KPT+

វិធី ៥ យ៉ាង ជួយធ្វើឲ្យអ្នករស់នៅក្នុងវិបត្តិរាតត្បាតនេះ បានល្អប្រសើរជាងមុន

បានផុស

៥ years មុន

នៅ

ថ្ងៃសុក្រ ៣០ កក្កដា ២០២១

ដោយ

ចាប់តាំងពីការរាតត្បាតបានវាយលុក ជីវិតរបស់មនុស្សគ្រប់គ្នាបានផ្លាស់ប្តូរ។ ជាការពិតដែលថា ការផ្លាស់ប្តូរជីវិត នឹងជះឥទ្ធិពលយ៉ាងខ្លាំងដល់ផ្លូវចិត្ត។

Kpt plus អាចជួយគ្រប់គ្នា ស្តារគំនិតល្អៗមកវិញបាន តាមវិធីដូចខាងក្រោម៖

១ ដឹងខ្លួននិងយល់ពីស្ថានភាពបច្ចុប្បន្ននេះ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការរីករាលដាលនៃកូវីដ ជារឿងមួយដែលយើងត្រូវតែដឹងខ្លួន និងស្វែងយល់ពីស្ថានភាពនេះ ប៉ុន្តែក៏មានគ្រប់ស្ថានភាពទាំងអស់ ដែលប៉ះពាល់ដល់អាយុជីវិតផងដែរ។ វាចាំបាច់ណាស់ដែលយើងត្រូវដឹងអំពីស្ថានភាពផ្សេងៗ ព្រោះការចងចាំ នឹងអនុញ្ញាតឲ្យយើងរៀបចំផែនការ និងវាយតម្លៃស្ថានភាពបានល្អ។ ដូច្នេះដើម្បីកុំឲ្យប៉ះពាល់ដល់ជីវិតច្រើន។

២ រក្សាផ្លូវចិត្តរឿងព័ត៌មានពិតនិងក្លែងក្លាយ

ជាការពិតណាស់ នៅពេលប្រឈមមុខនឹងស្ថានភាពណាមួយ ការតាមដានព័ត៌មានគឺជាការចាំបាច់សម្រាប់មនុស្សគ្រប់គ្នាផ្ដោតលើ។ ប៉ុន្តែវាក៏មិនអាចប្រកែកបានដែរថា នៅក្នុងយុគសម័យមួយនៅពេលដែលមាតិកាជាច្រើនត្រូវបានផលិត ដើម្បីទទួលបានការចូលចិត្ត វាមានឱកាសដែលយើងអាចយកសារខុសពីទិន្នន័យពិត។

ដូច្នេះ ជាការប្រសើរបំផុតក្នុងការធ្វើឲ្យទាន់សម័យនូវព័ត៌មាន ប៉ុន្តែក៏ត្រូវជ្រើសរើសព័ត៌មានពីប្រភពដែលអាចទុកចិត្តបាន និងបែងចែកយ៉ាងច្បាស់នូវពេលវេលាសម្រាប់តាមដានព័ត៌មាន ដើម្បីបង្ការការរំលោភបំពានពីប្រព័ន្ធផ្សព្វផ្សាយ។

៣ ស្វែងយល់ពីអត្តសញ្ញាណថ្មីពីសកម្មភាពកំឡុងពេលការរីករាលដាលនៃមេរោគនេះ

មនុស្សជាច្រើនចំណាយពេលស្ទើរតែពេញមួយជីវិតនៅផ្ទះ ព្រោះក្រុមហ៊ុនឬអង្គការខ្លះ មានគោលនយោបាយឲ្យបុគ្គលិកធ្វើការពីផ្ទះ ហើយនោះអាចផ្តល់ឲ្យមនុស្សនូវពេលទំនេរ។ ពីព្រោះយ៉ាងហោចណាស់ពួកគេមិនចាំបាច់ចំណាយពេលធ្វើដំណើរត្រលប់មកវិញ ពីការងារនិង ផ្ទះ។

ការស្វែងយល់ពីអត្តសញ្ញាណថ្មី តាមរយៈសកម្មភាព ក៏ជាវិធីមួយដើម្បីធ្វើឲ្យចិត្តយើងរស់ឡើងវិញ តាមរយៈវិបត្តិនេះ។ ដូច្នេះអ្នកណាម្នាក់ដែលមានសមត្ថភាព ឬចំណាប់អារម្មណ៍ក្នុងការផ្តល់អំណាចដល់ខ្លួនឯង អាចធ្វើបានក្នុងពេលទំនេរពីការងារ។

៤ បញ្ជូនថាមពលដល់អ្នកនៅជុំវិញយើង

នៅពេលដែលឃ្លាតឆ្ងាយ ធ្វើឲ្យចិត្តរបស់មនុស្សម្នាក់មានអារម្មណ៍ឯកោ ហើយអ្នកខ្លះថែមទាំងប្រឈមនឹងជំងឺធ្លាក់ទឹកចិត្ត។ វាមានសារៈសំខាន់ណាស់ សម្រាប់មនុស្សគ្រប់គ្នាបញ្ជូនថាមពលវិជ្ជមានទៅគ្នាទៅវិញទៅមក។ ដូច្នេះជារៀងរាល់ថ្ងៃ ជាការប្រសើរក្នុងការទាក់ទងអ្នកដែលនៅជុំវិញអ្នក តាមរយៈបណ្ដាញអ៊ីនធឺណេត ដូចជាវីដេអូខល ដើម្បីនិយាយផ្លាស់ប្តូរនិងលើកទឹកចិត្តគ្នាទៅវិញទៅមក។ ការធ្វើបែបនេះ ជួយស្ដារផ្លូវចិត្តឡើងវិញផងដែរ។

៥ ពិគ្រោះជាមួយគ្រូពេទ្យចិត្តសាស្ត្រក្នុងករណីកាន់តែដុនដាប

ការរស់នៅក្នុងស្ថានភាពនេះ ប៉ះពាល់យ៉ាងធ្ងន់ធ្ងរដល់ថាមភាពផ្លូវចិត្ត ដូចជាស្ត្រេសនិងអារម្មណ៍ដែលមិនអាចគ្រប់គ្រងបាន។ វាមិនអាចទៅរួចទេ ក្នុងការសម្របខ្លួនទៅនឹងការផ្លាស់ប្ដូរដែលកើតឡើង ឬសូម្បីតែស្ថិតក្នុងស្ថានភាពធ្លាក់ទឹកចិត្ត ។ នេះជារឿងចាំបាច់ ក្នុងការទៅពិគ្រោះយោបល់ជាមួយពេទ្យចិត្តសាស្ត្រ និងជាមធ្យោបាយដ៏ល្អមួយ ដើម្បីទ្រទ្រង់ផ្លូវរបស់យើងតាមរយៈវិបត្តិនេះ៕

ចុចអាន៖បើដឹងខ្លួនថាមកពីកន្លែងផ្ទុកវីរុសកូវីដ សូមប្រញាប់ធ្វើរឿងនេះភ្លាមៗ

ចុចអាន៖គ្រោះថ្នាក់ស្នាក់នៅផ្ទះយូរ! យុវវ័យគួរបង្រៀនចាស់ៗធ្វើលំហាត់ប្រាណ បង្កើនភាពស៊ាំទប់ទល់កូវីដ

ចុចអាន៖អ្នកជំនាញ WHO បញ្ជាក់ថា ក្រុមមនុស្សអាយុពី ២០ ទៅ ៤០ ឆ្នាំ មិនបង្ហាញរោគសញ្ញា គឺងាយនឹងឆ្លងកូវីដ

Related Topics:បញ្ហាផ្លូវចិត្ត