KPT+

មុនឆ្នាំថ្មីមកដល់ គួរបោះចោលវត្ថុចាស់ៗ ៥ នេះ ក្នុងទូខោអាវឲ្យអស់

បានផុស

៥ years មុន

នៅ

ថ្ងៃសុក្រ ៣១ ធ្នូ ២០២១

ដោយ

ឆ្នាំថ្មីជិតចាប់ផ្តើមហើយ យើងអាចនឹងចង់បានសម្លៀកបំពាក់ថ្មីជំនួសរបស់ចាស់ក្នុងទូ។ ប៉ុន្តែក្រឡេកមើលក្នុងទូ បែជាចង្អៀត រកកន្លែងដាក់មិនឃើញទៅវិញ ។

ដូច្នេះហើយ អ្នកក៏គួរបោះចោលវត្ថុចាស់ៗដើម្បីនាំរបស់ថ្មីៗចូលមកវិញ ៖

១ សំលៀកបំពាក់ចាស់ៗ

សំលៀកបំពាក់ខ្លះៗ ដែលអ្នកមិនបានពាក់ក្នុងរយៈពេល ១០ ឆ្នាំ ត្រូវប្រាប់ខ្លួនឯងថា វាដល់ពេលដែលត្រូវនិយាយលាហើយ ។ កុំគិតថាថ្ងៃណាមួយ អ្នកអាចពាក់វាម្ដងទៀត ព្រោះរបស់ទុកកាន់តែយូរនឹងកាន់តែចង្អៀតប្រើលែងបាន ដូច្នេះអ្នកមិនបានប្រើវាទៀតទេ។

របស់អស់នោះ អាចបរិច្ចាគដល់អ្នកដទៃ ឬបោះចោលក៏បាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ រ៉ូបកូនក្រមុំ

វាអាចជាការសម្រេចចិត្តដ៏លំបាកមួយ ក្នុងការបោះវាចោលឬបរិច្ចាគ។ ព្រោះវាអាចជាឈុតថ្លៃ និងមានតម្លៃសម្រាប់យើង។ ប៉ុន្តែអ្នកត្រូវតែបោះចោល ដើម្បីជាការលាឆ្នាំចាស់។

៣ របស់ដែលអ្នកដទៃផ្ដល់ឲ្យ ហើយអ្នកមិនចូលចិត្ត

មិនថារបស់យើងទិញមក ឬគេឲ្យទេ ហើយយើងមិនបានពាក់វាសូម្បីតែម្ដងសោះ។ ដូច្នេះគួរតែបរិច្ចាគ ឬប្រគល់វា ទៅឲ្យនរណាក៏បាន។

៤ ឈុតកាលនៅរៀន

តាមពិតឈុតវិទ្យាល័យ សុទ្ធតែមានអត្ថន័យល្អសម្រាប់យើងគ្រប់គ្នា ប៉ុន្តែឈុតទាំងនេះ យើងអាចបោះវាចោល ឬបរិច្ចាគបាន ព្រោះបើទុកនៅយើងក៏បានត្រឹមកប់ចោលដដែល។

៥ វត្ថុឥតបានការ

មានវត្ថុមួយចំនួន យើងមិនគួរទុកនៅនាំតែចង្អៀតទូ ឬផ្ទះនោះទេ។ របស់អស់នោះ យើងអាចបោះចោល ឬធ្វើអ្វីម៉្យាងដល់អ្នកដែលគេគ្មានក៏បានបុណ្យច្រើន។

យ៉ាងណាមិញ ឆ្នាំថ្មីជិតមកដល់ហើយ របស់ណាមិនគួរទុកទេ មិនបាច់ទុកនាំចង្អៀតឡើយ។ គួរទិញចូលឬផ្លាស់ទីវត្ថុថ្មី ដើម្បីឲ្យមានសិរីសួស្ដី និងសំណាងល្អចូលមានដល់ជីវិត៕

ប្រែសម្រួល៖ សាង ស្រីល័ក្ខ