆ្លៀតបាន​ គឺមានតែពេលយប់ឬថ្ងៃអាទិត្យប៉ុណ្ណោះ។

ទោះយ៉ាងណា អ្នកនិពន្ធថា នៅដោយសារសាច់រឿងនេះដក់ក្នុងបេះដូងលោក វាក៏ក្លាយជាកម្លាំងជំរុញរហូតរឿង “មកតាមសន្យា” អាចសរសេរចប់ទៅសព្វគ្រប់។

៣. បញ្ហាកម្មផលដែលជាគុណតម្លៃនៃរឿង

May be an illustration of one or more people

ម្ចាស់ស្នាដៃបានឱ្យដឹងថា រឿងនេះផ្តោតធំទៅលើកម្មពៀររបស់មនុស្សកសាងពីជាតិមុនដែលនឹងទទួលផលនៅជាតិនេះ។ ដូចបុរាណពោលថា “ធ្វើអី បានហ្នឹង” ។

លើសពីនោះទៀត ត្បិតរឿងនេះជាប្រភេទ BL ក៏ពិតមែន​ ប៉ុន្តែខ្លឹមសារមានចំណុចតថភាពសង្គមនៃមនុស្សស្រលាញ់ភេទដូចគ្នាមួយចំនួនផងដែរ។ ទោះនៅក្នុងសង្គមកម្ពុជាមិនទាន់ទទួលស្គាល់ស្នេហាភេទដូចគ្នា ប៉ុន្តែស្នេហាបែបនេះមិនបានបង្កការឈឺចាប់ដល់អ្នកដទៃ ឬបំផ្លាញប្រយោជន៍បុគ្គលណានោះទេ។ ដូច្នេះ ការរើសអើងមនុស្សស្រឡាញ់ភេទដូចគ្នា មិនគួរបន្តទៀតឡើយ។

No description available.

ចុងក្រោយ អ្នកនិពន្ធ ពៅ មករា ក៏បានលើកឡើងពីកំហុសឆ្គងរបស់ខ្លួននិងស្នើសុំឱ្យមានការយោគយល់ចំពោះលោកផងដែរ។ លោកថ្លែងដូច្នេះ “ខ្ញុំដឹងថា ទោះស្នាដៃមួយនេះសរសេរឡើងដោយបេះដូង​ ឬប្រើអស់កម្លាំងកាយយ៉ាងណា ក៏នៅតែមានចំណុចខ្វះខាតតិចឬច្រើន​ តែខ្ញុំនៅតែរីករាយក្នុងការទទួលយកមតិរិះគន់​ កែលម្អពីបងប្អូនមិត្តអ្នកអានដើម្បីជំរុញស្នាដៃខ្ញុំក្រោយៗឱ្យល្អជាងនេះផងដែរ”៕

អត្ថបទ៖ សន្យា

ចុចអាន៖ “សំណុំឯកសារ Z22” ក្លាយជារឿងមានអ្នកអានច្រើនជាងគេក្នុងចំណោមសំណុំក្ដីរបស់ សុភាប្រុស

ចុចអាន៖ ចាយ គឹមហ៊ាង៖ រាល់​ប្រលោម​លោក​​របស់អ្នកនិពន្ធ ​ម៉ីសន សុធារី ខ្ញុំ​អាន​មិន​តិច​ជាង៣ដងទេ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៣ នាទី មុន

ប៉ែន សុ​គង់ ធ្វើការ​ហ្វឹកហាត់​យ៉ាងសកម្ម​លើ​ទីលាន​មុន​ការប្រកួត​មក ដល់​នា​ល្ងាច​ថ្ងៃ​៣១​កក្កដា​ខាងមុខនេះ​

ព័ត៌មានជាតិ៣ នាទី មុន

សម្ដេច ស ខេង ឱ្យពន្យារពេល រៀបចំវេទិកាផ្សព្វផ្សាយ​ និងពិគ្រោះយោបល់​របស់ក្រុមប្រឹក្សារាជធានី ខេត្ត ក្រុង ស្រុក ខណ្ឌ

កូវីដ-១៩៤ នាទី មុន

អាជ្ញាធរខណ្ឌមានជ័យ និងក្រសួងការងារ រកឃើញ បុគ្គលិកធនាគារ៩នាក់ វិជ្ជមានកូវីដ-១៩

ព័ត៌មានអន្ដរជាតិ៤ នាទី មុន

ជាក្ដីសង្ឃឹមដល់ប្រជាជននៅជុំវិញពិភពលោក ម៉ាឡេស៊ី អនុម័តថ្នាំថ្មីព្យាបាលជំងឺកាចសាហាវមួយនេះក្នុងតម្លៃសមរម្យ

ជីវិតកម្សាន្ដ១០ នាទី មុន

តារាចម្រៀង​ ពុទ្ធ មិថុនា ៖​ បើ​អក្សរ​ជាតិ​ខ្លួនឯង​មិន​ប្រើ ​តើ​អ្នកណា​ជា​អ្នក​ប្រើ ?

Sokha Hotels

ព័ត៌មានពេញនិយម

Helistar Cambodia - Helicopter Charter Services