KPT+

អ្នកវិទ្យាសាស្ត្រពិសោធឃើញប្រូតេអ៊ីនពន្យារភាពចាស់ និងធ្វើឱ្យអាយុវែង

បានផុស

៤ years មុន

នៅ

ថ្ងៃអង្គារ ១៦ វិច្ឆិកា ២០២១

ដោយ

Sonya

ក្រុមអ្នកវិទ្យាសាស្រ្តមកពីសហរដ្ឋអាមេរិក នាពេលនេះ កំពុងរក និងសម្គាល់ឃើញនូវប្រូតេអ៊ីនម្យ៉ាង នៅក្នុងដំណាក់កាលពិសោធលើសត្វកណ្តុរ ដែលបង្កឲ្យពួកវាមានអាយុរស់នៅបានយូរជាងមុន និងមិនឲ្យងាយចាស់។ អុីចឹងចង់ដឹងថា វានឹងអាចឲ្យមនុស្សមិនចាស់ និងអាយុវែងបានដែរអត់?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមអ្នកស្រាវជា្រវមកពីសាកលវិទ្យាល័យវេជ្ជសាស្រ្ត វ៉ាស៊ីងតោន រដ្ឋ Missouri សហរដ្ឋអាមេរិក បានសម្គាល់ឃើញក្នុងការពិសោធថា មានអង់ស៊ីម (សារធាតុជំរុញឲ្យមានប្រតិកម្មផ្សេងៗក្នុងរាងកាយ) ឈ្មោះ eNAMPT ធ្វើឲ្យមានបម្រែបម្រួលគួរឲ្យកត់សម្គាល់។ នៅក្នុងការពិសោធដែលបានបោះផ្សាយលើ ព្រឹត្តិប័ត្រវេជ្ជសាស្រ្ត Cell Metabolism របស់អាមេរិក បានឲ្យឃើញថា នៅពេលអ្នកវិទ្យាសាស្រ្តយកសមាសធាតុប្រូតេអ៊ីនទាំងនោះ បញ្ចូលក្នុងរាងកាយរបស់ សត្វកណ្តុរ ឃើញថា សត្វកណ្តុរនោះបានកើនអាយុរស់នៅរហូតដល់១៦ភាគរយ។

ក្នុងព្រឹត្តិប័ត្រដដែលបានបង្ហាញបញ្ជាក់ទៀតថា គេពិសោធលើកណ្តុរចាស់ ដោយយកប្រូតេអ៊ីនជាសមាសធាតុពីក្នុងសត្វកណ្តុរវ័យក្មេង ទៅដាក់ក្នុងខ្លួនកណ្តុរចាស់ លទ្ធផលវាអាចរស់នៅបានយូរជាងមុន ពោលគឺពីអាយុប្រហែល ២,៤ឆ្នាំ ទៅ២,៨ឆ្នាំ ហើយលើសពីនេះ កណ្តុរចាស់ទាំងនោះ ស្រាប់តែមានទម្លាប់គេង និងសកម្មភាពក្លៀវក្លាសកម្មដូចកណ្តុរវ័យក្មេង ហើយមានរោមស្អាតភ្លឺថ្លាទៀតផង។

Beautiful Young Asian Woman With Clean Fresh Skin, | Fresh skin, Asian woman, Skin

លោកសាស្រ្តាចារ្យសញ្ជាតិអាមេរិក ដើមកំណើតជប៉ុន Shin-Ichiro Imai ជាក្រុមការងារស្រាវជ្រាវមកពីសាកលវិទ្យាល័យខាងលើបាននិយាយថា៖ ” ពួកយើងអាច ព្យាករណ៍ និងរកឃើញរឿងនេះគួរឲ្យភ្ញាក់ផ្អើលមែន ដោយឃើញកណ្តុរមានអង់ស៊ីម eNAMPT នេះអាចរស់បានយូរ ហើយសកម្មដូចកណ្តុរវ័យក្មេង។ នេះជារឿងមួយ តែពួកយើងនៅមិនទាន់ដឹងទេថា នីតិវិធីនេះ អាចដំណើរការលើមនុស្សបានឬអត់ រឿងនេះ យើងពិតជាចង់ដឹង និងសិក្សាបន្ត ថាតើ វាអាចជួយមនុស្ស បង្ការមិនឲ្យចាស់ រស់នៅបានយូរ និងសកម្មដូចវ័យជំទង់ឬអត់?”៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ១០យ៉ាង ធ្វើបានជារាល់ថ្ងៃ ធានាសុខភាពល្អ អាយុវែង

ចុចអាន៖ គន្លឹះ ៦ យ៉ាងធ្វើឲ្យមុខក្មេងជាងវ័យ មិនងាយចាស់មុនអាយុ