KPT+
ផ្លូវចិត្តសំខាន់ណាស់ ថែទាំមិនបានល្អ ឈឺមុនឆ្លងកូវីដ-១៩ទៅទៀត
ការថែរក្សាសុខភាពផ្លូវចិត្តឱ្យបានល្អ សឹងសំខាន់ជាងសុខភាពរាងកាយទៅទៀត ព្រោះថាបើវាចុះខ្សោយ ខ្លួនប្រាណទាំងមូលនឹងចាប់ផ្ដើមទ្រុឌទ្រោម ឯប្រព័ន្ធភាពស៊ាំក៏ថមថយ។
ជាពិសេស អំឡុងនៃជំងឺរាតត្បាតនៅក្នុងសហគមន៍ បើមិនព្យាយាមថែទាំផ្លូវចិត្តឱ្យល្អទេ មុខតែនឹងឈឺ មុនពេលជំងឺវាយលុកក៏ថាបាន។
កាលពីពេលកន្លងទៅ អង្គការសុខភាពពិភពលោកបានព្រមានអំពីផលអវិជ្ជមានមួយចំនួនចំពោះសុខភាពផ្លូវចិត្តបណ្ដាលមកពីជំងឺរាតត្បាតដែលវានឹងមានរយៈពេលវែង ប្រសិនពុំមានវិធានការទប់ស្កាត់នោះទេ។
ការថប់បារម្ភជុំវិញការរីករាលដាលនៃវីរុសកូវីដ-១៩ បង្កផលប៉ះពាល់ដល់ផ្លូវចិត្តយ៉ាងធ្ងន់ធ្ងរ។ ការបិទខ្ទប់ បូកជាមួយការរក្សាគម្លាតសង្គមផង បានរួមចំណែកដល់វិបត្ដិសុខភាពផ្លូវចិត្តដែលរួមមាន បង្កភាពតានតឹងផ្លូវអារម្មណ៍ កង្វល់អត់ការងារធ្វើ ការព្រួយបារម្ភផ្នែកហិរញ្ញវត្ថុ និងការដាច់ទំនាក់ទំនងសង្គម។
ថ្លែងនៅក្នុងសន្និសីទ នាយក WHO ប្រចាំទ្វីបអឺរ៉ុបលោក Hans Kluge មានប្រសាសន៍ថា មនុស្សជាង ៤ លាននាក់នៅទូទាំងពិភពលោកត្រូវជួបបញ្ហាជីវភាពរស់នៅធ្លាក់ដុនដាប បែកបាក់ទំនាក់ទំនងគ្រួសារ និងសហគមន៍ អាជីវកម្មបានដួលរលំ និងប្រជាជនរាប់លាននាក់ទៀតបានបាត់បង់ឱកាសការងារ។ មូលហេតុទាំងនេះ នាំឱ្យមនុស្សគិតច្រើនកើតជាស្ត្រេស ហើយសុខភាពចុះខ្សោយ ដែលជាឱកាសបណ្ដាលឱ្យវីរុសចម្លងយ៉ាងងាយ។
ដោយឡែក កាលពីពេលថ្មីៗនេះ លោកស្រី វេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលបានធ្វើការណែនាំដល់ប្រជាពលរដ្ឋកម្ពុជាត្រូវចេះរៀនពីរបៀបថែរក្សាសុខភាពផ្លូវចិត្ត ដើម្បីធ្វើឱ្យសុខភាពផ្លូវចិត្តរបស់យើងបានល្អប្រសើរឡើងដូចជាការបំបាត់ស្ត្រេស និងការថប់បារម្ភនៅក្នុងបរិបទប្រយុទ្ធនឹងជំងឺកូវីដ-១៩។
ចំណែកឯ លោកស្រី លី អាយលែន ប្រធានអង្គការសុខភាពពិភពលោកប្រចាំនៅកម្ពុជាបានលើកឡើងថា ជំងឺកូវីដ-១៩ បានគំរាមគំហែងដល់សុខភាពផ្លូវចិត្តប្រជាពលរដ្ឋកម្ពុជាពិសេសជនងាយរងគ្រោះដូចជា កម្មករទេសន្តប្រវេសន៍។ល។
ហេតុនេះហើយ គ្រប់គ្នាត្រូវយកចិត្តទុកដាក់ថែទាំផ្លូវចិត្តឱ្យមែនទែន កុំឱ្យតានតឹងពេក និងរកពេលលំហែខួរក្បាលខ្លះ ក៏ដូចជាសម្រាកឱ្យគ្រប់គ្រាន់ ដើម្បីពង្រឹងសុខភាពផ្លូវកាយ-ផ្លូវចិត្ត ប្រឆាំងនឹងវិបត្តិកូវីដ-១៩៕
អត្ថបទ៖ សន្យា
ចុចអាន៖ ហាត់យូហ្គាត្រឹមត្រូវ អាចបញ្ចុះសម្ពាធឈាម និងបំបាត់ស្រ្តេស យ៉ាងមានប្រសិទ្ធភាព
ចុចអាន៖ ស្រ្តេសកើតមាន មិនអាចចៀសបាន តែយើងអាចដោះស្រាយតាមវិធីនេះ
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
សន្តិសុខសង្គម២០ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង